|
رحلة قصيرة
بسم الله الرحمن الرحيم مساكم او صبحكم الله بالخير بعد ما اعتدل الجو (خصوصا في الليل) في هالشهر المبارك وابتدت الاجازه وحظنا زين الغضا يبعد عنا تقريبا ربع ساعه بس (يعني مالنا عذر):p طلعنا في رحلة افطار وسحور لكسر الروتين والاستمتاع بخوة الرجال شرواكم والاعلان عن قص شريط ابتداء الموسم :D الله يجعله موسم خير على الجميع ما اطول عليكم اخليكم مع بعض الصور مريت ابو عبدالرحمن في استراحته ياجعلها عامره وهنا نحمل بعض الاغراض وهي بسيطه لان الرحله عدة ساعات <<<< خايف من بعض الناس:D بعض اللقطات للاستراحه ويلاحظ اطلالتها الرائعه ماشالله وهنا وصلنا للموقع قبل الغروب بشوي (ماصيفنا ) والترحيب ياخذ اشكال متنوعه :D الاستعدادات والتجهيز وقت الغروب تقريباً وبعد الافطار احبس بكاسة شاي تعدل المزاج وكانت رحله موفقه ولله الحمد لين وصل وقت السحور وماقصر ابو صالح ظبط ذيك الكبسه على لحمة حويشي ويارب ان الموضوع والصور تعجبكم وان ما اعجبتكم ابي اصور مره ثانيه :D السلام عليكم |
[quote=ابو صقر;28339]
بسم الله الرحمن الرحيم بعض اللقطات للاستراحه ويلاحظ اطلالتها الرائعه ماشالله |
ماء الله عليكم تهبلون بالحيل ............................................ ;) بس تقل ناقصكم العمده .
ماقصرت يابوصقر والله يجيب الخير ... وأم رقيبه يقلون قريبه كودنا نتشاوف به . |
ماشاء الله عليك يابو صقر
افتتحت الموسم بهالطلعة نحتري بعض ناس يجي (صقر) ندور لنا مطراش قريب الله يمتعك بالصحة والعافية |
بسم الله الرحمن الرحيم اهلين وسهلين بخوي راعي ساموده مشكور على مرورك والله يباركله فيها هلا وغلا بحاتم الصمان حياك الله يابو عبدالله وبالنسبه للعمده الطلعه جت سريعه وانت عارف العمده اذا ما تسوي حجز من بدري او تكون واسطه قويه :D مايحصل بسهوله مشكور يابو عبدالله هلا وغلا بالغالي سهيل مشكور على المرور والرد العطر اما ابو احمد اصبر عليه شوي لازم يجي مطر او على الاقل يشوف بارق الله يجيب الخير |
الغالي ابو صقر ...
مشاء الله على هالطلعه الحلوه .. وكسر جميل لروتين .. والله يديم الوناسه |
ماشاء الله
إفتتاح موسم الرحلات برحلة يم الغضى مشكور يابو صقر ورحلتكم وفطوركم وسحوركم رائع بين أغصان الغضى. بارك الله فيك. |
ماشاء الله :.موضوع رائع ومن شخص رائع.: :..صور في قمة الروعة..: بس عندي ملاحظة السمبوسة لاتخليها على نار عالية ولامافيه وقت...:D http://www.alrahlat.com/vb/uploaded/69_1191785854.jpgبارك الله فيك أخوي أبو صقر وجزاك الله خير على الصور.. |
اقتباس:
دائما تتهمون بحب الاكل ... :mad: .... مع ان الاكل يوسع الصدر في كثير من الاحيان .... والدليل كل واحد بنا يهتم بعزبته أكبر أهتمام ................... ;) |
ابو صقر.. هلا وغلا
ما شاء الله تبارك الله توقيت جميل ورحلة جميلة وصحبة طيبة فعلاً هكذا الإفتتاحية وإلا فلا ما قصرت والله يعطيك العافيه أخوك.. أبو فهد.. |
اقتباس:
أبوصقر ... من يوم لخبط شايب الصمان كتب ماء الله عليكم ... عرفت إن الموضوع خيالي ... هههههههه :D لاهنت يالغالي ... ورحله موفقه ... وإن حصل تصور مره ثانيه أحسن :eek: وننتظر المزيد ... من كل جديد ... ,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,, |
