فوائد اضافيه من الرحلات

[ابو صقر]

بسم الله الرحمن الرحيم
اخواني الاعزاء
السلام عليكم ورحمة الله وبركاتة


اكيد انكم تعرفون اكثر مني فوائد الرحلات والكشتات بس انا حبيت اشارك في هالموضوع عشان اقول اللي عندي و اي شخص ممكن يفيدنا من خبراته او تجاربه ويكون مرجع للشباب لانه ممكن انه حاجات بسيطه هي ما تأثر عليك بس ممكن تفيدك والتذكير فيها جيد
طبعا من الفوائد التفكر في خلق الله سبحانه وتعالى عند مشاهدة اي شي جميل او غريب الاعتماد على النفس اكتشاف مواهب بعض الزملاء تغير الجو والرتابه والروتين التعرف على رجال شرواكم الاحساس بلذت المسكن اللي احنا عايشين فيه من فراش وثير ودفا ومخدوم ومحشوم في بيتك بس بالبر!!!!!!!!
اشياء كثيره انا ماودي اسهب فيها لان في بالي اشياء ثانيه وهي:

الصحه البدنيه
مثل ماهو معروف عندنا في السعوديه او الخليج عموماً ان نسبة الحركة ضعيفه جدا كل واحد معه سيارته من البيت للدوام والعكس معدل المشي اليومي مايتجاوز عشرات الامتار فا تلاحظ نسبت الكوليسترول والدهون والسمنه والسكر والضغط نوعا ما زايده حتى مع الاسف بعض الزملاء اللي يروحون برحلات تلقاهم بظهر الموتر ماينزلون الا للنوم .
شكلي طولت بالمقدمه مرررررره بس قربت اوصل للنقطه المهمه
فا اقتراحي (وانا عندي خبر ان كثير من الرحالة ماينطبق عليهم الكلام اللي اقوله) انه نحرص على المشي وهو تمشي بنفس الوقت ممكن تروح من الفيضه هاذي لين رديفتها تتمشون (بس ترانا بالشبط) تلبسو ولأمثله كثيره
الاقتراح الثاني :

اثبتت الدراسات ان الانسان العادي اللي ماله برنامج رياضي مجدول لا يستخدم الا ثلث الرئتين !!!! وثلثين خامل تقريبا ياساااااااتر


بس لا يضيق صدرك قالو فيه حل للناس العجازه اللي ماتحب تسوي رياضه (مثلي)
الحل في الاكسجه
الاكسجه هي ادخال كميه كبيره من الأوكسجين داخل الرئتين وابقاءه قليلا ثم اخراجه بشرط انك ماتتنفس بقوه وتنفخ بقوه تقعد تدوخ علينا شهيق بهدؤ... زفير بهدؤ (بريلاكس) ماتصدقون ياشباب ايش كان يتكلم الدكتور عن هذا الموضوع انه مفيد للجسم بشكل خرافي حتى ان الاكسجه تعالج بعض الامراض قال امراض كثيره خفقان القلب عدم انتظام النبض النهجان في التنفس الى درجة انه قال تساعد على تخفيف آلآم (الشقيقه) .
ويفضل ان يكون الهواء نقي ونظيف (ولا فيه انظف وانقى من هواء الصحراء).

وفيه خبر ممتاز جدا انه يساعد على التقليل من الشخير ادري ان فيه ناس يعانون من هالموضوع اكيد اللي نايم بجنبه طبعاً تراي قلت( التقليل)
*مدة الاكسجه من 10 دقائق الى 20 دقيقه وانت كبدايه ممكن تحسبها على عدد التنفس في البدايه 10 او 15 بس لا تتشنج راح تتعب خليك ريلاكس

وسامحونا على الاطاله حاولت اختصر قدر الاستطاعه
ونبي نشوف فوائد المره الثانيه ان شاالله ومانستغني عن ارائكم

[خالد الشريهي]

أخوي أبوصقر

بارك الله فيك على هذه الفوائد

سمعت كثيرا عن فوائد الاكسجه من أطباء عرب وأجانب

تقبل تحياتي

[ابو فراس]

السلام عليكم ورحمة الله وبركاته

فعلا التنفس بعمق والزفير ببطئ يفيد كثيرا وقد جربها اخي الكبير واستفاد منها وارتاح

[طليحه ام ذيب]

مشكووووووووور اخي ابوصقر
الله يجزاك الف خير معلومات قيمة
[QUOTE ] الحل في الاكسجه
الاكسجه هي ادخال كميه كبيره من الأوكسجين داخل الرئتين وابقاءه قليلا ثم اخراجه بشرط انك ماتتنفس بقوه وتنفخ بقوه تقعد تدوخ علينا شهيق بهدؤ... زفير بهدؤ (بريلاكس) ماتصدقون ياشباب ايش كان يتكلم الدكتور عن هذا الموضوع انه مفيد للجسم بشكل خرافي حتى ان الاكسجه تعالج بعض الامراض قال امراض كثيره خفقان القلب عدم انتظام النبض النهجان في التنفس الى درجة انه قال تساعد على تخفيف آلآم (الشقيقه) .
ويفضل ان يكون الهواء نقي ونظيف (ولا فيه انظف وانقى من هواء الصحراء). [/QUOTE]
جاري نشرها بإذن الله ..معلومه ممتعه .. الله يسعدك

