تكفون تكفون يا اهل الجود ابي فزعتكم

[عبدالرحمن بن ناصر]

السلام عليكم .... انا ياخوان اول مشاركة لي وانا سجلت ابي اسالكم الحين .. عن شي

انا ان شاء الله بمشي للكويت الاسبوع الجاي . وابي اروح عن طريق بررر وعلى فكره اول مره اروح طريق بر . وابي روح من طريق رماح شويه الرفيعه قريه الخفجي

تكفون انا مادل زين .

انا ان رحت الحين من طريق الدمام بتجيني رماح وبعدين لاوصلت رماح ادخل رماح وبعدين تجيني شويه ولا كيف ابي وصف دقيييق

يعني لادخلت رماح من وين اروح عشان اطلع لطريق شوي وكذلك شويه لاوصلت لها بيجيني على طول الرفيعه ولا لازم ادخل شويه وبعدين تجيني الرفيعه . واذا لازم ادخل شويه علموني كيف اطلع للرفيعه من شويه وكذلك القريه العليا كيف اطلع لها من الرفيعه واذا وصلة قرية العليا . من وين اروح بعدين وكيف بيكون الخط .

ياليييت تردووووووووون لي باسرع وقت تكفون .

[بدوي حضري]

تعوذ من الشيطان وهد اعصابك ..


انت من اي ديره ؟؟ يعني من وين بتحرك بالظبط الرياض والا رماح ؟

[عبدالرحمن بن ناصر]

بحرك من الرياض للرماح

[أبو عمر]

شوف هالخريطة بتساعدك كثير بالطريق ومراح يقصرون معك الأخوان بالوصف الدقيق

[بدوي حضري]

عندك طريقين وانت لك الاختيار ..


يا انك تجي من طريق الرياض الشرقيه اللي هو السريع وانا اشوف انه احسن وهو انك تمسك هالخط الين يجيك كوبري عريره .. وادي العجمان وتاخذ معه الين اتجيك النعيريه بس اخبره خط واحد والحين ناس راحو معه يقولون انه صار اثنين لكن مدري مبطي منه انا لكن حلووو وشرح


وعندك ياعزيزي طريق رماح واضمن لك من عندي ماتضيع ووواضح جداً لأن اللوايح واجد بتشوفها .. لكن خطر شوي وبالذات فالليل ..

تمسك معه الين تجيك قريه العليا وبتشوف لوحه مكتوب النعيريه يمين امسك الخط وتقريب 50 كيلو الين اتجيك النعيريه .. بيجيك كوبري وهو كوبري واحد فالنعيريه اخذ الكوبري وخلك وجهك شمال .. وامسك هالخط تقريباً 30 كيلو اللي هو طريق الساجي وبيجيك كوبري لوحة الخفجي الكويت يسار لف معه وامسك هالخط الين تقول سلام عليكم يامنفذ الخفجي



اي سؤال او استفسار حاضرين للغالييين

بس تكفى قل انك استوعبت من وصف بدوي حضري

[عبدالرحمن بن ناصر]

المشاركة الأصلية كتبت بواسطة بدوي حضري

عندك طريقين وانت لك الاختيار ..


يا انك تجي من طريق الرياض الشرقيه اللي هو السريع وانا اشوف انه احسن وهو انك تمسك هالخط الين يجيك كوبري عريره .. وادي العجمان وتاخذ معه الين اتجيك النعيريه بس اخبره خط واحد والحين ناس راحو معه يقولون انه صار اثنين لكن مدري مبطي منه انا لكن حلووو وشرح


وعندك ياعزيزي طريق رماح واضمن لك من عندي ماتضيع ووواضح جداً لأن اللوايح واجد بتشوفها .. لكن خطر شوي وبالذات فالليل ..

تمسك معه الين تجيك قريه العليا وبتشوف لوحه مكتوب النعيريه يمين امسك الخط وتقريب 50 كيلو الين اتجيك النعيريه .. بيجيك كوبري وهو كوبري واحد فالنعيريه اخذ الكوبري وخلك وجهك شمال .. وامسك هالخط تقريباً 30 كيلو اللي هو طريق الساجي وبيجيك كوبري لوحة الخفجي الكويت يسار لف معه وامسك هالخط الين تقول سلام عليكم يامنفذ الخفجي



اي سؤال او استفسار حاضرين للغالييين

بس تكفى قل انك استوعبت من وصف بدوي حضري

انا سمعت لامسكت طريق رماح بتجيني شويه وبعد شويه الرفيعه وبعدين قرية العليا وبعدين الخفجي
انا الحين لامسكت طريق رماح ودخلت من رماح . كيف اطلع لشويه ؟؟؟؟ وكذلك الرفيعه

