|
ذكريات .. رحلة 48 ساعه مطارد للامطار وبردية حريملاء المشهوره لاتفوتك 25صوره رائعه
ذكريات .. رحلة 48 ساعه مطارد للامطار وبردية حريملاء المشهوره لاتفوتك 25صوره رائعه بسم الله الرحمن الرحيم السلام عليكم ورحمة الله وبركاته ياهلا يا مرحبا بمن لفى مثل ماتشوفون في العنوان الرحلة مطارد للأمطار التاريخ: 24/3/1428 هــ اليوم : الأربعاء الوقت :قبل صلاة المغرب بساعة الرياض غباااار وتدني شديد في الرؤيه وعاصفه رعديه وصلني خبر بهطول أمطار على قرية صلبوخ وماجاورها من مناطق فمسكت طريق القصيم وأنا اتابع السماء واتجاه الغيم وطلعت مع مخرج بنبان و أول ما مسكت الطريق القديم حتى بداء المطر بالهطول بغزاره شديده جداً والسحاب فوقنا يبرق برقاً يرووووع المهم وصلنا شعيب صلبوخ على غروب الشمس ولا قدرت اللقط له صور الا في الظلام وهذي وحده http://www.alrahlat.com/vb/uploaded/770_1192984103.jpg طبعاً الشعيب كل ماله ويقوى بقوه جداً ماشاء الله المهم جلسنا عنده حول الساعه ثم رحنا لشعيب (غيانه) ونزلنا تحت وكان يجري بقوه بعد والسماء مشتعله من البروق يوم طلعنا على الشارع العام لقينا حادث الله يكفينا الشر توه صاير لكن الحمد لله ماجاهم شيء والمطر لازال يهطل يقوى ويخف على فترات ثم ذهبناً إلى محافظة حريملاء وكان قد انقطع عنهم التيار الكهربائي لفتره وجيزه بسبب قوة الامطار والبروق (( ولله أعلم )) وصلنا للشعيب وهو يمشي بقوه ماشاء الله وهذي لقطه لأحد مجاريه http://www.alrahlat.com/vb/uploaded/770_1192984158.jpg ثم اتصل علي أحد الاخوه وقال ان السد بداء يفيض فذهبنا له وهذي صورته http://www.alrahlat.com/vb/uploaded/770_1192984201.jpg ثم بعد ساعه أكملنا المسير تجاه المناطق الاخرى والتي جاها نصيبه من الخير فمررنا على شعيب (( عبيثران )) على حدود ثادق والعبيثران هذا أنا اسميه (( المرعب )) لكثرة الحوادث اللي صارت فيه وجدنا السيل وقد جرف الشارع واصبح اثراً بعد عين ووجدنا سياره غارقه في وسطه وهذه الصور ولاحظوا اللوحه تقول امامك منعطف هههههههههه http://www.alrahlat.com/vb/uploaded/770_1192984240.jpg وهذا الجمس http://www.alrahlat.com/vb/uploaded/770_1192984282.jpg مقربه http://www.alrahlat.com/vb/uploaded/770_1192984333.jpg الله يكفينا الشر عدنا ادرجنا وذهبنا مع طريق اخر الى شقراء الحبيبه ورقدنا في نفودها الممطور استيقظنا الصباح وذهبنا إلى بلدة أثيثيه ويوم وصلنا مشارف الديره القديمه وجدنا هذا المنظر الجميل http://www.alrahlat.com/vb/uploaded/770_1192984378.jpg http://www.alrahlat.com/vb/uploaded/770_1192984414.jpg ثم أكملنا المسير إلى (قلتة) أثيثيه المشهورة ((وسيكون لها موضوع خاص بأذن الله)) صورها http://www.alrahlat.com/vb/uploaded/770_1192984466.jpg وهذي شاهي الكيف على جال الشلال ياسلام http://www.alrahlat.com/vb/uploaded/770_1192984503.jpg وهذي معرض الأواني ههههههه خوينا (( يهيجن )) مادرى عني http://www.alrahlat.com/vb/uploaded/770_1192984539.jpg وهذا أحد سدود أثيثيه وهي على صغر حجمها الا انه يوجد 3 سدود بها http://www.alrahlat.com/vb/uploaded/770_1192984597.jpg ثم ذهبنا نتمشى على باقي القرى الداهنه , الجريفه , الحماده , جلاجل ثم جاء اتصال صاروخي يقول ان فيه سحابه تاريخيه تقرب على حريملاء وهي سحابة البرد بسرعه اتجهنا إلى حريملاء والحمد لله اننا لم نصلها الا بعد سقوط البرد لكي لا نتظرر وصلنا عقب توقف العاصفه مباشره وذهبناً إلى سد حريملاء شوفوا سبحان الله قوة الاندفاع http://www.alrahlat.com/vb/uploaded/770_1192984638.jpg http://www.alrahlat.com/vb/uploaded/770_1192984710.jpg http://www.alrahlat.com/vb/uploaded/770_1192984754.jpg http://www.alrahlat.com/vb/uploaded/770_1192984897.jpg لقطه عامه للسد http://www.alrahlat.com/vb/uploaded/770_1192984829.jpg وهذا العبارات مفتوحه http://www.alrahlat.com/vb/uploaded/770_1192984865.jpg وهذي سياره متضرره من البرد http://www.alrahlat.com/vb/uploaded/770_1192984930.jpg وهنا أشخاص محتجزين http://www.alrahlat.com/vb/uploaded/770_1192984967.jpg عملية انقاذ http://www.alrahlat.com/vb/uploaded/770_1192985010.jpg أحد مجاري الشعيب http://www.alrahlat.com/vb/uploaded/770_1192985051.jpg http://www.alrahlat.com/vb/uploaded/770_1192985099.jpg يتبع ........ |
تراكم الاحداث جعلنا ننسى جمع البرد والبحث عنه للاسف كلها بالليل كان الكميات كبيره جداً جداً وفيه قطع كبيييره مثل هذي http://www.alrahlat.com/vb/uploaded/770_1192985135.jpg وهذا بيض نعام افريقي http://www.alrahlat.com/vb/uploaded/770_1192985180.jpg وهذا لقطه للارض ويلاحظ ان كلها برد http://www.alrahlat.com/vb/uploaded/770_1192985227.jpg وهذي الختاميه كيس برد سفري http://www.alrahlat.com/vb/uploaded/770_1192985267.jpg آمل أن اكون قد وفقت في حسن العرض والسرد وأن كان من صواب فمن الله وان كان من خطأ فمن نفسي والشيطان أخوكم ومحبكم أبوعبدالله |
بيض الله وجهك يا الذيب والله يشرح صدرك والله انك وسعت الصدر شوي الله يجيب الخير .
|
جهد تشكر عليه وتحيه لك خاصه على الموضوع الرائع المنسق واللي يفرح القلب ويزيل الهم من مشاهدته والله يعوض راعي الجمس والحمدلله على اللي سلموا .
|
عليكم السلام ورحمة الله وبركاته
يا قربك من القلب يا ابوعبدالله يا جعلك سالم وغانم تسلم ويسلم راسك على هالصور الي تقطع القلب الله يعيده مرات ومرات ويرحمنا برحمته ويغيثنا وفقك الله لكل خير همسه نوع الكميره |
اخي الفاضل بارك الله فيك وبيض الله وجهك وما قصرت ةفيت وكفيت رعاك الباري عز وجل
|
عمار السفينه، وعمار الرحلات، ماشاء الله وين كنت مخبي هالرحله عنا، ولا مثل مايقولون القديم نديم، مغامرة الليل مع الأمطار والبردي أكيد ذكريات لا تنسى، والنتيجه الصور الجميله وخاصة اللي عند السدود والشعبان والسيل يجري، الله يجيب الخير، تحياتي لك على هذا الموضوع والصور الرائعه في رحلة الـ 48ساعه.