ولاننسى في أوقات الخروج للبر ينبغي التنبيه الى التأمل في خلق الله البديييع في السماء والارض ..
اصلا يكفي الراحه النفسية اذا رفعت راسك فوووق وتناظر نجوووم ..
عن عون بن عبدالله بن عتبه بن مسعود قال : قلت لأم الدرداء أي عبادة أبي الدرداء كانت أكثر ؟
قالت: التفكر والاعتبار ..
((أفلا ينظرون الى الابل كيف خلقت .. والى السماء كيف نصبت .. والى الارض كيف سطحت))
طبعا اعظم فائدة الاجر العظيم من الله ..

[الليل]

معلومات قيمة ..

[الجارمن]

شكراً على هذه المعلومات القيمة
وبالنسبة للاكسجة يازين بعض الاعضاء يكثر منها في البر ويكثر منها قبل الطلوع للبر على الاقل زي ما قلت تقلل من الشخير
تصدق بديت احب كلمة الاكسجة شكراً ياابو صقر
نداء خاص لبعض الاعضاء ارجو ثم ارجو من الان تطبيق ما قاله زميلنا ابو صقر بخصوص معلومة الاكسجة لعلا وعسى يخف الشخير في الطلعات القادمة

[ابو صقر]

شكرا لكم على مروركم وتعليقاتكم
ثهلان راع الاوله وسباق مشالله عليك
ابو فراس تشرف الموضوع بمرورك وتعليقات (الى الحين سليمه)
ام ذيب جزاك الله خير
اليل مشكور
الجارمن ترا موضوع الشخير نسبة النجاح فيه ماتتعدا 20%
يعني مزعجينك مزعجينك ههههههه
فالكم التوفيق

[ابو صقر]

يوجد فوائد عند بعض الاعضاء والمشرفين بس اكيد هم يتغلون
خليني انشطكم شوي
زهرة البابونج
بالنسبه للبابونج زهره جميله ومفيده وممكن تكون متوفره باٍذن الله الايام القادمه
الطريقه
اجمع كميه لابأس بها (حسب الرغبه)حتى لو كانت زايده شوي نو بربلم ان شالله وضعها في البراد وصب عليها ماء يغلي (شغل شاهي واستريح)
وفيه مثلاً الشيح و البسباس والحميض نفس حميض راعي النيسان والاعشاب البريه كثيره وهي لذيذه ومفيده
وفالكم التوفيق يارب

[راعي الشاص]

الف شكر اخوي ابو صقر
فوائد ممتازة في هذا الموضوع واللي انا اشوفه ان الواحد لما يطلع برحلة تضبط صحته لأسباب كثيرة أهمها النوم الصح والشغل باستمرار والحركة اضافة الى الراحة النفسية.

[عبدالكريم اليوسف]

الغالي
ابو صقر
حقيقة معلومات قيمة
وامتعتنا بهذا الطرح الجميل

دمت بود
وعساك على القوة يالامير

اخوك

[ابو صقر]

شكرا على مرورك راعي الشاص
وفعلاً النفسيه تضبط و خصوصا اذا كانو الربع (هبايب ريح)شرواكم
وفيه فائده للعين ايضاً لأن النظر في المناطق المفتوحه والافق الواسع غير النظر في المدن وداخل المنازل
ربي يسلمك ياراع الذوق بس لازم تجيب فائده (حشا هذا درس حديث)
فالكم التوفيق يارب

[ثامرالماضي]

بسم الله الرحمن الرحيم

أخوي أبو صقر رائع جداً وموضوع بكل صراحه مفيد .. لاهنت يالغالي ...

واللي أعجبني بالموضوع وشدّني ( الأكسجة ) ................................... ( عجاز ) هههههههه

عموماً لاهنت يالغالي ... وننظر المزيد ... من الجديد ... المفيد ...

,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,

[ابو صقر]

شكرا على مرورك ابو شعلان
وابشرو بالمواضيع عن قريب ان شاالله
وفالكم وفال المنتدى التوفيق يارب

[الجارمن]

ابو صقر
لو نسبة نجاح الاكسجة 1% متمسكين فيها متمسكين
العوض ولا القطيعة

[ابو صقر]

هههههههههههههههه
شكلك متعذب من موضوع الشخير
ربي يعينك ويساعد صاحبك على الاكسجه ويارب تجيب نتيجه معه
بس على فكره ترا فيه حلول كثير لموضوع الشخير ابي افردله موضوع خاص ان شاالله قريباً
وفالك النوم الهادئ يارب