[بدوي حضري]

والله ماتضيع وانا بدوي حضري





اسمع فديت خشيمك .. هما انت هالحين لامن دشيت رماح بيجيك سايدين خلك معه الين تدش سوق رماح ومعه ومعه لين تطلع من رماح كله بيجيك شعيب رماح وجسر خش معه يسار وخلك ماسكه الين تجيك محطه وسوق الابل خلك معه الين تجي شويه والرفيعه وهالديار هذا هو طريقك

[عبدالرحمن بن ناصر]

يعني الحين لادخلت رمااح امشي سيييييييييييييييييييده لين يجيني سوق رماح ومشي ومشي لين يجيني شعيب وجسر اروح مع الشعيب ومشي سييييده لين تجيني شويه . طيب تجيني شويه فقط ولا شويه والرفيعه

يعني بالوحه مكتوب شويه والرفيعه ولا بس شويه ؟؟؟

[ثامرالماضي]

بدوي حضري .. والله لو آخذ وصفك وأعطيه صيدلي ... شرط إن يصرف لي علاج مغص وكحه ...

قبل أقرا توصيفك كنت أعرف الدرب وضيعته

[بدوي حضري]

ههههههههههههههههههههههه شرايك تروح بطياره احسن ؟؟


امزززززززززززح


عبدالرحمن شقومك انت ؟؟ يعني مافرقت الرفيعه والا شويه كلها طريقها وااااحد وانا قلت لك ماراح تضيع كل بعد كيلوين بتجيك لوايح مكتوب فيها ياعبدالرحمن تعوذ من الشيطان وحاسب من المطبات ههههههههههه

ابوداحم تراي امزح معك ومثل ماقلت لك خلك على وصفي وان شاءالله منتب ضايع كلشش كلشششششش بس الركاده ولحدن يسرع

وتروح وتجي بالسلامه اهم شي خلك صديقنا فالمنتدى بعد الرحله

[عبدالرحمن بن ناصر]

ياخوان تكفون انا ابي وصف من يوم ادخل رماااااح لين اطلع لشويه يعني من رماح كيف اطلع لشويه . ولا وصلت شويه كيف اطلع للرفيعه علموني تكفون .

[عبدالرحمن بن ناصر]

المشاركة الأصلية كتبت بواسطة بدوي حضري

ههههههههههههههههههههههه شرايك تروح بطياره احسن ؟؟


امزززززززززززح


عبدالرحمن شقومك انت ؟؟ يعني مافرقت الرفيعه والا شويه كلها طريقها وااااحد وانا قلت لك ماراح تضيع كل بعد كيلوين بتجيك لوايح مكتوب فيها ياعبدالرحمن تعوذ من الشيطان وحاسب من المطبات ههههههههههه

ابوداحم تراي امزح معك ومثل ماقلت لك خلك على وصفي وان شاءالله منتب ضايع كلشش كلشششششش بس الركاده ولحدن يسرع

وتروح وتجي بالسلامه اهم شي خلك صديقنا فالمنتدى بعد الرحله

ههههههههههههه الله يسلمك انا الحين فهمت وصفك وكل شي بس خوفي ان رحت اضيع كل شي ههههههههه مادري الا وانا على حدود العراق

[بدوي حضري]

المشاركة الأصلية كتبت بواسطة ثامرالماضي

بدوي حضري .. والله لو آخذ وصفك وأعطيه صيدلي ... شرط إن يصرف لي علاج مغص وكحه ...

قبل أقرا توصيفك كنت أعرف الدرب وضيعته

هههههههههههههههههههههههههههههههههههههههه ياويلي ويلاااااااه

ابوشعلان لاتفشلني قدام الرجال تراي مجتهدددد معه

[عبدالرحمن بن ناصر]

يابدوي حظري <, احس اني نشبت لك وتقول وش الله جابني ورديت على موضوعه هههههههههههههههههه

الحين لامن طلعت من رماح ومسكت خط شويه وتعديت شويه وانا بنفس الخط امشي سيده الحين . لين تجيني الرفيعه وان جتني الرفيعه امشي سيده لين تجيني قرية العليا وبعدين اتعداها بتجيني القاعده صح ؟

[بدوي حضري]

المشاركة الأصلية كتبت بواسطة عبدالرحمن بن ناصر

ههههههههههههه الله يسلمك انا الحين فهمت وصفك وكل شي بس خوفي ان رحت اضيع كل شي ههههههههه مادري الا وانا على حدود العراق

ههههههههههههههه ههههههههههههههههههآآي حرام علييييييييييييييييكم والله اني مجتهد

ومخلي الغدا علشانك ياعبدالرحمن يالله سلام عليكم زعلااااااااااااااااان