قصة محمد بن فهيد وزوجته مطيرة

[ابو فراس]

" طبايع الحريم "
في هذه القصة تبين اختلاف طبايع
الحريم كما تختلف بالتأكيد طبايع الرجال
صاحب القصة: محمد الفهيد الروقي من عتيبة
وقصة زواجه على (مطيره)
فقد كان محمد في احد سفراته وفي طريقه
مع اخوياه ووضعوا غداهم وكان
عبارة عن قرص مفروك بسمن
وكان بقربهم امرأه ترعى ماشيتهم ولايعرفونها قدموا
لها قطعة من القرص لكنها رفضته
فتركوه لها على الشجرة.
وبعد أشهر رجعوا من نفس الطريق فوجدوا
القطعة مكانها لم تلمس
فتعجب بن فهيد من امرها وكيف شامة نفسها
مما يدل على انها من بيت رفيع
فسأل عنها فأخبروه انها بنت بن سبيله من عبده
(احد فخوذ شمر) فخطبها من ابوها فتزوجها.
وبعد الزواج ولاها كل شي الطعام والزاد
والمفاتيح فكل شي تقوم بتدبيره فعرفت
نفسيته معرفة تامة فاذا
جاهم ضيوف ارسلت احد العبيد يسأل
من يكونون وكم عددهم
ومن زعيمهم وتحط لهم على قدر مكانتهم
وزوجها مع ضيوفه يؤانسهم بالسوالف
ولا يتحرك من مكانه لعلمه انها تقوم
باللازم بدون توجيه.
وفي يوم لفى عليه ابن سليم
من عنيزة ومعه خمسين من الرجال
فبقي معهم طيلة الوقت لم يتحرك
حتى قدم لهم الذبائح وكان طيلة
ذاك الوقت بمكانه مع الرجال.
وبعد عامين مر ابن سليم ومع
خمسة فقط من الرجال
على ابن فهيد وبعد ان سلم عليهم
ورحب بهم لكن هذه المرة كان بن فهيد
على غير عادته فكان يدخل البيت كل
ساعة ولم يجلس معهم كما كان في السابق
فاستغرب بن سليم دخوله وخروجه
على غير عادته وبعد ان اكرمهم
ووادعهم قال له بن سليم:
يامحمد ابنشدك عن شي في بالي
انت هالسنة غير، منت مثل اول؟
قال محمد: وقف انا بعلمك، انت جيت
وكان معك خمسين وانا ماتركت المجلس ابد
وهالسنة تشوفني داخل وطالع للبيت
والسبب ان زوجتي الاولى توفت
وزوجتي الثانية ماتعرف التدبير الا لما اقولها
واسمعك هالابيات اللي قلتها بزوجتي الاولى مطيره:



اطلب عسى الجنة منازل مطيره
.........حيث ان بها طبع على البيض ماصار
ما معجبن زينه ولو هي نظيره
........قصدي تنومسي الى جون خطار
مع زينتها الوافي بها زود سيره
.......دبره وعرف وكل شي بمقدار
لاجو على هجن من ارض الجزيره
.......تعومسوا عنهم رديين الاشوار
ان جييت للمطبخ ايلا فيه نيره
.......تلقى الحطب عندها تقل شغل نجار
ماهيب مثل هالدعلة المستديره
.......يجي العتيم وطامي القدر مافار
يدلاك وين اللي خطاهم قصيره
.......من جيته ما قط طلعت من الدار
ياعنك مايسمع نباها قصيره
.......ولاقط شفت الغيض منها والاكدار
الا ومع قصرة اخطاها ستيره
.......جتنا وراحت ماسمع صوتها الجار

اعجبتني فنقلتها لكم

[عبدالحميد الحربي]

مطيره إمرأه ،،،، بألف ـ ـ ـ ـ ـ ـ

رحمها الله وغفر لها

سلمت يا ابو فراس

[أبوخالد التويجري]

سبحان الله



الخير باقي واصابع اليد مو وحده والله يصلح حالنا وحالهن


لا هنت يالغالي ابوفراس




ابوخالد

[عبدالكريم اليوسف]

وعليكم السلام ورحمة الله وبركاته

قصة ولا اروع
دمت بخير ياعمدة

[حمد الجبيرى]

المصيبه بعدين تستاهل من يترحم عليها الله يغفر لها ويرحمها ويبشبش الطوبه اللى تحت راسه

[صالح اليحيى]

رحم الله مطيرة وجميع موتى المسلمين

ورحم الله الروقي وصح لسانه

مشكور ابو فراس على هذا النقل الرائع .

