بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
كيف حالكم إن شاء الله دائما بخير ؟
هذه محاورة شعرية بيني وبين الأخ العضو الشاعر/((بدر بن صالح))آل الشيخ...
واترككم مع الابيات وانتم فكوا رموزها
بدر بن صالح
يا ما حلى والطير كاشف وطلاع=ومسرول(ن)واحجاج عينك تشوفه
قنيب الذيب
ما كل طير يشبع البطن لا جاع=والطير له فعل(ن) يضيع وصوفه
بدر بن صالح
الفعل زين ولجله الزين ينباع=والزين هده لجل نفس(ن) شغوفه
قنيب الذيب
الطير يا خلي مراتب وأنواع=أصحك تبيعه كان نفسك حسوفه
بدر بن صالح
هذا البدر ياهلال والبدر شعاع=دقات ريش(ن)محكمات صفوفه
قنيب الذيب
ما بين صياده وزوار الأسطاع=مدري يجي بالصيد وإلا يحوفه
بدر بن صالح
بعض البشر يا هلال إن لاع ما طاع=ما يتركه ما غير يمسح كفوفه
قنيب الذيب
بعض البشر يابدر له قلب ملتاع=كل ما قدم يفهق ويزداد خوفه
بدر بن صالح
لا تنتكس ياهلال من الشف ترتاع=بعض البشر جوفه على مل جوفه
قنيب الذيب
ما كل طير تنقله يابدر ينصاع=لازم تمر اليد وتمسح قحوفه
بدر بن صالح
بعض الطيور تخاير النسر بالداع=وبعض الطيور لنسرها هي عزوفه
قنيب الذيب
طيري ليا عزم على الصيد لفاع=واكبر خروب الأرض ماهو يطوفه
بدر بن صالح
طيري ليا حول كما الدلو لا قاع=الصيد صيده والقوافي تروفه
أرجو أن تكونوا قد استمتعم بهذه المحاورة مع شاعرنا وأخونا العضو/بدر بن صالح
تحيات أخوكم
جمعان بن عبد العزيز الخثيمي الغامدي
((قنيب الذيب))
محاورة شعرية بيني وبين الشاعر/بدر بن صالح آل الشيخ..
العرض العادي
