ماهي مواقفك المضحكه والمحرجه ؟؟؟

[بدوي حضري]

السلام عليكم ورحمة الله

حي الله الجميع يامرحبا * يامرحبا

تفضلو حياكم الله

اليوم انا عازمكم على موضوع اكييييييد كل واحد فيكم مر فيه حتى انا بعد معكم وياكثر ماجبت العيددددددد

الا وهي المواقف المضحكه والمحرجه في نفس الوقت

نبي كل واحد يقول لنا مواقفه اللي حصلت معه

يالله كل واحد يتذكر ويقول لنا

[ابو فراس]

اول شي انت ابدا

[ثامرالماضي]

والله ياعليك ألوان يعمن

وترانا نحتريك عجل علينا

[ابن الحجاز]

شوف يابدوي


شوف ياحضري <<<< ترا اسمك غربلني ( ارسالك على بر ياحضري يابدوي )



انا كنت راح ابدأ



لكن طالما تعليمات العمدة


انك انت اول ماتبدأ



فلو سمحت من غير امر



هات ماعندك

[بدوي حضري]

ابو فراس شفيك خليتني الاول ؟؟

طيب معليه بقول لكم موقفي اللي صار معي امس يوم كنت في الجبيل بس قبل ماقوله ابو شعلان معليش تحملني يابعد راسي على الألوان

هم صراحه موقفين ماهو موقف واحد بس بقول لكم موقف مضحك,,, ولكن عندي انا احس انه يقهر شوي بس الموقف المحرج ماراح اقوله الا بعد مواقفكم انتم ..


الحكايه ومافيها اني صحيت الصبح متأخر شوي وشغلت سيارتي وانطلقت من بقيق الحبيبه الى مدينة الجبيل الصناعيه كان عندي مقابله شخصيه مانب قايلكم عاد وين المهم اني فرفرت في الجبيل مدري وين مكانهم بالظبط ؟؟

ولا افطرت الا شاهي عدني مدري شسمه ماخذه من محطه كله هيل الله يديم النعمه جاب لي الحرقان



واحس اني متوتر شوي
وخايف من هالمقابله مالكم بالطويله وصلت للمكان وجلست في غرفة الانتظار الين يدعون بأسمي وتخبرون ناس رايحين ناس جايين وبدوي حضري مغير يتفرج فيهم

المهم قالو اسمي وجيتهم طيار ..

سلمت عليهم وجلست اقزقز فيهم شوي ابي احد يبتسم شي

لكن للأسف مكشرين وحالتهم حاله اول سؤال قالوه :

قالو تكلم عن نفسك باللغه الانجليزيه وانطلقت فالقرقره وكل كلمه وكلمه بينها آآآآآآآ و آآآآآآ ههههههههههه >> حفله الا وقال لي واحد فيهم خلاص وقف وسكت وبعدها قمت اتنهت شوي .. لانه ماخلاني اعبر عن شعوري باللغه الانجليزيه وقفني وانا عاد عندي كلام بقوله



المهم قال واحد فيهم وش تشجع ؟؟؟؟

قلت اشجع الشباب >> يحب السوالف هذي

المهم قال الثاني اللي معهم لا انا اشجع الهلال معليش يابدوي حضري اعذرنا !!!!!

كنا متوقعين انك تشجع مثلنا لكن انت تشجع نادي حنا مانحبه

هالحين عرفت اني مع الباب سكت شوي وقلت طيب انا شدخلني خويكم قال انه يشجع الهلال انا مانب هلالي

قال روح الله يستر عليك الحين واذا انت مقبول بتجيك رساله طبعاً يقولها وهو يضحك

طلعت من عندهم وانا احس انهم ماراح يقبلوني وراح مشواري هذا خساره لكن ضحكت على ذاك اللي مخلينه فالوسط واخر شي يقول لي وش تشجع جايك من بقيق علشان تقول لي وش تشجع من زين هالشدوق وهو يقولها >>حاقد علييييييييه


شرايكم الحين تتوقعون اني مقبول والا مع الباب >>> تراه للحين وهو حزين

[ابن الحجاز]

هههههههههههههههههههههههه

الله يرج ابليسك يابدوي


احس انك حاقد من جد عليهم