هذه قصيدة كتبتها على على موضوع الأستاذ محمد اليوسفي وقصيدة الأخ الغالي((راعي الذوق))
هذا الولع يا صاح وهذاك حاله=راعي الولع يشفق على الصيد بالحيل
وما كل قناص يدشر عياله=إلا ردي راضي بالبهاذيل
وما كل قناص يصيد بجهاله=وما كل قناص على طبعه الميل
مخطي عليه موصفه بالهباله=هذا خبر خطر ويحتاج تحليل
يومك تعمم بالجميع بساله=ضميت ما بيا الهبل والمشاكيل
راعي القنص كفو لدرب الجماله=رجل يحوف المرجله وافي الكيل
راعي القنص يعرف ويش عليه وماله=قايم بحق الله ويقرا بترتيل
وإن كان غيب غيبته في الرجاله=ضاري على سج الفكر والتعاليل
راعي القنص يا صاح حارس حلاله=سلوت فؤاده بنقل طيره وتدهيل
يشري طيور الكون من حر ماله=لا هو شحذ أحد ولا أعطاه بالميل
وللمرجله سوق ويعرف مجاله=تشري على طبعك من أغلى الرجاجيل
وياشين رجال هجر من وفاله=يلقى على دربه وعور وعراقيل
ردي على قصيدة الأخ الغالي/ الكريم اليوسف..((راعي الذوق))في موضوع الأخ/أبو زايد
العرض المتطور
