طلعة إلى النفود بتاريخ 1429/12/25 هـ , مقلقل وبسكوت أبوولد وشغل سنع .. 28 صورة

[أبوعمران]

بسم الله الرحمن الرحيم

السلام عليكم ورحمة الله وبركاته ..

أسعد الله أوقاتكم بكل خير .. وحياكم الله وبياكمـ في ثاني موضوع لي في المنتدى المتألق [ الرحلات ] .

طبعا اتفقت مع واحد من الشباب اننا نطلع للنفود يوم 1429/12/25 هـ ونبيت هناك ونرجع بعد الفطور , طبعا كان الجو بارد وفي الفجر قد يصل الى درجة التجمد .. !



طبعا مثل هالطلعات توسع الصدر وتذهب الضيقه وتوسع البال ..


وكان عشانا في هالطلعة .. [ مقلقل يحبه قليييييبكم ]

وطبعا كان رفيق الرحلة بسكويت ابولد

صراحه أبولد مع الحليب الحار كلاااااام ثاني ..
بسم الله نبدأ مع الصور .. وإن شاء الله إنها تنال على رضاكمـ بعد رضى المولى عز وجل ..

في البدايه سوينا جرد على الأغراض وكملنا الناقص من حطب ومويه وحليب والمستلزمات الأخرى .. << طبعا ترى مسوين دعايه لبطاطس ليز



طبعا أول ماوصلنا ألتقطت صوره للمبروك .. [ تبارك الله ] ..



صورة أخرى [ تبارك الله ] ..



وبعدين تم إنزال المستلزمات ..



صورة من بعيد ..



طبعا بعد مافرشنا وشبينا الحطيبات .. كان من المستحب احضار بعض الخفايف من الليز وبعض الجلكسيات وحبيب الجميع بسكوت أبوولد ..



وصلحنا الشاهي ..



وبعد الشاهي وجلسة السمر .. جاء وقت العشاء .. وجاء دور تقطيع البصل ..



وتقطيع الطماط ..



وحان وقت حلوة اللبن [ لحم بقري طازج ] ..



وبعد تقطيع اللحم خرج هذا الشكل ..



وتم وضع اللحم في حافظ يحتوي على ماء بداخله بهارات وملح ..



وبعد فترة ربع ساعه تقريبا .. جاء دور الطاوة ..



وضعنا القليل من الزيت .. وضعنا البصل على الطاوة ..



ووضعنا الطماط فوق البصل ..



بعد التحريك والتقليب ..



وبعدها وضعنا اللحم المقطع والمبهر ..



وجانسنا بين البصل والطماط واللحم ( المقلقل ) .. وتركناه على الحطب ..



توضيح الطاوة على الحطب ..



صورة لبقبة الطبخه <<



وبعد تقريبا ثلث ساعه .. بعد مانشف الماء الي مع اللحم ..



صورة نهائية للمقلقل .. طبعا تم وضعه في صحون كرتون لكي تمتص الدسم .. وتم تقديم مشروب السفن اب مع المقلقل .. لزوم تهنيق اللقمة



والحمد لله كان عشاء رائع ولذيذ ..

بعد العشاء فرشنا فرشنا ونمنا ..


وقت الفجر صحينا وصلينا الفجر وذكرنا اذكار الصباح ..

وبعدها عبينا البريق حليب وحطيناه على الدافور طبعا وزنا السكر قبل لانحطه ..



ومع التكية والجو الصافي الحلو .. حلا التصوير



وصبينا الحليب .. يووووه والله ياطعمه يصك بالرااااس



وكان الفطور خفيف ..



وفي الختام .. تم جمع الأوساخ وربطه في كيس .. وكتبنا عبارة وداعية على الرمال الصافية <<



وتمت العودة الى الديار بسلامه من الله ولله الحمد ..




الى هنا أصل إلى ختام موضوعي المتواضع ..

استودعكمـ الله الذي لاتضيع ودائعة ..


