الدوج + مركى رهيب = جلسه ترد الروح ..... شايب الصمان

[شايب الصمان]

السلام عليكم ورحمه الله وبركاته


هذا الله يسلمك يوم رجعت من الاجتماع بالليل كن الدوج شرهان علي بالحيل ولسان حاله يقول يوم جت الفرصه اللي أنتظره من زمان وهي الاجتماع علشان يمدوحني بعد رحله الشمال واللي بعد الله سبحانه كنت السبب بأنهاء معناتكم تتركني وتروح بأخوي العزيز النسيان حاولت أرضيه قلت له عطله الربيع تنتظرك مخليق للشدايد لكن رفض وأبا الابطلعه ولوقصيره قلت أبشر ... وبعد ماجيت من العمل لقيته مجهز حاله ومركب الفرشه والمعاميل والمركي الملكي ... قلت أجبر بخاطره وأنزل لكم كم صوره للدوج والمركى الملكي . وعذرا على التطويل .

يوم أنه زعلان شوفوا البرطم وشلون متدوتل ( الكفر )



يالله لك الحمد .... الدوج ومركى ملكي نعمه كبيره



طول الجلسه مغير أتأمل بهالمركى الرهيب يازينه زيناه .. للعلم اللي يبي مثله يقولي وأوصي الرجال اللي باعه يجيبلكم .............



ابوشعلان ويش رأيك بالمركى الملكي

[الانيق]

يابو عبدالله ما تخلي عنك الكفشات

لا تصير مثل هزيم الرعد ما يخلي شيئ الا يعلق عليه

وفيه ملاحظة ما تستاهل

العزبة تقل انه عزبة القهوة التركية

[شايب الصمان]

المشاركة الأصلية كتبت بواسطة الانيق

يابو عبدالله ما تخلي عنك الكفشات

لا تصير مثل هزيم الرعد ما يخلي شيئ الا يعلق عليه

وفيه ملاحظة ما تستاهل

العزبة تقل انه عزبة القهوة التركية

هلا ومرحبتين عزبة قهوه تركيه ومركى ملكي وجو مغيم يالله من فضلك صحيح العزبه عزبة القهوه التركيه ..... فزت معنا برحله بالدوج للصمان ... وبعدين به عامل مشترك بيني وبين هزيم الرعد .

[أبو مروان]

السلام عليكم ورحمة الله وبركاته

فعلا أخي الغالي شايب الصمان جلسة ترد الروح في الجو الخيالي الذي يغمر المنطقة

وكفؤ ونشمي وأثبت إنك بحق وحقيقة راعي وصاحب دوج ، بها الطلعة

وجزاك الله خير

[حمد الجبيرى]

فعلاً الدوج له حق عليك لازم توسع صدره ايام اختبارات الله يعين

[هزيم الرعد]

أجل صار حاطن العزبة وكل الأغراض ...
صار السيارة السوداء مهوب الدوج
بعدين وش هالمركى الملكي ...وين ياخوي ...هذا ملكي ؟
وراه مزركش تسذا من كل نوع ...؟
شرط إنه مصلح من بقايا قماش الستاير ..
شفه مرقع مع كل جهة لون وتصميم
بعدين يالأنيق وش نسوي ياخوي ...هم اللي يجيبون لأنفسهم الهرج ...
بالله معين يصير هالمركى ملكي ؟
تبي الصدق ... لو ماقال إنه المركى ملكي تسان قلت مليون بالمية إن الجمعية الخيرية توزعه مجانا
وبالنسبة للقاسم المشترك ياشايب الصمان ... خل عنك إننا حنا اللي جاسمينه مهوب هو اللي جاسمنا
محناب نلعب
يامال العافية والله

[ابو فراس]

يابو عبدالله

صدق الانيق شف ابو صالح نط من القدر

وبعدين من وين هالمركى ماخبرت عندك مثله الا اذا كنت ناطله مثل حذيان ...........

[BASSAM]

المشاركة الأصلية كتبت بواسطة ابو فراس

يابو عبدالله

صدق الانيق شف ابو صالح نط من القدر

وبعدين من وين هالمركى ماخبرت عندك مثله الا اذا كنت ناطله مثل حذيان

لا وانت الصادق .. وقف عند محطات البنزين اللي على طريق الدمام واخذ له واحد ( نغر من المغترب) .

