المختصر المفيد في أمطار الخميس والجمعه25-26/12/1428هـ

[عمار السفينه]

بسم الله الرحمن الرحيم







السلام عليكم ورحمة الله وبركاته


أهلا وسهلا بجميع من حضر ونور الموضوع بتواجده



الحمد لله تيسر لي الخروج يوم الخميس الساعه 12 ليلاً (( يعني بداية يوم الجمعه ))



لتقصي أخبار الامطار والاستمتاع بنعمة الله



من خروجي من الرياض لم يكن هناك شي الا بعد وصولي للمجمعه 180 شمال الرياض




حيث جائتهم امطار لابأس بها قبل وصولي بساعه يعني الساعه 2تقريباً










ثم توجهت للارطاويه وكان الوضع السماء ترش والبروق شماال


ثم ارتحنا في الارطاويه الى الساعه 5:30








صلينا الفجر وتوجهنا الى منطقة أم رقيبه

وكان المطر يشتد بعض الاحيان ثم يصبح خفيف (رذاذ)

وأيضاً كنا نرى بعض الصواعق القريبه







وهذي صوره لبوابة مزاين أم رقيبه








وهذي الدابه الجديده (( قولوا ماشاء الله )) ويلاحظ وقع المطر







وهنا محطة البطيحان








ثم من المحطه طلعنا ل ساموده وأم عشر وكانت ماشاء الله ممطوره مطر طيب


وهذي لفيضة ساموده ويلاحظ أن الارض ( مطينه )





ثم رجعنا الى نفود أم رقيبه وأخذنا قيلوله الساعه 11 صباحاً


ويا زينها من نوووووومه على نفد ممطور وسماء كاتمه والسماء ترش










بعد القيلوله التي استمرت الى 12.30 اخذت بعض الصور للجو















ويلاحظ الضباب والسحب المنخفضه








لاتشرهون ههههههه










ثم اتجهنا الى الارطاويه والمطر مازال يقوى ويضعف










بعد خروجنا من الارطاويه مباشره ضربت سحابه وبداء المطر ينزل بقوة شديده ماشاء الله
















































بعدها كملنا طريقنا بتجاه المجمعه




تااااااابع

[عمار السفينه]

دخلنا المجمعه وصليت الظهر والعصر جمعاً وقصراً

ثم جاءت رساله من أخوي الغالي أبوعبدالعزيز توضح صورة الرادار وكان

هناك سحابه شديده بين المجمعه والرس يعني حول الغاط

مسكت خط القصيم السريع

ووصلنا لها وهي تمطر ماشاء الله وكانت هذه الصور

لاحد الشعبان حول الغاط

ومررنا كذلك على اثنين غيره لكن مااستطعت تصويرها

بعدها أكملت المسير بتجاه القصيم وهذا النفود رويييان ماشاء الله

بعدها رجعت عبر معبر جمال للعوده للرياض

لاحظ الظلام وشدت السحاب وأيضاً كنا نرى بعض البروق ونسمع الرعد أحياناً

كانت هذه الصور واعتذر لعدم شمولية الصور لان بعض المناطق اما ان تكون مظلمه ولا اكون مسرع

ولا تلقطها الكميره بشكل ممتاز

معلومات عن الرحله
.
.
.
..........................
مشينا قرابة 1300 كيلو
اجمالي وقت الرحله كان قرابة 18 ساعه


والسلام عليكم ورحمة الله وبركاته

[خالد الشريهي]

أخوي عمار السفينه

الله يجعلها أمطار خير وبركه ويعم بنفعها الجميع

الله يغيث البلاد والعباد

الله يوسع صدرك بالايمان وطاعة الرحمن مثل ما وسعت صدري وأنا بعيد عن الديره

تقبل أجمل تحية

[الحريقى]

الله يجزاك الف خير على هالصور

[Abdullah K. AL-Hassan]

الغالي

أبو عبدالله

رحلة وتقرير ...قمة في الروعة والخيال ....ماشاء الله

أللللللللللللف شكر يالغالي

تقبل مني خالص الود والتقدير والمحبة
أخوك ومحبك في الله عبدالله

[محمد المعارك]

الحمد لله على السلامة اخي عمار السفينة
تقرير رائع وبصراحة انكم مشيتوا الى الاراضي اللي تهم الرحالين حيث الصمان والدهنا والمناطق اللي حولها.

صورك رائعة وهالدابة الرائعة الله يخليها لك ويكفيك شرها.

بارك الله فيك.

[ذيب العرمه]

عمار السفينه عماار دوم يارب . تقرير مطري وصور روعه يعطيك العافيه

[سلفر]

اخوي عمار السفينة

الله يجعلها امطار خير وبركة ويعم بها بلاد المسلمين

لاهنت على علوم المطر والله يبيض وجهك

تقبل تحياتي

سلفر

[ابو فراس]

ابو عبدالله الله يوسع صدرك بالايمان مثل ماوسعت صدورنا بهالاخبار السارة

[العنبري]

الله يعطيك الصحة والعافية

ياابوعبدالله على هالتقرير المصور الجميل والمتابعة الرائعة

فعلا كانت الاجواء عصر ومغرب الجمعة اجواء رائعة

وقد كنت متواجدا هناك برفقة اخي ابوعبدالعزيز

وتمنينا لقائك والسلام عليك لكننا كنا مستعجلين

وان شاء الله يكون لنا لقاء في اقرب فرصة

تقبل مني كل الشكر والتقدير

[أبوعبدالعزيز]

مشكور يا ابو عبدالله تقرير شافي ووافي جزاك الله خير والجايات لازم نشوفك

[الباحث الصغير]

تسلم والله ولا هنت

تسلم والله على المسافة اللي قطعتها كله لأجل عيون الرحلات

تسلم والله ياعمار السفينه

وتسلم والله على الصور الأروع

يابعدي

وبيض الله وجهك

[الجارمن]

الله يجزاك عنا كل خير
ويجعل ايامكم كلها خير ويركة
بااخبار الخير اللي جلبتها معك
والحمد على السلامة

[عمار السفينه]

ثهلان

الحريقى

a.k.h

صقر

ذيب العرمه

سلفر

ابو فراس

العنبري

أبوعبدالعزيز

الباحث الصغير

الجارمن


ياهلا بكم جميعاً والصراحه تستاهلون أكثر وأكثر

يا رحاااله

[ثامرالماضي]

بسم الله الرحمن الرحيم

أخوي عمار السفينه

الله يرزقك الجنه قل آمين ... الصراحه تقرير قمّه بالروعة ... ورحله ممتعه وغير متعبه دام الجو يساعد ...

لاهنت يالغالي ... وبيض الله وجهك ...

وننتظر جديدك يالغالي ...

,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,