[ابو فراس]

مشكور على الردود الحلوة والحمد لله انها جازت لكم

[ريف النشاما]

[B][COLOR="DarkRed"]يالله حي الغالي والعالي


رحم الله مطيرة رحمة واسعة ،،،،،،،،،،،،، واللي مثلها قليل


واسمع لهذه القصيدة الشجية

!

[ريف النشاما]

هذه القصيدة الجميلة التي قالها الشاعر الحكيم : حميدان الشويعر -رحمة الله عليه - حينما بدأ بإرشاد ابنه باختيار زوجة المستقبل فقال له :




يـا صبـي استمـع مـن عويـد قضـى===الـدهـر مـدبــه لـيــن مـــا قـصــري
ما بقى منه غيـر العصـب والعظـام===مثـل عـود علـى الـدرب ومقـشـري
كـل مـن كــان قبـلـك بليـلـة و يــوم===شـاوره والخـبـر عـنـه لا تقـصـري
حـط بـالـك لـمـا كــان اوصـيـك بــه===فـان هــذي وصــاة عـلـى خـاطـري
لا تضـم التـي مــا تـعـرف الـسـوى===تجـعـل الـزيـن شـيــن ولا تـسـتـري
يذن العصـر والعيـش فـوق الرحـى===الـقـدر مـوصـخ واللـبـن مـخـوري
لا تـضــم الــتــي تـشـتــري لـلـغــى===دايـــم هـرجـهـا بـالـكــلام الــــزري
لا نـشـدهـا بعـلـهـا بـهــرج لـطـيـف===طوحـت حسهـا مـا ادري مــا ادري
انـذفـه فــي ثـــلاث تبـعـهـن ثـــلاث===لـجـل تـاكـل طعـامـك هـنــي مـــري
لا تــضــم الــتــي يــطـــوح طـيــهــا===الضـحـى وانــت بالمقـبـرة تـقـبـرى
لا تـضـم الـتــي قـــد حـكــى بـامـهـا===تحسـب العيـب بـاري وهـو مابـري
لا تـضـم الـتـي مــا تـخـلـي الـعـبـاة===دايــــم كـنـهــا تـلــعــب الـعـيـفــري
مـن جهلـهـا تخـلـي ولـدهـا يصـيـح===مــا تسـنـع لـهـا مــورد ومـصـدري
يوم تظهر من البيت وش هـي تبـي===هـي تبـي عنـد غيـرك طعـام طــري
اتـركـه يالخـبـل يــا نـكـيـث الـحـبـل=== لا تـجـزع ولــو قـيـل يــا المـثـفـري
طـلــق الـعـاهــر وخـلـهــا تـنـطـلـق===مـن حبالـك عـسـى بطنـهـا للـفـري
لا تـضــم الــتــي عـيـنـهـا واذنــهــا=== بـا لمزاغـيـل والصـايـر المسـفـري
ودهــا كــل مــن مــر مــع سوقـهـا===من شريف وطريـف يقـول اظهـري
لا تـضـم الـتـي مــا تـربـي الـحــلال===اغـبـر طبعـهـا والـزمــان اغـبــري
لا تـضـم الـتـي مــا تـمــل الـرديــف=== تـسـري اللـيـل لـلـي لـهــا يـحـتـري
لا تـضـم الـتـي مــا تخـلـي الرفـيـق===حيثمـا غـاب رجلـه فهـو يحـضـري
الوعـد مثـل مـن قـال كـحـي واكــح===في قيام العشر وان ظهرت اظهري
واقعـدي عندنـا ليـن مــا يظـهـرون===واظهـري والمـطـوع بـهـم يـوتـري
لا تـضــم الــتــي يـنـخــزن دونــهــا===دوم نـجـارهــا بـامـرهــا يـنــجــري
لـو تقـول ارفقـي يـا مــره بالـحـلال===دبـري مرزقـك ذا السنـة واصبـري
بـان منهـا مـن العيـب مــا تكـرهـه===وباشـرت فــي حـلالـك لــه تـبـذري
لــو يـخـطـر شـريــف فـــلا سـرهــا===ودهـــا انـــه يـخـطـر ولا يـخـطـري
وان دخـل باشـرتـه بخبـيـث الـكـلام===وان ظهر وندبت لـه يقـول ابشـري
سـلــط الله علـيـهـا قـبـلـهـا تــــزوم=== والضعـيـف بمرضاتـهـا مـصـخـري
مصخـر مـار مـا وفـق ابـن الحـلال===غـشـتـه بـالــذي دايـــم يـخـرخــري
يـا عسـى جنسـه دايــم مــا يعـيـش===عند الاجواد وان عـاش مـا يكثـري
مــن جهـلـه ومــن ســـو تدبـيـرهـا=== مـا عليهـا مـن اللبـس مـا يسـتـري
