|
ادخلوا ترا الصدر ياسعكم كلكم
في هذا اليوم الخميس 10/11/1430 بعد صلاة الفجر جتني خرمة شبة نار من الغضا ومن جرب شبة الغضاء يعرف وش هي الخرمة والله يا هي ادمان (تراي صادق الصدر وسع القصيم كله وحياكم الله في اي وقت) المهم من المسجد الو يا ام فراس ترا منب جاي ابطلع للمصفر قالت استودعك الله وكل الوقت ستة دقائق بالتمام والكمال والاي بهالمحل اللي يحبه قلبك 1 http://www.alrahlat.com/vb/uploaded/18_01256801249.jpg 2 وهالمحل اللي الكثير من اهل عنيزة يعرفونه (مخيم كلية التقنية الرائع) http://www.alrahlat.com/vb/uploaded/18_11256801249.jpg 3 شبيت الضو من حطب الغضاء وللعلم لم اكسر عود واحد من الشجر بل تلقيط من حوالينك بس وش رأيكم بهالفنجال ما يسمر الراس(قولوا ما شاء الله) http://www.alrahlat.com/vb/uploaded/18_21256801249.jpg 4 ما يتهيا قهوة الفجر بدون قدوع سكري من ايدين ما نعدمهن http://www.alrahlat.com/vb/uploaded/18_01256801281.jpg 5 وش رايكم بهالصورة عاد تراي اتعلم التصوير لحد يطبق مثلي (جاب الله هالديجتال) http://www.alrahlat.com/vb/uploaded/18_11256801281.jpg 6 جايزن لي هالفنجال ما ادري ليش http://www.alrahlat.com/vb/uploaded/18_21256801281.jpg 7فيه شيئ غريب بهالصورة مهب معقول يعرفونه الكييفة يالله اختبار تحريري واللي يحله حياه الله على فنجال بالمصفر http://www.alrahlat.com/vb/uploaded/18_01256801270.jpg وسلامتكم |
السلام عليكم ورحمة الله وبركاته صباح الخير عمّي رحلة طازجة ولا ألو ولا شي ............. يا حبيلك يا عمدة ونعم بك وونعم بخوّك .... أنت رحلاني من الدرجة الأولى والعموديّة لم تمنعك من الرحلات الفنجال الثاني للسكّر أو معك خوي هههههه كل الحب والوفاء لك عمدتنا . |
بسم الله الرحمن الرحيم
ما شاء اله عليك يا أبو فراس هني وعافية http://www.alrahlat.com/vb/uploaded...1256803086.jpg |
السلام عليكم ورحمة الله وبركاته
اقتباس:
بالعافية عليك هذه الرحلة الصباحية وبارك الله فيك |
يالعافية يابو فراس مهوب حنا بالرياض اكثر من ساعة توصل للبر وساعة ثانية دور مكان نظيف من العالم الوسخة الله يهديهم
|
الحمد لله على هالنعمة اللي حنا فيها ويعوضكم ربي بخير منها ان شاء الله
بس وين الحل يا اخوان حركوا المخ بهاليوم الخميس |
ماشاء الله عليك يابو فراس
نعمة القرب والغضا والرمال النظيفة هذي قمة الوناسة. نغزة.... ترا التمر يوكل وتر وحدك سبع بس يابو فراس . دقشة .....شفت ميزة كميرات الديجتال ؟ |
اقتباس:
ما أدري وشو الحل لكن أعرف أن هذا المخيّم هو المكان الذي جمعتنا فيه في ماتقى الأحبّة جمعنا الله وأيّاك في جنّات عدن والمسلمين أجمعين http://www.alrahlat.com/vb/uploaded/18_11256801249.jpg . |
الله يسعد أيامك يابو فراس |
وعليكم السلام ورحمة الله وبركاته ماشاء الله تبارك الله الله الله .. الصراحة فنجال ومن يدك يالغالي وجلسة معك تنشرا بأغلى الأثمان حل الأختبار فيه نفر ثاني معك !! :Taj43: :Taj43: والوعد يالعمدة الدهناء إن شاء الله عرق جهام !! :1aa: محبكــ عبدالله |
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين وبس يابو فراس تصرفنا وتكشت الحالك ... ماهي عاداتك بس فيه سر اكيد ........ ياليتني معك كان يخلالي الجو من بعض الناس اللي انت خابر بس عندي ملاحظه : المهم من المسجد الو يا ام فراس ترا منب جاي ابطلع للمصفر قالت استودعك الله اشك بالفقره هذي ........ وبعدين الصوره الاخيره فيها تناقض ابو فراس ؟؟؟؟؟؟ فنجال القهوه والشاي ... لانك لحالك يا قهوه يا شاي الا اذا كان معك احد ولا ودك تقولنا ههههههه تسويه ( المفروض اذا بديت بالشاهي تكون مخلص من القوه ) دمت بود ابو فراس |
اولا رحلة تخش المخيخ يابو فراس
الثاني الحل ...... هو كسرة الحطبة "السمرة" |
ما شاء الله عليك ابو فراس كل ها الوناسه وحنا لا ياحضكم يا اهل عنيزه بالمصفر
|
الحمد لله جبته يا صبا نجد بالفعل محد يشرب شاهي لين يخلص من القهوة و ابو طلال قرب للحل ولكن ما وضح |
