شاشه كينوود للسياره كل ما تحتاجه

[network]

مساكم الله جميع بالخير ومشكوريين علي المرور الاخ راعي كيف و كان و ثعلان وصقر بالنسبه لسوال اخوي راعي كيف و ثعلان كم سعر الجهاز سعره 600 دينار شامل الشاشه والقارمن والبلوتوث واليو اس بي و الايبود مع الكامره الخلفيه وطبعا القطع تقدر ما تاخذهم وتكتفي بالشاشه والقارمن بس ودك تاخذ الملحقات كامله وجهاز القارمن الي فيه موجوده معاه ميمري كارد وتقدر تحمل اكثر من خريطه يعني انا حملت خريطه علي الجهاز نفسه وحملت الخريطه الثانيه علي الميمري كارد وشغالات وتقدر تفصل وحده ةتشغل وحده متي ما تبي وطريقة التركيب تستغرق حوالي ساعتين الي ساعتين ونص بسبب تمديد وايرات الكامره الخلفيه والبلوتوث المايكرفون ماله والجهاز وطبعا كلهم مخفيين وواي اليو اس بي انا خليته بالدرج وتحتاج ل فني مسجلات علشان ما تطول اكثر من ساعتين ومكان الشاشه انا شفتها علي اليوكن والاند والسفاري راكبين ومكانهم حلو لان الشاشه قطعه وحده بس و بالنسبه للاخ صقر والله من شفت ردك قمت من مكاني وطلعت وصورت الشاشه علشان تشوف وضوحها معليش اعتذر عن نقاوة الصوره بس بالطبيعه اصفي واحسن لو كانت الشمس بعينك تشوف البيانات علي الشاشه واضحه




وهذي صوره ثانيه ولا تشوفون عداد السرعه وللخريطه اكثر من اختيار بالنسبه لاتجاه الشمال او تبيها ثلاثيه الابعاد 3Dاو تكون 2D الي كان التصوير من فوق



واخيرا صوره للتحكم بزاويه الشاشه وميلانها تبيها مايله او اكثر ميلان والصوره توضح




واعتذر عن عدم وضوح الصور ونوعدكم بالصور الصافيه انشالله وانا جاهز لاي استفسار بالنسبه للجهاز