ها أهل الدعامة !! ويا اهل التظليل !! مهم

[برق]

بسم الله الرحمن الرحيم ..

صبحكم/مساكم الله بالخير يا الربع ..

الحقيقة هو تحذير للشباب الموجودين في المنتدى من أمر ما دريت عنه صراحة إلا أمس !!

البارح في وقت متأخر من الليل .. قدر الله وصار حادث قدام بيتنا (الله يكفينا واياكم شر الحوادث) ، الشاهد إن أحد أطراف الحادث كان جيب اكسبلورر مركب دعامة (نيكل لتعديل الشكل) .. المراد لما جاءت سيارة (نجم) قال إن التامين ما يشملك !!
لييييييه ؟؟؟؟
قال انت مركب الدعامة وهذي من الاكسسوارات "لاعب في الموتر" وبالتالي ما يشملك التأمين !!


الحقيقة إني أنصدمت !!
وانصدمت أكثر لما قال لنا : إن التظليلة الأمامية "ولو كانت خفيفة" تكون عذر لشركة التأمين بعدم أحقية صاحب السيارة في استيفاء حقه من التأمين !!

أحد الجيران لما كنا نسولف عن الحادث ، قال إن جمسه 2009 ومركب سلة خلفية لوقت السفر !!
رجع على واحد والسلة (مطوية) ودقشة ,, جاء التأمين وقال إن السيارة ما يشملها التامين بحكم إن هذي من الاكسسوارات المعدلة والمزادة على السيارة !!






اللي ابي أقوله لكم يا جماعة ..

اللي مظلل ولا له حاجة بالتظليل .. يفكه فيما لو قدر الله حادث(الله لا يقوله) ولا تأمينه يشمله !!
وراعي الدعامة مثل .. إذا كان مالها لزوم ففكتها أولى من قعدتها ..



حبيت أبلغكم يا الربع بالامر ,, من باب النصح لأخوك المسلم ..
وقبل ما (تبط) كبدك قهر من شركات التأمين يا جعلها للفلس !!