صيدنا من الدخّل في شعيب العصل ........... أبو شعلان ...

**ثامرالماضي** · 26-08-07, 12:18 PM

بسم الله الرحمن الرحيم

إخواني أعضاء وزوار منتديات الرحلات ...

السلام عليكم ورحمة الله وبركاته ...

الأسبوع الماضي في تاريخ 10و11 / 8 / 1428هــ الماريّه دخول سهيل ذهبنا في رحلة صيد (( الدخل )) في شعيب العصل ... شمال تمير ...

والحمدلله وفقنا بالصيد حيث يوم الخميس صدنا مايقارب 385 دخله و3 صفاري ...

وأما يوم الجمعه ... كان صيدنا مايقارب الــ 150 دخله وصفارى واحده ...

وأترككم مع الصور ...

هذي الصورة أثناء التنتيف

وهذي الصورة تجهيز بعض الدخل للشوي

يقالي محترف ...على هالصورة ... بس الصراحه جازت لي ... نقره لعرض الصورة في صفحة مستقلة

وهذي بدايه الشوي ...

للمعلومية ترى كلّه خلص ذواقه ... (هاه زبط لا يبيله شوي) ... إلين خلّص نقره لعرض الصورة في صفحة مستقلة

وهنا بدايه المعركه ... حيث إنهم من العجله مافيه وقت يوقفون اللبن والقواطي ... نقره لعرض الصورة في صفحة مستقلة

وهذي صوره عن قرب للدخل الغير مشوي ...
وتراني أصور هالصور وأنا ماسك الكميراء بيد والشوزن بيد ... مهددهم ماحد يمد يده قبل ما أصور ...

وهذي صورة ... لموتر رفيقنا بالرحله (( أبوفهد )) الله يطول بعمره ...

وأهدي هذه الصورة للعمدة أبوفراس وللغالي الجارمن وللغالي شايب الصمان ...

وأقولهم ودي بس تويقون بهالموتر وتشوفون العزبه ...

بس أخاف تكرهون عزبكم

وهذي الصوره مع الجنب ...

وبعد هذا كله أتمنى أن يحوز هذا الموضوع على رضاكم ...

(( وإدعولي بالرحله الجايه ))

,,,,,,,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,,,,,,,,,

أبوعبدالعزيز · 26-08-07, 01:28 PM

عليكم السلام ورحمة الله وبركاته الله يغفر لك ويجزاك خير

ما شاء الله تبارك الله بيض الله وجهك يا النشمي

الله يهنيكم ويسعدكم وين ما رحتوا وفقكم الله لكل خير اخوي ابوشعلان صايدين وفايدين صور رائعه مهابيط العافيه

نغزه -- الشوايه تباع جاهزه وين

فهدالدوسري · 26-08-07, 01:37 PM

الاخ الغالي
ابو شعلان
السلام عليكم
مشاء الله موضوع غير شامل فية نقص ...... رح يم ...... همسة
صيد طيب و عدة ولا مثلها
ياخيي ماندري وش نشوف
وش نخلي الله يحفظكم امين
اخوك
خشم الحصان
.............
نغزة......... الصفاري وشفنة والدخل هم شفناه ....... بس هالي فارد جنحانة اول مرة نشوفة........ اعتقد انة تصميم هبال
دقشة............ الله يستر علي الموتر وراعيه امين
همسة...... ابو شعلان لو تمر بالكمرة علي الموتر وتصميمة وعدته ......... وتجي في مواضيع ........ اعتقد هم هبال

**ثامرالماضي** · 26-08-07, 02:33 PM

اقتباس:

المشاركة الأصلية كتبت بواسطة خشم الحصان

الاخ الغالي
ابو شعلان
السلام عليكم
مشاء الله موضوع غير شامل فية نقص ...... رح يم ...... همسة
صيد طيب و عدة ولا مثلها
ياخيي ماندري وش نشوف
وش نخلي الله يحفظكم امين
اخوك
خشم الحصان
.............
نغزة......... الصفاري وشفنة والدخل هم شفناه ....... بس هالي فارد جنحانة اول مرة نشوفة........ اعتقد انة تصميم هبال
دقشة............ الله يستر علي الموتر وراعيه امين
همسة...... ابو شعلان لو تمر بالكمرة علي الموتر وتصميمة وعدته ......... وتجي في مواضيع ........ اعتقد هم هبال

الغالي خشم الحصان ...

