منتجاتي من "برايمس" ... شئ غريب ومضحك

[مهتوي]

بسم الله الرحمن الرحيــم
السلام عليـــــــكم

حبيت أعرض بعض منتجاتي من "برايــمــس" الأسم العريق والتاريخي في صناعــة دوافير الغاز
.
.
.
.
.
.
,
.
.
.
.
.
.
.
.
! بريق شاهي !

غريبــة صح ؟ .. وش خلى شركة "برايمس" تصنع بريق شاهي ؟

البريق هذا فيه ميزه

ميزته إن حجمــه صغير .. وياخذه سعـه لا بأس بها من الماء

الشئ الثاني إنه ماياخذ حيز من المكان .. يعني "تلفزه" في العزبه على طول .. مايعوق .. تقدر تحطه في مخباك إن بغيت

كرتونه

من على جنب

البريق
معدنه ألمنيوم
وزنه خفيف جــداً
شكله على الطبيعه مــضــحك

سؤال: كم ياخذ البريق من بيالــه ؟

الشئ الثاني من منتجات برايمس .. هو قاعدة ثلاثيـــة للغاز .. بحيث إنك إذا طبخت في قدر كبير ما يميل القدر ولا يطيح
القاعدة مصنوعــة في السويد .. وليــس في الــصــيــــن

ميزتها إنها تنصفط وملمومه

خــتــم "برايمس" على القاعدة

وسلامتكــــم ..
البضاعتين شريتهم من الإنترنت

[أبو مروان]

وعليكم السلام ورحمة الله وبركاته

مشكور على عرض هذه الأغراض المفيدة لأهل البر

إبريق شاي بحجم صغير ، وسعة كبيرة ، هذا هو المطلوب

كم لتر حجم الإبريق ؟

وجزاك الله خير

[Abu Ibrahim]

الأخ الغالي مهتوى
مشكور على المنتجات الرائعة

[الجارمن]

منتجات غاية في الروعة
خاصة من شركة عالية الجودة
مشكور اخونا مهتوي على هذه الصور والتقرير المفصل

[ايكوم]

المشاركة الأصلية كتبت بواسطة الجارمن

منتجات غاية في الروعة

خاصة من شركة عالية الجودة

مشكور اخونا مهتوي على هذه الصور والتقرير المفصل

ياهلا بالخال الجارمن
ودنا نشوفها بعزبتك عن قريب خاصة ان الكشتات بدت والحمدالله بالخيرات اللي عمت البلاد كلها

[مهتوي]

أبو مروان,

سعــة البريق المعروض 0.9 لـتـر ..وياخذ 9 بيالات ..هذا الحجم الصغير منه

فيه حجم أكبر وسعته 1.5 لتر.

الأحنف, جارمن, ايكوم
حياكم الله

[ابو فراس]

اخوي مهتوي الا يمكن الحصول عليها هنا مباشرة

الغالي ايكوم

يقول لك المهتوي انه سعة الصغير حوالي تسعة فناجيل يعني حوالي ثلاث مرات شاهي ويستاهل عزبتكم الكريمة

الجارمن اسال ابو جراح هل يصلح بعزبتك او لا

[سحمان السبيعي]

شكرا لك اخي المهتوي على عرض المنتج الرائع........

[حامد الغامدي]

أغراض ممتازه وأهم شى انها تخدم أحسن من الصيني، بارك الله فيك على هذه المعلومات القيمه.

[محمد الديحاني]

شكرا اخي العزيز

والله شكلة مو بسيط......انا في الرياض وين احصلة...وكم سعرة؟

شكر

[BASSAM]

ماشاء الله


ممتازه ورائعه

كم طلعت عليك الاغراض اللي شريتها من النت؟


موفق بإذن الله ... لك مني أجمل تحية .

[هزيم الرعد]

هالإبريق شكله رايق ...صاير كأنه رحا
ياليت أخوي تقول لنا كم سعره ..لأنه مميز الصراحة وشكله عجيب
ومشكور وماقصرت

[Abdullah K. AL-Hassan]

وعليكم السلام ورحمة الله وبركاته


ماشاء الله


أخي الكريم


مهتوي


حقيقة عدة مميزة


والشركة غنية عن التعريف


أتوقع أن عزبتك تنافس عزبة أبوفراس ... ماشاء الله


ألف شكر وتقدير يالغالي


خالص الود والتقدير والمحبة


أخوكــ عبدالله

[مهتوي]

السلام عليــكم .. حياكم الله..

كلفتني 200 ريال واصلـــه للبيت ..

كل ما عليك لتحصل على هذا المنتج من الأنترنت هو إن يكون عندك

1. فيزا او ماستر كارد
2. بريد في أمريكا, وتحصل عليه عن طريق أرامكس .. عندهم هذي الخدمه مرهم او إسألهم لمزيد من التفاصيل
3. اكتب اسم البريق اللي على الكرتون .. وتلقى مواقع كثيره تبيعه منها http://www.gearforadventure.com هذا اللي شريت منه

وسلامتكم

[برق بن رعد]

والله يا شكل ذالبريق يوسع الصدر
ابتقهو كل شوي عشان اشوفه

يعطيك العافية