شكرا لكم يا أخوان على اهتمامكم وأعتذر عن التأخر لأني ما أدخل المنتدى كثير
لكن الموضوع موضوعكم واللي عنده اضافات حياه الله
في الحقيقة أن على الانسان أن يشوف حياته واحتياجاته ويتزود بالأدوات الضرورية بعد التوكل على الله . مع الأسف تشوف ناس يركبون السيارة هالأيام الحارة وما ياخذون معاهم ماء فإذا قلت له قال لك أنا ما شي على الاسفلت وأذا احتجت وقفت عند محطة بنزين وشريت ماء بارد .
طيب وش اللي يضمن أن السيارة توصلك للمحطة الجاية ؟
ما يمكن يصير بنشر لا قدر الله وتقوم تغير البنشر في هذا الحر وأنت ما عندك ماء ؟
الفلوس ما تنفعك في البر أو الطريق الطويل
اللي ينفعك باذن الله هو أن تكون حاجتك معك من ماء أو أدوات ضرورية
فلذلك إذا شفت نفسك مثلا تحتاج شي تقطع به وتكرر ذلك فعليك أن تضع مع مفاتيحك سكين صغيرة وإذا كنت تفك وتربط كثير مثلي فلا باس أن تشتري مفك صغير يكون في جيبك على طول ( كأنه قلم ) . ولا باس أن تكون معك كم لزقة جروح ( ما تاخذ مساحة حتى في المحفظة . وخاصة أن هالأيام انتشرت الأمراض ولازم الانسان يحافظ على صحته أكثر فإذا صار جرح صغير تطلع لزقة من المحفظة مثلا وتغطي الجرح أفضل من أن يلتهب ويتلوث . خاصة أن هالأيام حتى مسكات عربات التسوق في السوبرماركت صارت ملوثة بالجراثيم من اللي يعطسون ويكحون والمرضى وغير ذلك .
فالاحتياط واجب وعساكم ما تشوفون مكروه .
العرض الشجري
