قصه اعجبتني

[عـبد الرحمن النويصر]

السلام عليكم ورحمة الله وبركاته


هذي قصه اكتبها لكم ياخواني الاعزاء والله وانا بالمحمول في محل كوفي شب0بس ماقدرت اصبر الين ارجع من السفر

وصراحه اشتقنا لكم ولمواضيعكم والتصفح في هذا المنتدى الغالي 0مااطيل عليكم القصه هي قصه سمعتها واعجبتني

قصه حسب القول من قصص الهلاليين0وتقول انه في شخص يدعى خلوفه وكان عنده مقطر يعني يسوي
القطران ويترزق الله منه 0وكان هذا الشخص يدعى ايضااااا براعي دامسه نسبه لبندقه الي اسمها دامسه
وكان محسوب في ربعه ونيشانه مايخطي الهدف ابد0وفي يوم جت عنده بنت من قوم اعدائهم وقالتله تعرف خلوفه
قال الله الله قالت ابي توريني اياه قال بكره تعالي وانشالله اجيبه معي0وقام جاب شخص ثاني وسيم وشعره
ناعم يعني شخص هندامه ملفت لنضر 0وسوى هو كذا لنه شكله ما ياهل رجال الدنيا سوت فيه الهوايل
وبعد المؤخوذ نحيف ولاشكل ولا صوره 0وقال هذا بيسد الزوم والله جا اليوم الثاني وجت البنيه0
وجلس يسولف هذا الثاني ماهو خلوفه معها ويقول انا سويت وسويت وهوكذاب لو جاه قطو اخذ عشاه
المهم راح يوصلها طبعاااا هذا الكذاب لحول ديرتهم هي والغنم0والله وجوهم قطعين الطريق واخذو البنت والغنم
ورجع الماخوذ عند خلوفه يصيح تكفى الرجاجيل ااخذو البنت قال وانت وش جالس تسوي قال الماخوذ خفت كانو واجد

وراح خلوفه اخذ دامسه ونهج عليهم 0الين لحقهم وصاح خلو البنت وخذو الغنم قال عاقلتهم لا البنت ولا الغنم

قال خلوفه دام هذا ردك ابشر بردي وانا راعي دامسه ونضر عليه ورماه وجت وسط عينه الى والله هو من صيد
امس
وقال خلو البنت وخذو نص الغنم صاح الثاني مالك لوا وسوابه مثل اخوه 0ورمى غيره ثلاثه وصار المجموع
خمسه 000صاحو الباقي خذ البنت وهات الغنم قال لاالبنت والغنم قالو طيب خل لنا الغدى قال ولا الغدى

والله انهزمو وراحو 0عرفت البنت انه راعي دامسه خلوفه وقالت والله تروح معي لربعي وهي بنت الشيخ

ولها اربع اخوان وكلهم ويعرفونه ويبون ذبحه باي طريقه والمهم قالت مزبانك عندي والله ماحد يجيك


الا راحت لابوها وعلمته بسالفه وقالت له بعدها نجى الدخيل قل نجى وقالت ولو كان خلوفه قال ابوها الى خلوفه

واخوانها الثلاثه الباقين قالو زي ماقال ابوهم الىاخوها اصغير قال وحتا خلوفه المهم عرفو السالفه وطلبها

خلوفه يتزوجها ووافقو وكان مهرها دامسه قالو مانبي اي شي الى دامسه وافق مجبور والله تم الزواج


وبعدها بشوي مرض خلوفه مرض قوي وصار لاياكل ولايشرب وعجزو الاطبا فيه ثم جابو ربعه له شعار يتمثلون

عنده بشعر والله ورجعت فيه الروح وقام وقال هذي القصيده الي عرفو من بعدها وش علته 00وكانت هذي الابيات والمعذره ماني بحافضها كلها00000000








مامثلها الادامسه علقتلي =سريعت الملقاط قر(ن)نضرها
الله يرحم شاب(ن) وخرك لي =قاوس ابندق ونقالي خيرها
ماني بذا يرمي حمامه وقمري=ويرقص رقصت(ن)لاعقرها
وماني بذا يرمي حمامه وقمري=ثم(ن)يملاجعبته من شعرها
مانرمي الابو ذراع (ن)وشبري=يصير في الريعان نثر(ن)هبرها







والقصيده اطول من ذلك ولكن ماتحضرني المهم رجعوله دامسه وتعافى خلوفه ورجع بخير 0000



والمعذره يمكن ماسردت القصه بجميع التفاصبل ولكن المعذر والسموح اذا حصل لخبطه او نقصان0

احترامي للجميع0000