أحبتي
هناك بعض المواقف تجبر الشاعر على أن يبرز مشاعره
بما يملك ولا يملك أجمل من الشعر
فلذلك لم تستطع هذه الحروف أن تصمد أمام أخي الكريم
أبو فهد الضاحي
أتمنى أن تصله وتصلكم وانتم بخير وعافية
الطيب ياهل العرف معه الكياسه=والمرجلة عنوان للي بهم طيب
احداً يروم العز والطيب ساسه=وابو فهد دايم نصير المعاطيب
شيخ كريم مايعرف الدلاسه=للجود يسعى مايداني هل العيب
له مجلس بالخير ياكثر ناسه=وهو على العادة بكثر التراحيب
اللي عنى له ذاق طعم الوناسه=وشاف السعد من بعد ماخطه الشيب
بالليل كنه من رجال العساسه=ينشد عن الحاجات يسهر كما الذيب
حيثه كريم وحي علم براسه=انا اشهد انه من عبيد مناجيب
ماهوب مثل اللي تكشخ الباسه=همه مظاهر والمخابر تناشيب
الله يحفظه عن علوم الدناسه=وعساه ياخذ باليمين المكاتيب
وبجنة الفردوس من حلو كاسه=ينعم ويشرب من جميع المشاريب
وصلاة ربي عد رمل اليباسه=على النبي اللي علومه تعاجيب
واعذروني على القصور
محبكم
ابو فهد الضاحي ولكل اعضاء المنتدى
العرض الشجري
