منقول من شبكة حريملاء
قصة العثور عليه حيث قال :
(( بعد طلبك يا مخضرمنا ذهبت للأستاذ الفاضل ( عبدالرحمن بن عبدالعزيز الرشيد ) أبو ناصر مدير الضمان الإجتماعي بحريملاء سابقاً امد الله في عمره وطلبت منه القصة فقال القصة كانت من ما يقارب ال _ 25سنة اواقل _ حيث ذكر لنا ظبا ـ وهي غزلان الريم ـ في تلعة القوانيص فاخذت ـ الشوزن ـ والزهاب وذهبت انا ورفيق لي يقاله بن عبود ــ موجود الآن في سدوس ـ يقول وصلنا التلعة ونزلنا نقص الجره ــ نتبع الأثرــ وفي علو الضلع ضاعت الجره فاتفقنا ان نفترق ولكن بشرط لايكون الرمي الا على الظبا فقط.. او ننفجها على بعض ، يقول افترقنا ورحت انا جنوب يم المجرى الايمن ، يقول شوي ولاني اشوف ذاك الخضار عليه حمام سوادي وحجل كثير ـــ طبعا يقول ان الدحل في هاك الوقت ينش بالماء من الرطوبه او من نزول الماء فيه وكان نابت على اطرافه العشب والشبا الأخضر ـــ المهم ... يقول بغيت ارمي ثم خفت الظبا تجفل ، يقول قربت والا والله هالدحل ، يقول كملنا اللي جينا له ثم وريته رفيقي ونزلنا للسيارة ، يقول بعد كم يوم أخذت بعض الربع وأخوي (عبدالله) ـ ابوعبدالعزيزـ ورحنا على شفر موديل 78 وقفنا عليه من فوق حتى وصلنا بطاريةالسياره بالكهرب ونزلنا بالكبس .
يقول الأخ ــ بعيد الدار ــ اني سالت ( ابو ناصر ) من هو اول واحد منكم نزل فيه .. قال اول واحد نزل هو الأخ ( عبدالله الخريجي ) ابو محمد عافاه الله ، يقول انه نزل وصف لنا حصا ننزل عليه .. هذي قصة اكتشافه ))
المواضيع المتشابهه
العرض العادي