أخوكمـ / أبوعمران

[الشيخ قوقل]

السلام عليكم ورحمة الله وبركاته

هلا بأبو عمران والله يرحم والديك
الملاحظات

1 ـــ الأسلوب جميل وله رونقه الجميل
2 ـــ الهرجة أكل وشرب ... ههههههه وهذي حلاة الطلعة
3 ـــ ماشوف الفناجيل ودلال القهوة
4 ــ الشاهي اللي تصبّة ( خادر ) قوّة هههههه لكن زين عقب اللحم الدسم
5 ـــ بسكوت أبو ولد والحليب ناسين تشابيهه هالأيام ونحن في (( مربعانيّة القيظ ))
6 ـــ سلّم لي على السكين اللي قطّعت اللحم
7 ـــ الصحون القرطاسيّة ماتصلح (( تشفط مرقة المقلقل / الطعم ))
8 ـــ ونعم المطيّة سيارتكم
9 ـــ وش هي الديرة اللي قدّام الباترول

الناتج :: ـــــ الرحلة كاملة جميلة وعسى الله يجيب ذيك الأيام الباردة اللي يزين به الحلب والحليب

شـكــ وبارك الله فيك ـــرا لك ... لك مني أجمل تحية يابوعمران .

.

[أبوعمران]

المشاركة الأصلية كتبت بواسطة الشيخ قوقل

السلام عليكم ورحمة الله وبركاته

هلا بأبو عمران والله يرحم والديك
الملاحظات

3 ـــ ماشوف الفناجيل ودلال القهوة
4 ــ الشاهي اللي تصبّة ( خادر ) قوّة هههههه لكن زين عقب اللحم الدسم

7 ـــ الصحون القرطاسيّة ماتصلح (( تشفط مرقة المقلقل / الطعم ))

9 ـــ وش هي الديرة اللي قدّام الباترول






.

يامرحبا أخوي الشيخ قوقل .. هلا بكل المشايخ والله

شرفتني وشرفت موضوعي بطلتكـ الحلوة ..

أول شيء ماقصرت وبيض الله وجهك على اطرائك الجميل .. وهذا ردي على بعض استفساراتك ..

بالنسبه للفناجيل والدلال حتى بيالات الشاهي , لاتقلب المواجع ياخوك هذا الشيء الوحيد الي نسيناه بهالطلعه .. ورقعناها بكاسات كرتون

والشاهي .. ياخوك انا ماحبه الا خادر

وبالنسبة للصحون القرطاسية .. انا متعمد لأن طريقة هالمقلقل ان مرقة يصير قليل , جرب وشف

وأخيرا .. الديرة هي الرياض طال عمرك ..

حياكـ الله أخوي

[الشيخ قوقل]

المشاركة الأصلية كتبت بواسطة أبوعمران

يامرحبا أخوي الشيخ قوقل .. هلا بكل المشايخ والله :taj43:

شرفتني وشرفت موضوعي بطلتكـ الحلوة ..

أول شيء ماقصرت وبيض الله وجهك على اطرائك الجميل .. وهذا ردي على بعض استفساراتك ..

بالنسبه للفناجيل والدلال حتى بيالات الشاهي , لاتقلب المواجع ياخوك هذا الشيء الوحيد الي نسيناه بهالطلعه .. ورقعناها بكاسات كرتون

والشاهي .. ياخوك انا ماحبه الا خادر

وبالنسبة للصحون القرطاسية .. انا متعمد لأن طريقة هالمقلقل ان مرقة يصير قليل , جرب وشف

وأخيرا .. الديرة هي الرياض طال عمرك ..