يالله يابو فراس انتظر العزومه بالمصفر ... بس لي شرط اكون الحالي ماابي احد معي ... انا وانت وبس .... مااقبل الوسطات خل بعض الناس ينقهرون ... تحياتي واشواقي |
ماشاء الله تبارك الله
جلسه ترد الروح يابو فراس الله يوسع صدرك |
سمعت أحد الأشخاص يقول ياحظكم ياهل عنيزه تتمشون حول بيوتكم، وهوصادق اذا 6 دقايق وانت في البر،
طلعه كايفه يابو فراس ليتنا قريبين منكم، |
أشوف الدلّه (( المبهره )) مابها من السّنا شيء هي ملمّعه ولا غاسلينها مع دلال الملتقى هذا هو الشيء الغريب بالعزبة (( الدله نظيفه )) |
ابو فراس والد الجميع
ياحض المصفر بك وبشوفتك ليت مصوت يالغالي اجيك طاير بس شكله رحلة مخمخه وتفاكير حفظك الله يالغالي |
الغالي أبو فراس
الشاهي والقهوة في وقت واحد..... ابو فراس الكثير عندهم بر وقريب ولكن من عنده ابو فراس |
http://www.alrahlat.com/vb/uploaded/18_01256801270.jpg
لا والله الفجان مليه قهوه :( خالص الشكر للصور الرائعه .. |
طلعة صباحية حلوه
الحل ياطويل العمر ان انتم ثلاثة اشخاص الثالث مايشرب قهوة ولايحبها |
ما لكم لوا وترا الحل موجود بأحد الردود
|
فنجال القهوة فيه شاهي مو قهوة
وشرايك يابو فراس |
شـكــ وبارك الله فيك ـــرا لك ... لك مني أجمل تحية .
|
بسم الله الرحمن الرحيم
أخي أبا فراس الصورة أبلغ من ألف كلمة كما يقولون |
ماشاء الله عليك عزمك قوي اعتقد ان الحل عدد التمرات الي اكلتها وهي 12 على عدد العبس ( الفصم) اللي بين الفنجالين:Taj43: << مره ثانية لاتدقق واجد :D تحياتي لك يالغالي |
ماشاء الله الصراحه اغبطك على قرب المكان وزينه وطلعه كايفه تبارك الرحمن ربي يوفقك |
مكرر مكرر
مكرر |
مساء الخير والله يمدك بالصحه والعافيه يا ابوفراس ويجعل ايامك كلها سعاده ووناسه يمعنا ويام على الخير
وملاحظتي حول كلام ابوسليمان انك لحالك وحاط فنجالين قهوه وانت لحالك الا كان عباس معك ولكم ودي ومحبتي |
اللي مسوي الكيف يبدا به وذا انتهى يشرب الشاهي الله يسعد ايامك يابو فراس
|
ماشاء الله عليك ياعمده ذويق اعزمنا على الحتات الوحده مهيب زينه موفق بإذن الله ... لك مني أجمل تحية .
|
طلعه ولا احلى شبة غضا وكيف
الله يديمه عليك |
بسم الله الرحمن الرحيم
السلام عليكم ورحمة الله وبركاته انا تكفين هالكلمه ادخلوا ترا الصدر ياسعكم كلكم ماشاء الله عليك يابوفراس بديت تصر بالديجيتل حلووووو كود نشوف قفشاتك بالطلعات الجايه حبيت اسلم عليك واخمك بعد ياحبيلك وياحبي لطلعاتك اخوك ابو علي اللي ماطب عنيزه من عقب الغبار اللي انت خابر |
موفق بإذن الله وهني على قلبك وماشاء عليك تصوير روعه ومكان أروع |
مشكور على المرور اللي عطر الموضوع والحمد لله اللي خلى كشات يرد علينا ويستعد للرحلات
|
وعليكم السلام ورحمة الله وبركاته عمدتنا الغالي ابو فراس وش خليت الطلعات الخفافيه احبها لانها تطلع صح,,وتريح النفس و تغير الروتين اليومي وش خليت يا ابو فراس غضا وسكري :smailes81: تحياتي لك يالغالي با رك الله فيك البر يشرح كل صدر ويقلب الضيقه سرور ونا إلى جيته يروح الوقت ما أحسب له حساب |
اقتباس:
صدقت والله اكره ما اشوف الساعة والجوال بالبر اقتباس:
اخوي ساهر الطائف مرورك هو الاروع ونؤمن على دعائك |
يعطيك العافيه على الصور الرائعه
ولو تنقص صبة القهوه شوي يعني تكون اقل من الموجوده في الفنجال |
وش صار يابو فراس؟
ترانا ننتظر ، |
اخوي اسير الصمت مرورك احيا الموضوع وحطه بالسما ولكن اخوي بالنسبة لصبة الفنجال فهذي صبتنا بالبر حبيبنا ابو احمد (صقر سابقا) وش تنتظر اقلط انت تامر امر |
ابو فراس الحل هو لازم الدله والبريق وجهها واحد مايكون متخالفات , لأنها عند البدو عيب وشرايك بالرمعه !!!!!!!!!!!
|
اقتباس:
اخوي مرقاب الشرق الحل سبق وان حله صبا نجد واول مرة اسمع عن هالعيب |
ياعيني يبو فراس
بس انا ويني هك الفجرية :smailes26: |
انت بالدوام يابو عبدالرحمن
بس وينك فجر يوم الخميس اللي راح انا ببطن الحصان حتى الساعة عشر |
| الساعة الآن 12:00 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir