تعرفون معن كلمة معرفة وجه بس

[الانيق]

عرفة وجيه

للشاعر / خلف مشعان العنزي





ياكثرهم .. لا قلت لك .. عرفة وجيه

وياقلهم ... لا قلت ... قـــدر ومعـزه

رجلٍ ... تعزه بعد ماتلتقـي ... فيــه

ورجلٍ ... قبل ماتلتقي بـه ... تعـزه

ورجلٍ .. ترزه بالمجـالـس ..مباديـه

ورجلٍ .. فلوسه بالمجالـس .. تـرزه

ورجلٍ .. يموت ولا يجيبون طاريـه

ورجل ٍ .. يجي طاريه في كل حــزه

ورجـلٍ يهزه .. بعض موقف ويشقيه

ورجلٍ .. مهوب أيّـــات موقف يهـزه

ورجلٍ .. ضعيف .. ويستفزه معاديه

ورجلٍ .. كلام أعـداه .. ما يستفـزه

ورجلٍ .. تلزه يعترف لك .. بخــافيه

ورجلٍ .. على خــــافيه .. محدٍ يلـزه

ورجـلٍ .. يوزونه .. ويزعل بنيخيـه

ورجلٍ .. يزعّل من يحــاول .. يـوزه

ورجلٍ .. تكزه لا زم إنــك .. توصيه

ورجلٍ .. بليّـــا مــا توصيــه .. كـزه

من لا فرش .. للمرجله .. مــاتغطيه

ومن لايخز .. النــاس .. محدٍ يخـزه

ان كنت تعرفني ..فهي ..عرفة وجيه

مو شرط لك بالقلب قدر ... ومعـــزه

[الشيخ قوقل]

ياسلام عليك يالأنيق بيّض الله وجهك

أقول
ما يطيب الوجه إلا بالعلوم الطيبة == والردي والله مغسول وجهه مرقة
الضعيف أضعيف من حركاته خيّبة == وودك إلى شفته بالرحلات تطرقة

أبيات الشاعر / العنزي يالأنيق متعوب عليها ولم تأتي إلا من واقع تجربة

.

[عبدالحميد الحربي]

صح لسان خلف مشعان

وتسلم يالغالي على النقل الطيب