الثلاجات البريه والتقنيات الحديثه

[سعود الراشد]

كماتعلمون ان للرحلات الصيفيه تجهيزات خاصه تختلف عن تجهيزات الرحلات الشتويه وكثيرمن
الرحاله يعانون من عدم توفيقهم بالحصول على الثلاجات التي تخدم المسافر في تلك الضروف
المناخيه . البعض منهم يسأل وش الزين ؟؟ وكما تعرفون ان التقنيات تتقدم تقدما مذهل
وخصوصا التقنيه الرقميه في عالم اجهزة التبريد ومن هذا المنطلق
اردت ان ينفرد منتدانا بهذا الموضوع والذي اريده من جميع الاعضاء
التعريف بالثلاجه التي يستحدمها مع وضع صورلها
وتبيين الايجابيات والسلبيات وعلى اي طاقه يتم عملها
ارجو ان نتفاعل مع الموضوع وانتم تعرفون ان موسم الصيد قادم
وارجو ان يكون الموضوع جاء في اوانه

[أبو عقرب]

حياك الله ياخوي سعود


وموضوعك رائع وصراحة إنه جاء في وقته خصوصاً على قبال هالصيف اللي شكلها بتطبخ روسنا من حرارته ههههههههههه

ولي موضوع على الرابط أدناه حول نفس الموضوع

ونتمنى من الجميع المشاركة والافادة

تحياتي


http://www.alrahlat.com/vb/showthre...537#post117537

[عبدالكريم اليوسف]

موضوع جميل جداً يالغالي
ويحتاج التفاعل من الاخوان
حتى نخرج بتصور جيد
ونكفى الكل عناء البحث

لاعدمناك

اخوك

[فهدالدوسري]

الاخ الغالي
سعود
السلام عليكم
بارك الله فيك على هالموضوع فعلآ نحتاج لمثل هذا الموضوع
بس ياخيي ليش خصيتة بالصيد فقط ؟؟؟؟

اخوك
فهد محمد الدوسري

[محمد العبدالسلام]

السلام عليكم ورحمة الله وبركاته

موضوع قيم ومفيد الله يجزاك خير
وياليت يكون هناك تفصيل بحيث تذكر السلبيات والاجابيات وبالتفصيل

[عبدالله]

شـكــ وبارك الله فيك ـــرا لك ... لك مني أجمل تحية .

[راعي ساموده]

الثلاجه اللي استخدمها نوع ويكو , من الطمره اللي بالغرابي 50 لتر الماني صيني.
رائعه جدا. لها حول السنتين معي.

وقبل فتره مريت على الرمايه عندهم ثلاجه خاصه فيهم صينيه سعرها مقبول وعليها ضمان, لكن ماعتقد تكون بجودة ويكو.

[ابو فراس]

عن تجربة انحش عن الويكو ديجتال الرقمية

[سعود الراشد]

طيب سؤال يطرح نفسه وش افضل ثلاجه تعمل على الغاز
انتم تعرفون مشكلة البطاريات واحيانا الواحد ينسى الثلاجه مشبوكه
والنهايه ابلش بالصحراء مثل ماصار معي رغم اني معي يوكن ومجهز بطاريتين تعطلت عندي البطاريه
السبير وستخدمت البطاريه الرئيسه لكن نسيت اونامت البطاريه

[فهدالدوسري]

الاخ الغالي
سعود
السلام عليكم
اخي الحبيب وين ثلاجة الغاز عطناها وينها
ثم ياخيي ماشفت ولا صورة لثلاجاتكم
ي كود تبدا انت اذا ما عليك كلافه

اخوك
فهد الدوسري

[سعود الراشد]

هلابك اخوي فهد
انا اشتريت العام الماضي تعمل على ولاعة السياره12فولت وعلى كهرب خط 220 فولت
وايضا تعمل على الغازوهذا المهم عندي الغااااااااز قلت الربعي شيروعلي قالو لاتقربها لانه صينه
قلت سعرها رخيص بخو التراب ماياصل الف ريال ولى يمنع اني اجرب المهم اشتريتها العام من السنيدي عليهن عرض خاص وقالي تراها ماتثلج تبريد بس قلت توكلنا على الله شرينا وكل ربعي يضحكون لان معهم ثلاجات مثل مايقولون على مستوى
المهم اختها للبيت اوشبكتها على المحول على شان اجرب12 فولت طبعا بالبيت شبكتها 9 ساعات
وبعدين فتحت الغطا فعلا تبريد والليله الثانيه شبكتها 9 ساعات اوكان نفس الشي
قلت ياولد انجرب الغاز شبكت دبة الغاز والصراحه مليت قلت يمكن نفس الشي رحت فتحت الثلاجه
بعد 5ساعات لقيت الثلج باني على الجدران
قلت اممممممممممممممممممممممح ياحبيلك الوعد شعيب المقطر
طلعت ابعز القيض العام الماضي وقت صيد الدخل اخذت معي دبة غاز 50 لاني ابجلس سبعة ايام
المهم معي ربعي كل 45 دقيقه لازم ايشغلون سياراتهم وكانو يقومون نص الليل على شان الثلاجه
ونا والله شبكت الدبه اوحطيت راسي لما اذن الفجر على طول قمت فتحت الثلاجه لقيت كل الي فيها مثلج يعني مافيه شي ينشرب
وانا ان شاء الله اذا رحت للاستراحه ابسوي كم صوره للثلاجه وادرجهن بالموضوع مع شرح الايجابيات والسلبيات
وآسف على الاطاله
تحياتي