هلا وغلا والله ... وياربي لك الحمد إن الموضوع جازلك ...

اما الموتر بإذن الله إني أبحاول أصورة ...

لاهنت على مرورك يالغالي ...

,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,

ابو صقر · 26-08-07, 03:05 PM

بسم الله الرحمن الرحيم

ابو شعلان

دائماً رااااااائع ومواضيعك متميزة
حتى محارشتاك مميزه نقره لعرض الصورة في صفحة مستقلة

بس الله يستر عليكم الصراحه شكل الخل في سيخ الشوي شي
وانا ماتغديت نقره لعرض الصورة في صفحة مستقلة

الله يجعله بالعافيه على قلوبكم يارب

مشكور يابو شعلان

**ثامرالماضي** · 26-08-07, 02:29 PM

اقتباس:

المشاركة الأصلية كتبت بواسطة أبوعبدالعزيز

عليكم السلام ورحمة الله وبركاته الله يغفر لك ويجزاك خير

ما شاء الله تبارك الله بيض الله وجهك يا النشمي

الله يهنيكم ويسعدكم وين ما رحتوا وفقكم الله لكل خير اخوي ابوشعلان صايدين وفايدين صور رائعه مهابيط العافيه

نغزه -- الشوايه تباع جاهزه وين

هلا بالغالي أبوعبدالعزيز ...

ماعليك زود والله يجزاك ألف خير على هالدعوه الزينه ...

وعلى طاري الشوايه ... تلقاها عند محلات الرحلات جاهزة ... وهذي من عند المقناص ...

مشكور على مرورك ...

,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,

**ابو فراس** · 26-08-07, 02:11 PM

ابو شعلان وش هالصور الحلوات قصدي المالحات اللي كلهن ملح وطعم بالدماغ

وبعدين اعقل وخل عنك الهبال هالحين يبي يدربون عليك هالمفترسين اياهم والله ما يفكك منهم لا شوزن ولا خرازة وخر ايديك لا ياكلونه بدربهم

وبعض الناس منهم اباهم يبي ياخذ هالصورة ويخليه توقيع له

نقره لعرض الصورة في صفحة مستقلة

**ثامرالماضي** · 27-08-07, 12:44 PM

اقتباس:

المشاركة الأصلية كتبت بواسطة ابو فراس

ابو شعلان وش هالصور الحلوات قصدي المالحات اللي كلهن ملح وطعم بالدماغ

وبعدين اعقل وخل عنك الهبال هالحين يبي يدربون عليك هالمفترسين اياهم والله ما يفكك منهم لا شوزن ولا خرازة وخر ايديك لا ياكلونه بدربهم

وبعض الناس منهم اباهم يبي ياخذ هالصورة ويخليه توقيع له

نقره لعرض الصورة في صفحة مستقلة

هلا بالعمدة ... الله يملّح أيامك بالدنيا والآخرة ...

أما من ناحية هالمفترسين لاتخاف أعرف لهم معي كتلوجات لهم ...

وأجل يبي يحط هالصورة توقيع نقره لعرض الصورة في صفحة مستقلة

... عاد هذا ماهوب نجر وبس ... هذي كل أغراض البر نقره لعرض الصورة في صفحة مستقلة

...

مشكور يالعمدة على مرورك الغالي ...

,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,

الوافي عزام · 26-08-07, 02:26 PM

الله لا يهينك يا ابوشعلان

وعز الله صيد طيب من وجه اطيب .... ورحله مفصله بالكامل مع الشرح والصور الرائعه

اثرك منتب سهل راعي تصوير احترافي نقره لعرض الصورة في صفحة مستقلة

وهلا ومرحبا بك يالغالي

راعي الهدد · 26-08-07, 02:49 PM

وش هالشغل المرتب .... وش هالشغل المتكتك .... وش هالزين ....

