مطلوب لاند كروزر ثلث

[الشاص]

السلام عليكم ..

يالربع تعبت وأنا دور لاند كروزر ثلث (أخو موتر خشم الحصان :d ) بس موديل 2001-2003
يكون نظيف ..

اللي خابر شي يدلني مشكوراً ..

[فهدالدوسري]

الاخ الغالي
شاص
السلام عليكم
اخي الحبيب اذا كنت تقصد شراع ثلث فقد انقطع من موديل 84 اتي بعده ثلث مصندق
ويوجد ربع شراع في الاسواق
لكن ماخبر ان الثلث شرع 2001
اخوك
خشم الحصان

[الشاص]

حياك الله يابومحمد .. المقصود طال عمرك ثلث تندة فيبر ..

[شايب الصمان]

المشاركة الأصلية كتبت بواسطة الشاص

السلام عليكم ..

يالربع تعبت وأنا دور لاند كروزر ثلث (أخو موتر خشم الحصان :d ) بس موديل 2001-2003
يكون نظيف ..

اللي خابر شي يدلني مشكوراً ..

هلا بك ومرحبا

برسلك موقع عام لمعارض السيارات ........................ ويمكن تلقى طلبك عندأحد المعارض .

(والله يرزقك بالموتر اللي على طلبك ومتهاوشين عليه الورثه وماصدقو أنك تقول بكم على طول

باعوك أيه بأول سومه)

[الشاص]

(والله يرزقك بالموتر اللي على طلبك ومتهاوشين عليه الورثه وماصدقو أنك تقول بكم على طول

باعوك أيه بأول سومه)


ياوالله الدعوة الزييييييييييييييييييييييييييييييييييييييييييييييي يييينة لا وموتر شايب نظيييييييييييييييف وما مشى شي ومجهز ولونه أشهب

بانتظارك طال عمرك الله يرزقك الجنة وعشرة ملايين

[حامد الغامدي]

عزيزي الشاص هذه صوره لجيب ربع تنده شراع شفته في الطائف، شكله غريب ونادر مثله وعلشان كذا صورته.

[الشاص]

أستاذنا مهراس .. سلمت يالغالي .. هذا نفس المطلوب لكن بدل التندة الشراع تندة فيبر .. وهو أطول من الربع بقليل .. ويبدو أنه في الغربية متوفر أكثر من باقي المناطق حتى إن بعض الشباب نصحني بالذهاب لمعرض السيارات بالطائف أو جدة لوفرة هذا النوع هناك .. شاكر لك هذه الإضافة

[الشاص]

[قناص الحبارى]

اخوي الغالي / الشاص

طلبك موجود عند جار لنا شاااااايب وبصوره وانزل صورته واكيد يبي يبيعه

لأن الشايب تعبان ومريض مسيكين واتوقع يبي يتخلص منه وهو نفس طلبك

التنده فيبر واللون رصاصي غامق او سماوي


وحتى لوحته من القديمات ام 7 ارقام


أبشر اصوره وانزل صورته لك

اخوك / قناص الحبارى

[الشاص]

مشكور يا قناص الحباري وما قصرت _ لكن وش موديل الموتر ؟

[محمد المعارك]

أنا جربت مثل هذا الموتر ونحن نسميه نص شراع
بصراحة ان فيه ميزة واحدة فقط وهي انه خفيف جدا جداً .

لكن مشكلته انك اذا تعديت سرعة 100 لايمكنك سماع شيء سوى الشراع وكأنك في عرضة نجدية.

وأيضاًَ الشراع تقطع من الشمس وغير آمن فمن الممكن سرقة ما بداخله بكل سهولة.
أيضاً المطر فهو غير آمن من اختراق ماء المطر للشراع .

تبغى نصيحتي يابو عبدالله ... خلك مع الشاص عطي الله ولاتغير.

الا اذا وجدت ابو سقف فيبر .... واعتقد ان سعره غالي جداً .

اتمنى لك التوفيق .

[الشاص]

هلا بالغالي صقر _ ما لنا غناة عن خبرتك وتجربتك ومشورتك وجميع أعضاء المنتدى من أصحاب الخبرة _ الثلث الشراع مافكرت به أبد ولا جا على بالي لأني جربته مع واحد من الربع إذا وصلت مشوارك إلاك ماعاد تسمع شي يبي لك أسبوع إلاما يصفا راسك _ لكن العين على التندة الفيبر إن تيسر لكن مشكلته فيما يبدو السعر المبالغ به _ شكرا لك ولجميع أعضاء هذا المنتدى الرائع