الصور

[Abdullah K. AL-Hassan]

يالغالي إذا سافرت أخذت معي ثلاجة على الولاعة


من نوع صيني


وفيها ميزتين .. التبريد والتسخين عن طريق الولاعة

بغطاء خارجي مع سلك للولاعة مزود بــ ( مروحة )


والتبريد عن طريق الثلج .. بغطاء آخر ( عادي للثلج )


وحقيقة هي ممتازة لكن خربت بأحد سفرياتي مع الأهل


لدخول الماء وكان السبب ان الغطاء المركب غطاء المروحة وليس الغطاء المستخدم للثلج



لكم الصور


1




2
ولاحظ الصورة تقدر تفك غطاء تبريد المروحة وتستبدله بالغطاء العادي





3
وهذا حجمها من الداخل .. ويلاحظ المسكة الخارجية باللون الأحمر .. وعند رفعها تشد على الغطاء وتمنع تسرب الهواء




وأخذتها من العليان .. بــ 290 .. ويمكن سعرها نزل هالحين

ويوجد لديهم عدة أنواع وبأحجام مختلفة

تقبل مني خالص الود والتقدير والمحبة


أخوك ومحبك في الله


عبدالله

[الوانيت1]

المشاركة الأصلية كتبت بواسطة سعود الراشد

هلابك اخوي فهد

انا اشتريت العام الماضي تعمل على ولاعة السياره12فولت وعلى كهرب خط 220 فولت
وايضا تعمل على الغازوهذا المهم عندي الغااااااااز قلت الربعي شيروعلي قالو لاتقربها لانه صينه
قلت سعرها رخيص بخو التراب ماياصل الف ريال ولى يمنع اني اجرب المهم اشتريتها العام من السنيدي عليهن عرض خاص وقالي تراها ماتثلج تبريد بس قلت توكلنا على الله شرينا وكل ربعي يضحكون لان معهم ثلاجات مثل مايقولون على مستوى
المهم اختها للبيت اوشبكتها على المحول على شان اجرب12 فولت طبعا بالبيت شبكتها 9 ساعات
وبعدين فتحت الغطا فعلا تبريد والليله الثانيه شبكتها 9 ساعات اوكان نفس الشي
قلت ياولد انجرب الغاز شبكت دبة الغاز والصراحه مليت قلت يمكن نفس الشي رحت فتحت الثلاجه
بعد 5ساعات لقيت الثلج باني على الجدران
قلت اممممممممممممممممممممممح ياحبيلك الوعد شعيب المقطر
طلعت ابعز القيض العام الماضي وقت صيد الدخل اخذت معي دبة غاز 50 لاني ابجلس سبعة ايام
المهم معي ربعي كل 45 دقيقه لازم ايشغلون سياراتهم وكانو يقومون نص الليل على شان الثلاجه
ونا والله شبكت الدبه اوحطيت راسي لما اذن الفجر على طول قمت فتحت الثلاجه لقيت كل الي فيها مثلج يعني مافيه شي ينشرب
وانا ان شاء الله اذا رحت للاستراحه ابسوي كم صوره للثلاجه وادرجهن بالموضوع مع شرح الايجابيات والسلبيات
وآسف على الاطاله

تحياتي

الاخ سعود جزاك لله خير على هذة المعلومة الجديدة.
ولو تكرمت لاتبطى علينا بالصور .
لأننى شفت عند السنيدى نوع من الثلاجات مقارب لوصفك.
وأحب أن أقارن الصور لأ تأكد قبل أن أشترى. وشكرا لك وللجميع لأثراء هذا الموضوع...........////.

[فهدالدوسري]

الاخوه الغالين
بارك الله فيكم
نبي صور علشان الواحد يقدر يقرر و شالزين
الصيف ماخذ راحته فينا

[الوانيت1]

المشاركة الأصلية كتبت بواسطة الوانيت1

الاخ سعود جزاك لله خير على هذة المعلومة الجديدة.
ولو تكرمت لاتبطى علينا بالصور .
لأننى شفت عند السنيدى نوع من الثلاجات مقارب لوصفك.
وأحب أن أقارن الصور لأ تأكد قبل أن أشترى. وشكرا لك وللجميع لأثراء هذا الموضوع...........////.

ولاااااااااااا يزاااااااال الطلب سااااااااارى المفعول .
على أمل ألاستجابه .... ورؤية الصور .........////.