قصيدة لشاعر نجد الكبير / محمد العبد الله القاضي
إلى فكرت بالدنيات تكدر لي الصافي=تعذر زماني ماحصل صاحب صافي
اهيض عليه اسرار لاجيه بالحشى=وكل شعيب له مفيض ومطافي
لاتبدي اسرارك لمن لايودك=ترى كثر نصاصيحك يريدون الأشرافي
تخير من أجناسك صديق توده=وثيق غميق السر للعلم عرافي
يتحمل لزلاتك ويبصرك ماخفا=وقلبه دربيل للابعاد كشافي
لازم على الخل القديم ولوسها=وأصرم الى بان الجفالك والاجنافي
ومن اغتنا برايه عن شور ناصح=تندم ويكشف له ايلاد شاف ما عافي
ومن رام صعبات المعاني ابرايه=يدرك به أشياء ماينوله بالأسيافي
ومن خاطب الجاهل فهو كمن كشف=وجهه وقابل شعف عاصوف الأصيافي
ومن لبس تاج الكبر ما صان عرضه=ولو مطر جوده على الناس هتافي
ومن طاول أطول منه ما استتر ساعة=ايجاهد جنود وينقسم رايه انصافي
ومن جت له الدنيا قبول أكمنت له=خيل مغاوير وهجن لها أردافي
ومن رامها عشقا واغرى بحبها =سريع يرى منها تنتاكيد واعيافي
وتكلفك بامر ما يخصك جهالة= وتبعدك عما كان يلزمك قافي
ولا تصافي كود حيد صميدع =غيور على الصاحب نصوح وميلافي
ولا تلوم النفس في جاري القضاء=مالك عن المقسوم يالعبد منكافي
باشر هل الموعروف عنك بتواضع=وهل الشر باشرهم بشر وتستافي
ترى اللئيم ان لان له منك جانب =توطاك ويرى انه مخيفك وينخافي
كم من بخيل فرش الناس ماله=وهو منه محروم على نفسه اتلافي
كما ابرة عريانة دب دهرها=وهي تكسا الناس من زين الأصنافي
المال له حق حلاته على الفتى=يضرب به المجرم ويبذله للصافي
ترى العمى في دار ذل مقامك=ولو تربت ارضها تنبت اللولو الصافي
والعز لو في راس حزم تنوله=لكنك في جناته مرغد غافي
ولا توري الريبة اليا جا مهمة=ترجف بها الصاحب وتفرح بها الجافي
ولا رمت لأمر فأكتم السر والتزم=بقوي العزم زالحزم والعز لك رافي
ولا تتبع راي السفيه من الملا=غضوب على أدنى الدون للسر كشافي
جلوسك مع هل العلم من ما يفيدك=واهل السفاهة ينطبع قلبك الصافي
بين افترار الليل والصبح كم سبق=يسر سبق عسر والأيام زلافي
ابرم دواليبك للأسباب ربما=توافق مفاتيح للأسباب وتوافي
وصلاتي وتسليمي على شافع الورى=وادعي الملك القدوس والروس كشافي
العرض الشجري
