بسم الله الرحمن الرحيم هذه قصيده لشاعر يقال له البخيِّت سَجَّه مع الهاجوس طبيعةٍ لي طبيعةٍ بَامُوت ما جِزت عنها أشكي على الخلَّاق وأرفع له يدي لا كَثْرتِ الأفكار يفك منها أما الكرم قد فاز به حاتم الطي حتى الفرس من شان ضيفه طعنها خلوني أَكرَم في حياتي وأنا حي ولا مت مادري جثتي من دفنها خِلِقْتْ فا الدنيا وأنا ما معي شي وبروح منها ما معي شي منها لا بد نرحل عن المزح والغي ونسكن بيوتٍ قبلنا من سكنها مسكين ياللي تحسب الواجد شْوَيْ العافيه لو تنشري وش ثمنها يا جاهل الدنيا تراها كما الفَيّ ويا ما اخبل اللي في حياته وَمَنها إن ناحرت لك قامت تروح وتجي مثل الذلول اللي طويلٍ رسنها وان دبَّرت خلتك طايح ومرمِي وكم واحدٍ له حاجة ما ضُمَنْها يالله عسى الحسنات تقضي على السَّيْ لا قربو للنفس ذِرْعَة كفنها
وعليكم السلام ورحمة الله وبركاته ايه والله يابو طلال وكم واحدٍ له حاجة ما ضُمَنْها
قصيده جزله وحكم وشاعر حكيم شكرا يااخ ماجلان على الذوق الراقي -- تقبل تحيات
أما الكرم قد فاز به حاتم الطي @@ حتى الفرس من شان ضيفه طعنها صح لسان شاعرها وطيب الله فال ناقلها لاعدمناك
حياك الله يالغالي قصيدة من قصائد الحكمة صح لسان الشاعر وسلمت على هذا الاختيار الذي يدل على الذوق المتميز ياليت لو استخدمت منسق الشعر حتى يكتمل جمالها حفظك الله ورعاك
خِلِقْتْ فا الدنيا وأنا ما معي*** شي وبروح منها ما معي شي منها أبو طلال ... أهنيك على هذه الذائقه ... قصيدة جزله .. صح لسان قائلها ماشاءالله تبارك الله .. لاهنت يابعدي وننتظر المزيد ,,,,,,,,,,,,,,,,,,,, تحياتي ,,,,,,,,,,,,,,,,,,,,,,
الله يعطيك العافية على الأختيار المتميز
يالله عسى الحسنات تقضي على السَّيْ لا قربو للنفس ذِرْعَة كفنها اللهم آمين والله ان لم يرحمنا ربنا لنكونن من الخاسرين تسلم يااخوي ماجلان على الاختيار وموفق انشاالله
Security team
مسكين ياللي تحسب الواجد شوي
العرض العادي