حياكـ الله أخوي

عُلم طال عمرك واستلمت وأطلع 25 على العامة نلقا الرحّالين
اللي مثلك تتعب على مواضيعة

لا شكر على واجب حقيقي تجاه إثراء الموضوع بالصور المتنوّعة والشرح الوافي
و الصراحة وعلى هالروح الرحلانيّة

لمحة :: ـــ صديقك الجديد الشيخ قوقل (( نفس السيارة + موافقة الأهوا ))

[ابو فراس]

ياحلو الطلعات الخفافية

وهذي فيها زيادة شوي نوم بعد وقومة فجر

يالله من فضلك ياكريم

من يحصل له مثلهن

[عبدالحميد الحربي]

ابو عمران

الله يسعد هالوجه

رجعتنا للأيام اللي نحتريها على (( أحر من هالأيام الحاره ))

طلعة حلوه وطبخه أحلى وكلك على بعضك ذوق

سلمت يالغالي

[البرق220]

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .

[أبوعمران]

المشاركة الأصلية كتبت بواسطة الشيخ قوقل

لمحة :: ـــ صديقك الجديد الشيخ قوقل (( نفس السيارة + موافقة الأهوا ))

لنا الشرف طال عمرك

المشاركة الأصلية كتبت بواسطة ابو فراس

ياحلو الطلعات الخفافية

وهذي فيها زيادة شوي نوم بعد وقومة فجر

يالله من فضلك ياكريم

من يحصل له مثلهن

ايه والله انك صادق , مثل هالطلعات لها طعم ورونق خاص

حياك الله أخوي أبوفراس وآنست وشرفت ..

المشاركة الأصلية كتبت بواسطة عبدالحميد الحربي (( أبو فهد ))

ابو عمران

الله يسعد هالوجه

رجعتنا للأيام اللي نحتريها على (( أحر من هالأيام الحاره ))

طلعة حلوه وطبخه أحلى وكلك على بعضك ذوق

سلمت يالغالي

ياهلا أخوي عبدالحميد , الله يسعد الجميع ياارب ..

وياخوك هانت ان شاء الله كلها كمن يوم ويدخل البراد

شرفت موضوعي طال عمرك

المشاركة الأصلية كتبت بواسطة البرق220

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .

وعليكم السلام ورحمة الله وبركاته ..

ياهلا أخوي البرق , نور الموضوع بهالطله الحلوه

[Abdullah K. AL-Hassan]

وعليكم السلام ورحمة الله وبركاته

ماشاء الله تبارك الله

الأخ الغالي

أبوعمران

طلعة خفافية جميلة ... ذكرتنا بأيام البرادة يازينها

اما المقلقل بوسط نفود شيء شيء ثاني

سلمت على هذا التقرير الرائع

أخوكـــ عبدالله

[أبوعمران]

المشاركة الأصلية كتبت بواسطة Abdullah K. AL-Hassan

وعليكم السلام ورحمة الله وبركاته

ماشاء الله تبارك الله

الأخ الغالي

أبوعمران

طلعة خفافية جميلة ... ذكرتنا بأيام البرادة يازينها

اما المقلقل بوسط نفود شيء شيء ثاني

سلمت على هذا التقرير الرائع

أخوكـــ عبدالله

ياهلا والله بالشيخ عبدالله ..

طلتك زادت الموضوع بهجه وحلاوة

سلمت على مرورك وردك ..

أخوك

[سحمان السبيعي]

شكرا لك على الموضوع الرائع بارك الله فيك على الرحلة المميزة ......................

[محمد المعارك]

مشكور اخي ابو عمران على هذه المشاركة
شوقتنا لأيام الشتاء والنفود.

بارك الله فيك.

[أبوعمران]

أخواني : سحمان السبيعي , محمد المعارك


حياكم الله وبياكمـ شرفتوا وآنستوا

أخوكمـ

[قوي العزوم]

اخي ابو عمران

رحله رائعه وصور ارووووووووووووع

الله يبيض وجهك



قوي العـــــــــــزوووووم

[أبوعمران]

المشاركة الأصلية كتبت بواسطة قوي العزوم

اخي ابو عمران

رحله رائعه وصور ارووووووووووووع

الله يبيض وجهك



قوي العـــــــــــزوووووم

ياهلا والله أخوي قوي العزوم

الرائع والله ردك بارك الله فيك ..

حياك الله وآنست وشرفت طال عمرك

أخوك