لا تـضـم الـتـي مــا يحـجـب الحـجـا===دون حـجـانـهــا كـنــهــا تــنــظــري
يـا مطـول حجيـه عـن الـلـي تـويـق=== تحـسـب أنــه الا نـاظـرت يـسـتـري
يــوم تـسـمـع لـهــا رفـيــق تـويــق===لو تحطه على الخمس مـا يقصـري
هـي علـى طبعهـا عـاصـي عـودهـا=== مـا يعـدل سـوى انــه يـبـا يكـسـري
لا تـضــم الــتــي طـلـقــت مـرتـيــن===يــوم يـطـري لـهـا طــاري تـنـكـري
كـل يــوم لـهـا عـنـد اهلـهـا نسـيـب===واحــــد داخــــل وآخــــر يـظـهــري
شــــارب مـخـهــم وآكــــل تـخــهــم===غـــاديٍ عـنـدهـم كـنــه العـسـكـري
لا تـضـم الـتـي مـالـه مـــن تـهــاب===خـبـلـة هـبـلـة مـــا لـهــا مــاكــري
يــوم تصـبـح تــدوج بـوسـط الـبـلـد===كــــل دار تـبـايــع بــــه وتـشـتــري
كـل مـن كـان يرضـى بـدوج المـره=== ودك انـــــه بنعـلـيـنـهـا يـصــطــري
الـمـره كـنـه الـشـاة بـيـن الـبـيـوت===يطمع بفرسه الكلـب لـو هـو جـري
لا تـضـم الـتــي راضـعــت روحـهــا===دايــــم خــالــيٍ شــقــه الايــســـري
لا تـضــم الــتــي عــمــرها مـنـتـهـي=== كــان تـرجـي عـيـال بـهــم تـذكــري
هـي سفينتـك لكـن غــدا الله علـيـك ===مـادريــت انـهــا ذبــــت الانــجــري
لا تـضــم الـتــي تلـتـفـت بالـطـريـق ===حـط بالـك لـهـا فــي ذرى العـايـري
وقـل اللـي مريـبـك عـلـى الالتـفـات===ياضـراب الخنـى بالـثـلاث اظـهـري
يــوم قــل الـحـيـا عـنـدهـا واتـســع ===وجههـا حــل فــي عينـهـا الانـكـري
مــا درت بالتلـفـت سـهـوم تـصـيـبب=== الضمايـر بهـا الكسـر مـا يجـبـري
وش تــــدور وراهــــا وذا طـبـعـهـا=== كـن مـا غيرهـا فــي البـلـد يـذكـري
لــو ابـوهـا يـهـد الجـمـوع بعـصـاها===و بشلـف علـى الكبـد تفـري فــري
او اخـوهــا يـخـلـي قـريـنـه يـخــور=== مثـل مـا خـار عجـلٍ مـع السامـري
لا تــضــم الــتـــي بـــــارد جـمــهــا===كـل شـي يـابـس وسقفـهـا يمـطـري
مـا تـذوق اللـذاذة وعـمـرك يــروح=== في قصى لو حلالـك مـن الاحمـري
لا تضـم الـتـي رزنــةٍ فــي المـكـان ===صخـرة مـا يقلقلهـا هـيـب ابـشـري
مــا تكـلـم ولا عنـدهـا لــك جـــواب=== وبسكوتـه يـزيـد الـمـرض باكـبـري
لا حـديـث يـسـلـي ولا مـــن فـــراق===قـلـب لا يـحـزن وعـيـن لا تـنـظـري
ذي هـي اللـي يـسـره الــى فـارقـت=== كــود يـاخـذ سـواهــا ولا يـخـسـري
لا تـضــم الــتــي قــاضــب خـلـفـهـا===مـن ضنـى غيـرك لخلفـهـا يمـتـري
مـا درى انـه عليهـا سـواة الرقيـب===قـاضـب فــي يــده تـكــة الـمـيـزري
ومحـشـوم عـلـى كــل حــال يصـيـر===مخصبٍ وقتـك أو مقصـف مدهـري
هـــذي أمـــراضن عــســاه تـطـيــب=== مـن ذنـو ب مـضـت جعـلـه تغـفـري

[/font][/color][/b][/size]

[BASSAM]

قصه رائعه مع قصيده اروع يالعمده


رحمها الله ورحم الله المسلمين جميعا


موفق بإذن الله ... لك مني أجمل تحية .

[راعي الشاص]

بعض القصص تكون عبرة ونبراساً يستفيد منها ذوي العقول النيرة.
الف شكر اخوي ابو فراس ، وقصة وقصيدة مؤثرة.

[أبو فهد العيد]

أبو فراس لاهنت على ادراج هاللابيات.
سلمت يمينك