استفتاء على السريع عن أفضل أحجام الخيام لديك

[الزينون]

مالذي تفضله لرحلاتك الخفافية والعائلية من الأحجام

2*3
2*4
3*4
4*4
4*5

ام تفضل ما كبر حجمه وخف حمله وتركيبه

ريكم يهمني فلا تبخلوا علي بآرائكم

[هدد ؟؟؟]

أول السعودية 001

أنا أشوف أغلب الكشاته يستعملون خيمة البيرق 4،5*4،5وخيمة التوافق 3*3أو3*4على ماأظن.

عموماً الموضوع هذا محيرني .. خصوصاً إذا صار موترك مايشيل واجد مثل الربع الباترول أو الباثفيندر.

أشكرك على طرح الاستفتاء

[محمد المعارك]

اخي الزينون
بالنسبة لي استخدم خيمة صغيرة للنوم فقط وهي سهلة التركيب والطوي وهي خيمة القاضي ... وتكفي لشخص واحد فقط.

[فهدالدوسري]

الاخ الغالي
الزينون
السلام عليكم
اخي الحبيب الخيام اكبر مشكله الثابت مع هب الهواء سبير وياخذ حيز
والصغير يلعبه الهواء طول الليل سنه واحد فيه ماغص
و تسمع طول الليل سنفونية القرقعه من الهواء
يارجل خلها علي الله
تعودنا
اخوك
خشم الحصان
.............
نغزه........... الموضوع من لي كاتبه ياصقر (الزينون)او(هدد)
دقشه........... الفمتو فعايله

[ابو صقر]

بسم الله الرحمن الرحيم

والله ياخوي الزينون موضوعك مهم وحساس
لانه في بعض الاوقات اذا ماصارت معاك خيمه ممكن تظطر تقطع الرحله
بوجود الامطار (الله يجيبه)او العج او البرد الشديد ... الخ
المشكله اخوي زينون مانقدر نحدد عدد الاشخاص المتوقع تواجدهم معاك ونوع السيارة وهل استخدامه لك خاصه في الرحلات البعيده او القريبه ورحلات العائله

ورغم كل هذا يازين النوووم في العراء وتحت النجووم والتقرفص في التنزاني
(بالبر لو هي برد مبسوط راضي)

مشكور الزينون وابي اتابع اراء الربع لانه يجيبون اشياء مفيده عساهم على القوه

[الزينون]

أشكركم أحبتي جميعا على هالتفاعل

وأنا على وشك انهاء تصميم خيمة جديدة بمشيئة الله بفكرة حديثة سهلة الاستخدام في الفك والتركيب والتحميل وذات ميزة في زيادة الحجم تحسبا لضيوف البر

لكن مشكلتي أنها ستكون مكلفة قليلا لكثر مميزاتها وتصميمها الجديد


دعواتكم لي بالتوفيق وما زلت أنتظر آرائكم

[ولد نجد]

اختيار حجم الخيام مشكلة .. يلزمك ان تعرف عدد الاشخاص معكم في الطلعة
بالنسبة لتصميك اذا كانت تجارية اتمنى ان تراعي رغبة الزبون وإذا كانت شخصية فانت ابخص والله يوفقك
وشكرا اخي الزينون

[أبوهندي]

شكراً اخوي الزينون على هذا الموضوع ..

الصراحه كل ما كبرت حسيت انك كاشت صدق<<<<< لا ياشيخ


طبعاً مع ناس روحهم خفيفه واعتبر هذا شيء مهم


والله يوفقك للتصميم والله ينفعبه عاد لا اوصيك

(بالقماش التنزاني ـــ وبطنها ببلاستيك ـــ وشعار المنتدى ههههه)




اخوك/ ابوهندي

[الزينون]

المشاركة الأصلية كتبت بواسطة أبوهندي

شكراً اخوي الزينون على هذا الموضوع ..

الصراحه كل ما كبرت حسيت انك كاشت صدق<<<<< لا ياشيخ


طبعاً مع ناس روحهم خفيفه واعتبر هذا شيء مهم


والله يوفقك للتصميم والله ينفعبه عاد لا اوصيك

(بالقماش التنزاني ـــ وبطنها ببلاستيك ـــ وشعار المنتدى ههههه)



اخوك/ ابوهندي

الله يحيك يابو هندي ويقبل دعاك

الحقيقة نوع القماش يحير شوي

ما بين انك تحط تنزاني أو قماش بلاستر مثل الي تباع جاهزة وضد الماء

ميزة التنزاني أقل حرارة لكن أكبر حجم عند التسفيط

وميزة البلاستر أخف وأقل حجم عند التسفيط لكنه أشد حرارة في الشمس



أما بالنسبة للحجم فما زلت أفكر في 3*5 ويمكن الزيادة إلى 4*5

وقد أضطر للتصغير إلى 3*4 والزيداة إلى 4*4

او 2*5 والزيادة 3*5 لكن هذا المقاس أرى انه غير مناسب قبل الزيادة

ويبقى النتيجة مع سعر القماش والله ييسر الأمور

[عمار السفينه]

أخوي الغالي الزينون

ياهلا بك

أنا الصراحه عندي خيمة البيرق 4.5 4.5 وهي من أجمل مايكون معي ولله الحمد

والصراحه هي موجوده في الموتر دااايم

لكن استخدامها قليل ولا يكون الا اذا كان هناك عدد معي وفي الامطار

أما اذا كنت برفقة واحد ولا اثنين فبدون خيمه

واذا كان فيه مطر الله يخلي الموتر ((فيه سرير ملكي على كييييف كيفك))

هههههههههه

تحياااااتي

[الزينون]

الله يحيك يا عمار السفينة

سؤال خيمة البيرق الي عندك كم تتسع لشخص عند النوم

[عمار السفينه]

المشاركة الأصلية كتبت بواسطة الزينون

الله يحيك يا عمار السفينة

سؤال خيمة البيرق الي عندك كم تتسع لشخص عند النوم

ولله يالغالي من التجربه تاخذ 8 أشخاص بفرشهم التنزانيه

والصراحه الصراحه قد رقد فيه 10 أشخاص لاننا فتحنا المظله وصارت أوسع شوي

أما الجلوس فتأخذ واااجد يعني فوق العشره