تخيل نفسك وانت تمر في هذا الموقف ماهو شعورك في تلك اللحظات

[مطارد البروق]

السلام عليكم ورحمة الله وبركاتة

صبحكم الله بالخير جميعا ياخواني الاعضاء والضيوف وبارك الله فيكم اينما كنتم جميعا

تخيل اخي الكريم وانت في اول الوسم في بداية النجم الاول من الوسم وذهبت الى البر

وكانت المفاجئة هو مشاهدة تلك السحابة في القبلة يعني في غرب مدينتك سحابة تميل الى

الاخضرار من غزارة المطر والبرد 0 ماهو تعليقك او تخيل نفسك وانت تمر في هذا الموقف

ارجو من جميع الاعضاء المشاركة ووصف شعورة في تلك اللحظات 0 وهذا ليس أمرا فمن

اراد المشاركة فليتفضل 0 شاكرا حسن تعاونكم معنا وسلامتكم يالغالين جميعا

ابي تعليقك وانت تشوف مثل هذة السحابة وهي مقبلة عليك مثل اللي في الصورة هاذي

وتقبلوا ازكى واخلص تحية من اخوكم ابونواف

[ثامرالماضي]

بسم الله الرحمن الرحيم

أول شي أبذكر الله سبحانه وتعالى اللي جابها مع أول الوسم ...

وثاني شي أبراجع رصيد إجازاتي عشان الايام الجايّة ...

وثالث شي أبزبن يالديرة ياخيمة راعي ...

مشكور أخوي أبونواف ... وأسأل الله العلي القدير أن يجعلها حقيقة بالوسم الجاي واللي بعدة ...

وننتظر المزيد ... من التخيلات ...

,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,,

[سحمان السبيعي]

شكرا اخي الكريم والله يستر من هذه الغيمه هل هي رحمة او عذاب

[أبوعبدالعزيز]

ابنصاااااااااااها نصي انا واياك يا مطارد البروق

[راعي الشاص]

والله شف
هذي يبغى لها تفاكير ومهوب تفكير.

شعوري هو اني اتخيــّل الشعبان تمشي الدنيا ، خضراء والربيع ملأ الأرض ، شبة الضوية.
حقيقة انك متعتنا ودخلتنا جو غير جونا اللي عايشينه الآن .
الف شكر لك اخوي مطارد البروق.

[ولد نجد]

بتشطر عنها عشرة كيلو وافل الفرشة وانزل العزبة واشب ضوي
واخايلها على رواقة ، وأسأل الله أن يجعل التمني حقيقة
والف شكر يابو نواف

[نقا خريم]

تسلم لنا يابو نواف على الصور الطيبه هذي مايحتاج واضح انها برديه
اللي انا ابسويه اذا شفتها نتغبى تحت طلحة من طلاح الشعيب ونستمتع برؤية السيل وهو يهدر .
واذا اراد الله وتوقف المطر مامثل رشفات من ابريق الشاهي مع هالجو الندي .
ياســـلام على الذكريات .
جزاك الله خير على تذكيرنا وتحميسنا ابو نواف

[عاشق المطر]

على طول ازبط البراد والبد تحته ..............
مره مافيه كلام تراك جيت على الجرح يابو نواف اه على المطر....
اخوك
عاشق المطر