تغيير الوقت الى اربعة وعشرين ساعة

[ابو فراس]

السلام عليكم ورحمة الله وبركاته


بعض الاحيان انظر الى صفحة الرحلات ولا اعلم الوقت الذي كتب به الموضوع هل هو صباحا ام مساءً لان الوقت المعمول به هو اثني عشري ولو كان بالامكان تغييره الى اربعة وعشرين ساعة لكان اريح واوضح للكثير الا توافقونني على ذلك







.

[شايب الصمان]

ولكن به pm وAm ولكن يكون أفضل لو يحول الى 24 .

أقول خل عنك متعود على الخطوط ...................

[ثامرالماضي]

بسم الله الرحمن الرحيم

عمدتنا الغالي أبو فراس ... مافيه شك أحسن بواجد إذا كانت على 24ساعة ...


,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,

[ابو فراس]

ياشايب الصمان هاه وش صار عليك ونقلك للربع الخالي

لا تنسانا

[شايب الصمان]

المشاركة الأصلية كتبت بواسطة ابو فراس

ياشايب الصمان هاه وش صار عليك ونقلك للربع الخالي

لا تنسانا

يبون الجو يدفىء شوي

منيب ناسيك الله لايعوق بشر بس أهم شىء خشم الحصان يدري أننا فتحنا فرع لمكتب المحاماه هناك يعني لايتحرش .

وأبونواف أبسدد دينه كله وزياده ويختار وأحس شيف موجود هناك وعلى خمس وجبات يوميا .

[الليل]

ابو فراس وش رايك يحطونها عربي ..
أحسن من الزوالي وأحسن من أربع وعشرين .

[ابو فراس]

اخوي الليل

نفس المشكلة لان العربي اثني عشر ساعة

وبعدين ترا الكثير ما يعرفون التوقيت الغروبي الا انا وشايب الصمان بس والا الباقين تراهم صغار

افهموها ولا تفهموننا غلط

[الليل]

المشاركة الأصلية كتبت بواسطة ابو فراس

اخوي الليل

نفس المشكلة لان العربي اثني عشر ساعة

وبعدين ترا الكثير ما يعرفون التوقيت الغروبي الا انا وشايب الصمان بس والا الباقين تراهم صغار

افهموها ولا تفهموننا غلط

العربي أو الغروبي ابو فراس مميز
عش ساعك الصليب مع إذان المعرب وركدها على 12 ..
ويا سلام .

[راعي الشاص]

والله يبو فراس انا كلهن واحد

[النداوي]

الغالي أبو فراس
الساعة بهذه الطريق أفضل
لأنها هي الي عليها ساعاتنا
أو على الأقل ساعات الأكثرية
ووجود Am و Pm يميز
الصباح من المساء مثل ما قال
الغالي شايب الصمان

أخوك أبو عبدالله

[ابو فراس]

انتم تتكلمون عن انفسكم لانكم تشتغلون بارامكو وممشينكم على هالنمط

انا اشتغل بالخطوط وابي المنتدى على وزنية الخطوط

عندكم مانع

[شايب الصمان]

المشاركة الأصلية كتبت بواسطة ابو فراس

انتم تتكلمون عن انفسكم لانكم تشتغلون بارامكو وممشينكم على هالنمط

انا اشتغل بالخطوط وابي المنتدى على وزنية الخطوط

عندكم مانع

ومن قالك أن أرامكوا تمشي على 12 بالعكس توقيتها على 24 يعني مثلكم طال عمرك .

[قناص الحبارى]

المشاركة الأصلية كتبت بواسطة ابو فراس

انتم تتكلمون عن انفسكم لانكم تشتغلون بارامكو وممشينكم على هالنمط

انا اشتغل بالخطوط وابي المنتدى على وزنية الخطوط

عندكم مانع

====================
نعم نمشي على توقيت الخطوط ... من عند ماااانع يعلمني ...

عشان ألغي حجزه (( الصيف بدا والحجوزات بيدينا ترا )))

بو فراس كلامه صح ... وأنا أؤيد وبشده ....


كلنا بالخطوط ...


أخوك/ ابو عبد العزيز

[ابو فراس]

يعني ما فيه امل يالدعم الفني اننا نغير هاطريقة