يا دار وين احبابنا اليوم يا دار=يا دار وين الحب وين المحبين
يا دار كيف تبدلت جنتك نار=وتغيرت الاحوال حين بعد حين
هنا لوقفات المها باقي اثار=هنا لعبنا با السواقي وبا الطين
هنا تبادلنا خفايات الاسرار=تقول لي تكفى وانا اقول تكفين
كانت تحاسبني على كل مشوار=كانت تقول انت النظر داخل العين
كانت تحذرني وتخشى من الجار=وتقول سر الحب يعلم به أثنين
بدا الهوى نبته وصار الهوى اشجار=اثمر وذقنا جنة الخوخ والتين
ولا حسبنا ما تخفيه الاقدار=واللي جرى من قبلنا للملايين
رحنا وهم راحو وصار الذي صار=والبيت عقب احبابنها صايرٍ شين
اختل قصر الحب وانهد وانهار=وأصبح غباره طاير كنه طحين
وين أصبحو وامسوا وفي اي الأقطار=ياما تخبرت الهبايب عن الزين
يا دار ما عينت مثلك ولا دار=للي ربابك صاحبي كامل لزين
لاجت هبوب الريح منهم بتذكار=اعوي عوي سرحان والناس ممسين
وأسكب دموعي لأجلهم مثل الامطار=أبكي واسوي ما يسوي المجانين
رئع بلقطاتك وصح السانك على القصيده المعبره مع ادراج الصوره مشكور على الجهد الرئع
التوقيع
الآدمـي تـكـشـف مع الوقــت خافيه
ويبين لك طـيـب الرجـل من خماله
لا طـالـت الـخــوه ظهــر كل ما فيه
وعـرفـت دقــه وقــتـها من جــلاله
أما طــلـع خــويـك الـلـي تــخـاويه
والا سـمـحــت وقــلـت مالي وماله
.. يادار وين أحبابنا اليوم يا دار..
العرض المتطور
