بسم الله الرحمن الرحيم
السلام عليكمورحمة الله وبركاته
كيف حالكم ..؟؟...إن شاء الله طيبين؟؟
هذي قصيده كتبتها مجارات ورد على قصيدة على بن الحمري القحطاني((وفقه الله))
اترككم مع القصيده
أول كلامي بسمه الرحماني=الواحد المعبود بلأرضيه
ثمن صلاة الهاشم العدناني=صلاة عبد(ن)ملته سنيه
ماني من اللي يكسب العدواني=مير الزمن كشر بنابه ليه
لكن لقيت العز بالصدقاني=لو صابني منهم غلط وخطيه
ادمح خطاهم وانصح الغلطاني=واقدم المعروف له وهديه
والصقر ما يرقى على الضلعاني=إلا يدور صيدة(ن)مخفيه
والذيب لا منه غدا جوعاني=ما يضوي إلا مخالبه مدميه
وليا عوا يسمع عواه الثاني=يخاشره في رخلة(ن)نجديه
والرجل لا جاله بعيد(ن) عاني=يكرمه ويذبح له سمان(ن)حيه
ما جابها من مطبخ الاخواني=مايدري ذيخ(ن)كانت او حريه
شوف السما تجمع بهالأمزاني=ثم تفكه بامر ذا الجاهيه
لا صرت في خير(ن)وعزك باني=خلك كما هالغيمه الممليه
ويا صاحبي يا شين ذالقيفاني=لا صارت الشحذه بها مرئيه
وانا على ما شايبي رباني=يا جعلني فدوة تراب حذيه
أكد علي وقال يا جمعاني=احفظ كلامي وحلل الاحجيه
وش تنتظر لو خاتم (ا)سليماني=ويا عصا موسى النبي السحريه
جاتك على ناقة رفيع الشاني=جاتك عطيه ما وراها جزيه؟
ازريت ارد وقلت يالقحطاني=فكر معي وش حل ذالاحجيه؟
((((((()))))))
وسلامتكم
حررت في 2/4/1433هـ
جمعان الخثيمي
((قنيب الذيب))
ردا على قصيدة علي بن حمري القحطاني(يالله تغفر لي ولا تبلاني).....جمعان الخثيمي
العرض العادي