الغالى أبوصقر ماشاء الله تبارك الله أفتتاح رهيب للموسم متعكم الله فى نعيمه على الموضوع والصور يازين الغضى ربع ساعة بس من عنيزة !!! أبوفراس ما قصر طلعنا معاه يوم نيجى عنيزة العام |
يابو صقر ما شاء الله عليك بهذي غطيت علي قبل يومين كنت هناك مع بعض الربع ولكن ما تسنى لنا اننا ناخذ صور او بالاحرى نسينا متعك الله بالعافية يابو صقر مثل ما متعت الربع كلهم صورة مع التحية لدكتورنا ريع الدياب ودنا نكرر الزيارة مرة ثانية لعنيزة وخاصة هالايام قبل موسم الصمان وش رأيكم يالربع قولوا تم |
اقتباس:
بعض الحروف والظاهر أنه ماركب حروف المم زين بس أبشر بنشري لاب جديد ونرد منه الله يحفظك . |
اقتباس:
بس أذا صملوا بجي بالدوج :mad: :eek: :) :confused: ;) |
اقتباس:
دام أبوعبدالله عزم على المجيئ وقال تم فما أقدر أقول الا تم ان شاء الله وكنا حيين بس انت حدد اليوم ولك على أكلم أبومروان (اذا ماشاف الموضوع) وأبومحمد الصبحى وأبوهانى العقيلى ... تمام ياعمدة ؟!! |
ماشاء الله يابو صقر، رحلة فطور الله يزينها بالعافيه والأجر مع الأخوان اللي معاك باين عليهم أهل وناسه كل يشتغل بواجبه، هذا والله الشغل السنع، والسمبوسه والله ما عندكم وقت قلي حتى في البر، طبعا من زين الخوه، مافي شي صعب، والأستراحه ماشاء الله تبارك الرحمن جنه وواحه جميله ليتك أخذت لها كم صوه ترى صور الخضار مع الصيام ماهي بطاله،
بارك الله فيك أخي أبوصقر أفطرنا معاكم وشربنا الشاي وعدلنا المزاج وسمرنا وتسحرنا في الخيال، ان شاء الله تكون حقيقه في المستقبل، تقبل تحياتي. أبو فهد |
بسم الله الرحمن الرحيم اخوي المغترب الله يبيض وجهك ومشكور على مرورك وردك البر يوسع الصدر ياخوي الغالي ابو احمد الله يسلمك ويرضى عليك ابو احمد تراني تقل شفتك قبل فتره تسأل اخوي عاشق الغضا وهل تكتب في هالشكل (الغضى) او (الغضا) بيني وبينك انا كنت اكتبه مقصوره:D سألت واحد من الزملاء مدرس لغه عربيه وافادني بالاتي الصحيح (الغضا) والسبب ان اصل الالف واو والقاعده ان كل الف لينه اصلها واو في الاسماء الثلاثيه وتكتب الف طويله. هذا كلامه والله اعلم ياهلا ومسهلا بخوي a.k.h والله كنك معانا والكلام هذا سمعته هناك قصر على الدافور ياولد بس الوقت كان ضيق شوي مشكور يالغالي الله يحيك يابو فهد ويجزاك خير وخلك حولنا على كلام ابو فراس مشكور يالغالي هلا والله بطير شلوى هلا ابوشعلان الله يسلمك يالغالي وماقصرت ولاتدقق على ابو عبدالله ترى الكيبورد مافيه حروف يعني يكتب (غميضي):D يامرحبتين كباااار لعمنا ابو اسماعيل الله يجزاك خير ياريع الديابه ياريت تعيد الزياره انت وجميع من يحصله نتشرف بوجودكم تو ما اسفرت وانورت هلا بالعمده حياك الله يابو فراس انا قد هاشن قناص الحباري عن عدم نقل الكاميرا ومن عقبها وانا احاول ما انساها رغم ان فيه اشياء زينه بس ماحصلها تصوير الجايات اكثر واحسن ان شالله تكفتى..تكفى..تكفى يابو فراس لازم على الربع يجون وابشر بسعد قولو تم يالربع جا وقت الافطار اكمل في وقت لاحق |
ما شأ الله ابو صقر بداية ورحلة موفقة لموسم كله خير وبركة صور الاستراحة والخضرة ذكرتني برحلة العام الماضي للعمياء الا على طاري العمياء ودي اسأل شايب الصمان ايهم أفضل ربيع فيضة العمياء والا الربيع في هذه الصورة http://www.alrahlat.com/vb/uploaded/16_1191860984.jpg |
لاهنت يابو صقر على هالرحلة هذي رحلة تنشيطيه للرحلات القادمة والله انك حمستنا الله يرزقنا بالحيا تقبل تحياتي |
اقتباس:
اقتباس:
هههههههههه ياحبي لك أبو عبدالله..:D لكن واحد فاضي وجوعااااااااااااااااااااااااااااااااااان..يعني الفاضي يحب يعلق ..والجوعان وده ياكل.هههه.......:D تحياتي لك أخوك أبومحمد..:) :mad: :( :confused: ;) :p :rolleyes: :o :D |
بسم الله الرحمن الرحيم قول وفعل يا حاتم الصمان ياريت والله يحصلكم جيه نتشرف بجميع الربع كفو والله يابو اسماعيل ايه هذي العلوم السنعه عساك على القوة ولا تخلي احد تكفى عين فراش وعين غطى ولاهوب قصور بعمدتنا العزيز بس انا المنسق الاعلامي:D هلا والله بالغالي ابو فهد اسعدني ردك اللي يشرح الخاطر وليش بالخيال ياخوي ان شالله الشباب جايين ويارب تكون ظروفك مواتيه وتشرفنا ترا الاجواء جدا رائعه عندنا في هالاوقات حياك الله يابو نواف وربي يعيد ذيك الايام في ذيك الفياض اللي توسع الصدر وهذي صورة تذكيريه بس عن رحلة العام الماضي للعميا http://www.alrahlat.com/vb/uploaded/69_1191899361.jpg هلا والله بخوي سلفر الله يسمع منك ياخوي ويرزقنا بالخير مشكور يالغالي |
اقتباس:
أبونواف كنك بديت بطريق بعض الناس .......... :mad: ........ لاطبعا ربيع العمياء مامثله :( :p ;) . كن على حذر أنتباه ..... :D ..... ترا ممكن نصف مع العمده ونسحب الدعم القوي لك . |
ماشاء الله يابو صقر على هذه الصور
يعطيك العافيه |
هلا بخوي بارق امل
وان شالله الرحله الجايه نشوفك |
ماشاء الله عليكم ياابو صقر فعلاً رحله رائعه ومميزه خصوصاً حركات الفطور المزاااج اللي على كيفك الله يوفقكم وييسر لكم ولله الله بالمكاشيت القريبه بأذن الله أخوك أبوعبدالله |
الله يجزاك خير اخوي عمار السفينه
وهذا بعض ما عندكم والله يجيب الخير والمكاشيت ويحصلنا نتشرف بشوفتك يابو عبدالله |
الله يعطيك العافية
|
الله يجزاك خير اخوي الغريب
وشكرا على المرور |
ماشاء الله تبارك الله
|
ماشاء الله عليكم ... رحلة رايقة... والصراحة الإستراحة ولا أروع ..خضار من كل جهة وفعلا هذي تسخين للرحلات القادمة الله يجيب السيل يارب والربيع
وأبو فراس ياليت يصيربوه إجتماع بالقصيم نشوفكم وياهلابكم |
السلام عليكم ورحمة الله وبركاته صبحك الله بالخير وكل عام وانت بخير مشاءا لله عليك يبو صقر رحلة موفقه مشكور على هذا التقرير المفصل تقبل مروري اخوك ذرى |
بسم الله الرحمن الرحيم حياك الله اخوي (مخاوي الصمت) الله يجزاك خير هلا بخوي ابو صالح الله يبيض وجهك ويسمك ونتمنى من العمده انه يجمع الشباب وحنا تحت امره هلا بالغالي (ذرى) الله يذرينا وياك عن النار مشكور ياخوي على هالكلام اللي يوسع الصدر ومرورك شرفنا |
| الساعة الآن 09:14 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir