قصيده بالفكس أر

[فتى الضاحي]

الله على اللـي لا نتلتـه قـال دوس

ولا قنـاه بخيـل ولا ساقـه غـبـي

اسمه الفكس ار ولا صنعه الماجـوس

صنـع تايـوتـا يـبـان الأجنـبـي

يقبـل اقبالـة عزيزيـن النـفـوس

ويقفـي اقفايـة جـبـانٍ مرعـبـي

ولا مشى مشيه كما مشـي الطـاؤس

ولا وقـف كنـه كنيـسـة راهـبـي

وصوت سلفه مثل ضحك العيـدروس

ولاشتغـل صـوت المكينـه يجذبـي

تعزف اقزوزه كما عـزف الجـروس

وترسـل انغـامٍ وصـوتٍ يطـربـي

وصوت بوريه على السمع محسـوس

لا صـرخ وارسـل صـداه وجاوبـي

كنـه ابروقـي مثبـت وامـغـروس

يصحـي العسكـر عشـان ادربــي

ولون بوديـه كمـا لبـس العـروس

فـي زفـافٍ زينـه شـرع النـبـي

كملـوهـا بالجـواهـر والـبــوس

ومـن نظـر فيهـا الحظـه ينـدبـي

وفتحـةٍ بالسقـف لارفعـة فـنـوس

تطلـع وتـنـزل بشـكـل مرتـبـي

والجنـوط كـروم والصقلـه ملـوس

والكفـر جنطـه بوسطـه يركـبـي

ولاجيت ابوصف وضع شكله ما احوس

كنـه املـح فـوق كـدرى يظربـي

ولعن ابو حيـه تقـل يعطـي ادروس

لا طلعلـه فـوق طـعـسٍ ورقـبـي

ولا نتلتـه وقمـت تلقمـه التـروس

تقـل سبـعٍ غـار يطردلـه ضـبـي

وسـط بـرٍ لاعــذاب ولاشـمـوس

والسمـا غـيـمٍ وجــواً يعجـبـي

ولاستهل المـزن وداس الأرض دوس

وارخـى نـوه فـوق قـاعٍ مجدبـي

مساحته بالخلف تمسح شكـل قـوس

كـف غـروٍ طـول ليلـه ينحـبـي

لوحـة للـي بقـت عقبـه عنـوس

بعـد مـا حـل الفـراق المتعـبـي

وحلفـت ياغيـر خـده مـا تبـوس

لو كل يـوم مـن المرايـر تشربـي

ومـا تهمـه لا نفـود ولا طـعـوس

تقـل كـل الأرض سابيهـا سـبـي

وبلغراز الصعـب صناعـه انجـوس

محتسينـه بالدبـل مــا ينشـبـي

فيـه هـزازٍ كمـا رقـل الضـروس

لا شبكتـه فيـه مـا يحبـي حـبـي

يفز مثل اللي صحالـه مـن كابـوس

او غافـلٍ قفـاه صــوتٍ مرعـبـي

ولا اظلم عليه الليل والظلمه دمـوس

فـي مكـان امسـى هلالـه غايبـي

نور وجهـه لنفـرك فيـش الكبـوس

ازرقٍ طولـيـن شــب وشايـبـي

ولا صـار بينـه والمواتـر دق روس

تصبـح كمـا ضيـنٍ رثعبـه لايبـي

لاستلمها وقام ينـوس الخـط نـوس

ودق طبلـونـه ووصــل مايـبـي

مـا تطوفـه لا بنـوز ولا جـمـوس

وكـل المواتـر لاقفـاهـا اتجنـبـي

ولا وقـاه الله مـن عيـن اللحـوس

بكـل دربٍ لا مشـى مـا يصعـبـي

ولا قنيـت ولا شريـتـه بالفـلـوس

لكـن بحضـرة جنـابـه معجـبـي

وانا كيف اشريه وحظيظـي نحـوس

لا قلتلـه الـدرب شــرق يغـربـي

مير ابقصدبـه لـون حظـي عبـوس

يمكـن مـع مـر الزمـان ايحسبـي

وصلاة ربي عد مـا بـل خلـق روس

علـى نبـيٍ مـا لفـى عقبـه نبـي

[ابو فراس]

ولا صـار بينـه والمواتـر دق روس

تصبـح كمـا ضيـنٍ رثعبـه لايبـي

لاستلمها وقام ينـوس الخـط نـوس

ودق طبلـونـه ووصــل مايـبـي

مـا تطوفـه لا بنـوز ولا جـمـوس

وكـل المواتـر لاقفـاهـا اتجنـبـي

ايه والله وصح لسانك

[حمد الجبيرى]

قصيده جميله بارك الله فيك

[فتى الضاحي]

صح بدنكم ومشكور على المرور والرد الجميل

[Abdullah K. AL-Hassan]

صح لسانك يالغالي

قصيدة رائعة

والاند يستاهل

[النمرالتميمي]

صح لسانك والفكس ار ما به كلام

تحيتي لك

[ابوهادي]

صح لسانك يافتى الضاحي والفكس من يطوله

[فتى الضاحي]

العفو ومشكورين على المرور والرد الجمييل

[جمعان الخثيمي]

صح لسانك ولا عدمناك ولا عدمنا الفكس آر..

لو الله ثم هو ماقنصنا(((ههههههههههههههه)))

[مرباع]

صح لسانك ...قصيدة جميلة

شـكــ وبارك الله فيك ـــرا لك ... لك مني أجمل تحية .

[فتى الضاحي]

العفو ومشكرين على المروركم

[فتى الرابيه]

صح لسانك ماقصرت

[فتى الضاحي]

صح بدنك ومشكور على المرورك

[عروق الدهناء]

السلام عليكم ورحمة الله وبركاته
وصوت سلفه مثل ضحك العيـدروس

ولاشتغـل صـوت المكينـه يجذبـي

عزالله وصفك في محله
سلمت ياخوي فتى

[فتى الضاحي]

الله يسلمك وصح ابدانكم ومشكورين على مروركم وردودكم الجميله