مبيت شقاقي .. في جو البراري [ طلعة + مبيت ]

[أبوعمران]

بسم الله الرحمن الرحيم


السلام عليكمـ ورحمة الله وبركاته ..


حي الله جميع الأخوه والأحبة .. حي الله الي غالين على القلب الطيب


أسعد الله أوقاتكمـ بكل مسرة وخير ..


طبعا .. لايخفى عليكمـ ان الجو تعدل بشكل واضح .. لدرجة ان وقت الفجر في الخلا يجعل شفتيك تتصافق من البرد

وكما تعلمون ان الرحلات الخفيفه الغير متكلف فيها لان الربيع لا وجود له .. لها طعم رائع جدا .. !

ولأن حب هالطلعات يجبر عشاق الكشتات على الخروج الى البر وحتى لو كان البر لاتوجد به ولا اي حياه نباتيه لكن تعتبر مثل التحميه والتجهيز لموسمـ حافل بمكشات في وسط الفياض والربيع الطيب سواءا كان بالصمان او غيره .. [ الله يجيب الخير ]


المهمـ ..

قررت انا وبعض الشباب الخروج الى أحد المناطق المنعزله عن الديره والهادئه للترويح عن النفس وتجديد النشاط ..

وبعد المشاورات والدراسات والبحوث ..


تم تحديد المكان


وكان الى منقطة ( المدعى ) << المعروف


وكان المقرر والمراد من الرحلة المبيت والرجوع في صباح الغد ..

كان الوعد في المدعى الساعه 11 مساءا ..

وتم الانطلاق .. والوصول الى المكان المحدد بسلامه ولله الحمد
اثناء الوقوف وتحديد المكان





وبعد نزول الشباب والاستعداد لتنزيل الفرشات والموارد الغذائيه تم التقاط الصوره وكما هو واضح , يبدوا الحماس مرتفع جدا .. وماينلامون صراحه وانا كنت اولهمـ متحمس




ولما نزلنا الاغراض وفرشنا الفرشات .. كانت هذه الجلسه الجميله الي تنشرى بدراهمـ ولله خاصه اذا كانت مع شقردية ورفقة عمر



طبعا هذا هو الراعي الرسمي لهذه الرحلة



وبعد انزال بعض الموارد الغذائيه .. وكانت عباره عن معشوق الجميع بطاطس ليز فلفل , وعدد من المرطبات , وزبادي للشياب .. وفيه مويه للحالات الطارئه

طبعا احببنا اننا نغير هالمره روتين القهوه والشاهي وهالامور ..



بعد فتح الليز والزبادي .. وعلى فكرة الي ماجرب الليز مع الزبادي أقوله والله لايفوتك ..

والي مايروق له الزبادي .. مافيه مشكله يجيب لبنة




وبعد ماقرمشنا بالليز وفليناها بالسواليف وأخذ العلومـ والأخبار .. تم تجهيز فراش النومـ

طبعا الشباب كانوا ناوينها سهاري , فا قمت وزبطت الفراش استعدادا للنومـ



وبعد الخشوش الى فراش النومـ , التقطت هذه الصوره



بعد النومه الرايقه ولله الحمد .. وهذا الشيء ماهوب غريب على النومـ في الخلا , قمت وصورت الفرش وانا اتنافض من البرد



وتم الاستعداد لصلاة الفجر والوضوء .. وصراحه الجو كان بارد ومع الوضوء صار الجو ثلج .. يقولك ابد محد انزكم



وعند شروق الشمس .. كان هذا المنظر الرائع ..



وبعد مابدت اشعة الشمس تزيد ..



وهذي بعد ما أشتدت اشتدادا شديدا << طبعا انا كنت اتمشى حول المكان بتاعنا والشمس صاكتن فيني صك





وفي النهاية .. كانت رحلة رائعه وممتعه جدا ولله الحمد .. حيث تم عمل تصفية كاملة للدماغ

واحببت اني سوي تغطية خفيفه كي تشاركونا المتعه ..


اتمنى ان يكون ماقدمته قد نال على رضاكمـ بعد رضى المولى عز وجل


وهذا والله أعلم واحكمـ ..


أخوكمـ / أبوعمران