الدراهم مراهم كل سنه تحله ،،، وبل مالك ومال الحب ويا الغرامي

[وبل]

ساقني حرفي المجروح للشعر كله *
>>>>>>>>>>>>>ساقني في دروب الحب ويّا الغرامي
ساقني بالليال الماضية لأجل خله *
>>>>>>>>>>>>> بالوداع ابتديته عقب سن الفطامي
وبين طيات قيفانه وصفنا دوّله*
>>>>>>>>>>>>>قلبي اللي تولع بالضبي العصامي
وناظري شاح فيها عن خشوف ن زمّله *
>>>>>>>>>>>>>واسمها كالشهد له طعم بين الأسامي
وصرت أماشي خياله دايم ن مثل ظله *
>>>>>>>>>>>>>كله لعين من هو صار غاية مرامي
ومرت أيام وأيام ن وأنا فاطننّ له*
>>>>>>>>>>>>>لين جرحهْ سطى بين اللحم والعظامي
نبض أحسه وأعيشه حلم مأنساه لله *
>>>>>>>>>>>>>يا حياة المعنى بالعنى ما يلامي
وردت الفعل منها زادت الطين بله *
>>>>>>>>>>>>>وانكشف بين خلق الله بخلي هيامي
وعشت مع صاحبي بأحلام في جو فله *
>>>>>>>>>>>>>وصار قلبي وقلبه مثل جوز اليمامي
ويوم حان القطاف وجيت في موسم ن له *
>>>>>>>>>>>>>ولا مست راحة اليمنى سلوك الخطامي
ثار بركان علم العجز والعجز عله *
>>>>>>>>>>>>>وانتهى فصل حبي يوم جاء العلم حامي
وهمت مقفي على وجهي فؤادي تتله *
>>>>>>>>>>>>>غصة الروح من غبن الزمن يا حرامي
وصارت علوم حبي مع هوى البال زله *
>>>>>>>>>>>>>وانجلى ستر حبي مثل جلي الغمامي
يوم جتني مراسيل الشروط الممله *
>>>>>>>>>>>>>قلت وااابط تسبدي منك بدر التمامي
ما تبي تسكن الشقة تبي وسط فله *
>>>>>>>>>>>>>وشهرنا ياحبيبي في ضواحي ميامي
ومدري ومدري ومدري شروط تهله *
>>>>>>>>>>>>>مثل هل المزون المرهشة بالمظامي
وأرسلت لي مع المبعوث جملة نحله *
>>>>>>>>>>>>>طيبت خاطري هو حلها بالتمامي
روح ربي ييسرلك دروبك تدله *
>>>>>>>>>>>>>لا تهقوى دروب أهل الشيم والكرامي
والختام السلامة من كثيره وقله *
>>>>>>>>>>>>>الهوى يالهواوي قبل عرسك كلامي
والدراهم مراهم كل سنّه تحله
>>>>>>>>>>>>>وخل عنك العلوم الباقية والسلامي