كثر الحكي يمرض قلوبا سليمة

[شعب الموت]

بسم الله الرحمن الرحيم
السلام عليكم ورحمة الله وبركاته

كثـر الحكـي يمـرض قلـوبـن سليـمـه=والصـمـت حكـمـه لـلـرجـال الحكـيـمـن
لــو أن كـثـر الحـكـي يجـلـب غنيـمـه=ماشفـت فـي ا لدنيـا رجالـن شقييـن
بعض الرجال أليا حضر فـي وليمـه=شغـل تماتيكـه علـى الزيـن والشيـن
جـــاب الـعـلـوم الـحـاضــره والـقـديـمـه=فـك الــزرار وزود الـصـاع صاعـيـن
ناقص ضمير وضاحكـن لـه رجيمـه=الـحـلــق مــدفــع والـبـراطــم سـكـاكـيـن
واليا نصحته طحت لـك فـي جريمـه=تـــنـــهـــزرك ولاتــــحـــــداك بــالــعـــيـــن
أومـــا بـراســن مــثــل رأس البـهـيـمـه=يقـول ويــن فــلان عـنـي وأنــا ويــن
يـنــفــخ بــوردانـــه ويــكـــرب بـريــمــه=كـنـه صـديــع هـايـشـن لـــه مجـانـيـن
الأجـنـبــي يــقـــول وش هالـصـتـيـمـه=وعند الجماعه من حساب الكراوين
يـطـلـع رجـالــن بالـمـجـالـس حـكـيـمـه=كــلامــهــم لـــنــــاس ورد وريــاحــيـــن
طلـقـيـن الأيـــدي والـخـواطـر كـريـمـه=خفـاف النفـوس مرجحيـن الموازيـن

شعر: الشاعر الكبير مفرح الضمني المطيري
رحمه الله

[ابراهيم الحميد]

ضح لسان الشاعر

وتسلم اخوي على هالقصيده الرائعه

في انتظار جديدك

[حمد الجبيرى]

اختيار موفق بارك الله فيك

[ابو فراس]

صح لسانك ورحم الله الشاعر

الغريب ان اقل الناس قبول للنصيحة هم الثرثارين فمهما تكلمت لا يعطيك فرصة او يحول موضوع الكلام الى موضوع اخر

[عبدالكريم اليوسف]

وعليكم السلام ورحمة الله وبركاته

كل الشكر لك على هذا الاختيار الجميل
ورحم الله الشاعر الكبير مفرح

ولا تبخل علينا من هالزين

[شعب الموت]

اشكركم احبابي الكرام على زيارتكم الميمونة لمتصفحي المتواضع وكل عام وانتم بخير وعساكم من عواده

[بدوي حضري]

بعض الرجال أليا حضر في وليمه شغل تماتيكه على الزين والشيـن

هههههههههههههه عزالله صدق الشاعر عسى الله يرحمه

شكراً لك على هالنقل الرائع وننتظر جديد مشاركاتك يالغالي