والله ما اخفيك .... اطمرت كم سعبولة ويالله لحقت عليها قبل ماتفرع من ثمي المحترم ههههه ...

ابو شعلان ... شاكر لك ومقدر هالترتيب .... واقول والنعم بك وباخوياك .....

**ثامرالماضي** · 02-09-07, 08:26 AM

نقره لعرض الصورة في صفحة مستقلة

اقتباس:

المشاركة الأصلية كتبت بواسطة الوافي عزام

الله لا يهينك يا ابوشعلان

وعز الله صيد طيب من وجه اطيب .... ورحله مفصله بالكامل مع الشرح والصور الرائعه

اثرك منتب سهل راعي تصوير احترافي نقره لعرض الصورة في صفحة مستقلة

وهلا ومرحبا بك يالغالي

حياك الله يابومحمد ... ومرورك أسعدني يالغالي ...

ومشكور على هالإعجاب ...

أما من ناحية التصوير الإحترافي .... وخّر عني تراني حيل محترف نقره لعرض الصورة في صفحة مستقلة

لاهنت يابومحمد ...

اقتباس:

المشاركة الأصلية كتبت بواسطة راعي الهدد

وش هالشغل المرتب .... وش هالشغل المتكتك .... وش هالزين ....

والله ما اخفيك .... اطمرت كم سعبولة ويالله لحقت عليها قبل ماتفرع من ثمي المحترم ههههه ...

ابو شعلان ... شاكر لك ومقدر هالترتيب .... واقول والنعم بك وباخوياك .....

هلا وغلا يابوحمد ... وهذي الساعة المباركه اللي شفناك بموضوع لنا ...

والحمد لله إن الموضوع جازلك ... وبإذن الله المواضيع القادمه يبي يصير لسعابيلك مجرى بس إصبر نقره لعرض الصورة في صفحة مستقلة

...

لاهنت يابوحمد ... والنعم بك يالغالي ...

شاكر ومقدر لك على مرورك ...

بهو · 18-09-07, 04:06 AM

واللــــــــــــــــه انك كذاااااااااااااااااااا نقره لعرض الصورة في صفحة مستقلة

**ثامرالماضي** · 20-09-07, 12:17 PM

اقتباس:

المشاركة الأصلية كتبت بواسطة بهو

واللــــــــــــــــه انك كذاااااااااااااااااااا نقره لعرض الصورة في صفحة مستقلة

حياك الله أخوي بهو ...

والله أنت اللي كذااااا نقره لعرض الصورة في صفحة مستقلة

مشكور على مرورك يالغالي ...

,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,

ذرى · 21-09-07, 05:35 AM

السلام عليكم ورحمة الله وبركاته

صبحك الله بالخير اخوي ابو شعلان

مشاءا لله تبارك الله شغل مرتب ومتعوب عليه بيض الله وجيهكم

والف شكر لك على هالصور الرائعه ولا هنت

تقبل مروري

اخوك
ذرى

ذيب نجد · 26-08-07, 03:46 PM

ابو شعلان ::::

بيض الله وجهك يالغالي ,,,

والله يرزقكم بالصيد الطيب ,,,

ماشاء الله على الموتر الله يعطيه من خيره ...

نقره لعرض الصورة في صفحة مستقلة

صوره خطيره (:
ـــــــــــــــــــــــــــــــــــــــــــــ ـ
سلا111111111111111111111م

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور صيدنا ( أرانب )	الشمالي	رحلات الصيد	11	10-11-07 08:30 AM
صور منازل قوم شعيب	بارق أمل	رحلات أثرية والأطلال	11	28-10-07 10:56 AM
بين الدهناء وشعيب العصل وتجربة تحمل لواهيب القيض!	المترو	رحلات برية وبحرية وجوية	16	05-09-07 05:05 AM
صيدنا اليوم 01/05/2007 من القماري	النداوي	رحلات الصيد	18	19-05-07 09:47 AM
شعيب سكة القطار	صائد الفوائد	رحلات برية وبحرية وجوية	11	10-03-07 02:08 PM