(((قال ملكي قال))))


.

[شايب الصمان]

المشاركة الأصلية كتبت بواسطة أبو مروان

السلام عليكم ورحمة الله وبركاته

فعلا أخي الغالي شايب الصمان جلسة ترد الروح في الجو الخيالي الذي يغمر المنطقة

وكفؤ ونشمي وأثبت إنك بحق وحقيقة راعي وصاحب دوج ، بها الطلعة

وجزاك الله خير

أبومروان

الدوج راعي الجمايل وراعي وقفات عظيمه وياما وياما بيض الوجهه بأمور كثيره .... لازم نرضيه بأي ثمن وحتى زعلته قريبه ...............

[شايب الصمان]

المشاركة الأصلية كتبت بواسطة جلمود الجبيرى

فعلاً الدوج له حق عليك لازم توسع صدره ايام اختبارات الله يعين

أبوعلي

صدقت والعشره ماتهون بسهوله ................. وحتى ترضيته ماأخذة نصف ساعه .

[شايب الصمان]

المشاركة الأصلية كتبت بواسطة هزيم الرعد

أجل صار حاطن العزبة وكل الأغراض ...
صار السيارة السوداء مهوب الدوج
بعدين وش هالمركى الملكي ...وين ياخوي ...هذا ملكي ؟
وراه مزركش تسذا من كل نوع ...؟
شرط إنه مصلح من بقايا قماش الستاير ..
شفه مرقع مع كل جهة لون وتصميم
بعدين يالأنيق وش نسوي ياخوي ...هم اللي يجيبون لأنفسهم الهرج ...
بالله معين يصير هالمركى ملكي ؟
تبي الصدق ... لو ماقال إنه المركى ملكي تسان قلت مليون بالمية إن الجمعية الخيرية توزعه مجانا
وبالنسبة للقاسم المشترك ياشايب الصمان ... خل عنك إننا حنا اللي جاسمينه مهوب هو اللي جاسمنا
محناب نلعب
يامال العافية والله

هزيم الرعد

أقول متى الحق اللي بيننا من عام 2004 اللي بالصمان ... الظاهر انه صار قطيع مهب هرفي ..... المركى ملكي ......... وينكم يالمغترب وثهلان وخشم الحصان

[سحمان السبيعي]

شكرا لك اخي شايب الصمان على الموضوع الرائع الي اضحكني كيثرا بارك الله فيك

[ثامرالماضي]

وقف وقف وقف وقف
دا تبعي ياسطه

سبحان من يحّي العظام وهي رميم

يابو عبدالله هالمركى ضايع مني أنا ... بس أنا ماحظرت معكم الحفل !!!!

هذا ضايع منّي في إجتماع الدهو برمضان ... ونزل موضوع عنّه وقالوا لي إنه يبي يجيك إن شاءالله ... وإلى هالحين ماشف شي ...

آآآآآه ياهالمركى له ذكريات الله المستعان ...

لكن أحس إنك مملوح حتى الدوج زاين ... كل ذا من المركى ... ماشاءالله عليه ...

عاد علمني وش السالفه ؟؟؟

,,,,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,,

[شايب الصمان]

المشاركة الأصلية كتبت بواسطة ابو فراس

يابو عبدالله

صدق الانيق شف ابو صالح نط من القدر

وبعدين من وين هالمركى ماخبرت عندك مثله الا اذا كنت ناطله مثل حذيان ..........

لا يابوفراس مانطلته ... جاين هديه من شخص عزيز بالحيل....... وراه شايفه مع أحد من حضور الاجتماع...

[شايب الصمان]

المشاركة الأصلية كتبت بواسطة BASSAM

لا وانت الصادق .. وقف عند محطات البنزين اللي على طريق الدمام واخذ له واحد ( نغر من المغترب) .

(((قال ملكي قال))))

.

يابومحمد لا أخذت واحد من المحطات ولاشىء ......... جان هديه أقول لا ... وكنت أتمنى واحد مثله ولكن جزا الله اللي أهداني أيه كل خير .........................