مهراس. |
أذكر زين ذيك الأيام
كتب عنها في الصحافة وكان البرد كبير جدا وفعلا تضررت منه سيارات كثيرة أذكر كان عندي مقطع فديو للبرد فعلا قوي وكبار مشكور أخوي والله يجيب السيل |
شكرا اخي الكريم على هذا التقرير مع الصور الرائعة فعلا بارك الله فيك
|
خالد940 ياهلا ومرحبا شرفت الموضوع شايب الصمان سررت بمرورك وإن شاء الله انهم سالمين لاني طليت من قريب ولاشفت أحد أبوعبدالعزيز نورت الموضوع واسعدت صاحبه بوجودك أما عن همستك فهي الرائعه canon s3 ls ابوعبدالمجيد أهلا وسهلاً بك يالغالي نور الموضوع بوجودك مهراس احرجتني بجميل كلامك يالغالي وانا ولله اسعد بطرح مثل هذه الموضيع لاشخاص مثلكم هزيم الرعد يامرحبا بك ياابو شكاع ياليت تجيب لنا مقطع الفديو نتفرج عليه الغالي كان ياهلا ومرحبا بك اشكر لك تواجدك العطر واقول انتظروا المواضيع القادمه فالقادم أجمل |
يا عمار ، هي حاجة من الثنتين :
اما أن كمرتك مهب صاحية ، يعني من النوع الممتاز . أو أنك تستخدم المونتاج على الفوتوشوب ، لذلك صورك طالعة حلوة . مع الشكر والتقدير أبو سعيدان |
اقتباس:
هههههههههههههههه هلا هلا با ابو سعيدان نورت الموضوع فيه حاجه ثالثه وهي أنك تقول ماشاء الله شكراً لك |
ماشاء الله مبدع و تقارير رائعة بارك الله فيك أخي العزيز عمار السفينة تقرير رائع ماشاء الله أهديلك هذه الصور ولأول مره أرحها على الأنترنت وهي لعجة قوية صادفتنا ونحن متجهين إلى محطة خزام لتصليح الكفر بعد نقطة التفتيش ..وبعدها أصبحت الدنيا بيضاء بفضل الله ولكن جتنا بعد ربع ساعة من العجةأ خبار غير سارة عن حريملاء لتأثر الكثير بالبرد والحمدلله كانت الأصابات قليلة أهديلك بعض الصور وسامحنا على القصور.. وهذه الصور لما يسمى بطعوس التحدي ويلاحظ الضباب وقرب الغيوم من الأرض (سبحان الله) http://www.alrahlat.com/vb/uploaded/858_1192999645.jpg وهذه الصور لبعض ماجمعناه((سفري)),,:D http://www.alrahlat.com/vb/uploaded/858_1192999664.jpg وأناعلى أحر من الجمر لمشاهدة موضوع أثيثيه تقبل مروري يالغالي أخوك ومحبك في الله ::: :: : :) |
بارك الله بك اخي عمار السفينه
الله يستر ويلطف با المسلمين كانت مناظر قل ما تتكرر |
مشكور وماقصرت
صور رائعه وأخراج اروع مشاء الله بيض الله وجهك |
|
بيض الله وجهك ياعمار السفينة
انا اشهد انك ماقصرت . وبصراحة انك أدخلتنا جو الأمطار والبراد والوناسة وهذي حلات الرحلات للبر. بارك الله فيك. |
لا إله ألا الله ...
على مرور أكثر من 7 أشهر على حداثة برديه حريملا إلا أنها لازالت عالقه في الذاكره ... بارك الله فيك أخي عمار السفينه وجعل حياتك كلها عمار في عمار ... الله يشرح صدرك مثل ماشرحت صدورنا بهالصور التي صراحه من أجمل ما رأيت .. (( مــــاشــــاء الله )) . |
تصدق اني اناظر تقريرك وانا لابسن فروه من كثر الاندماج
|
بسم الله الرحمن الرحيم أخوي عمار السفينه ... عزالله إنك وفيّت وكفّيت ... بهالصور والموضوع والسرد ... مادري وش أقول بعد :D ... ماقصرت يابعدي ... وبيض الله وجهك ... والله يرزقنا السيل النافع الغير ضار ... اللي ينفع البلاد والعباد ... لاهنت يالغالي ... وننتظر المزيد ... من كل جديد ... ,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,, |
بيض الله وجهك يابو عبدالله
صور جميله ونادره يعطيك العافيه بارق أمل |
أبو محمد ماشاء الله تبارك الله هديتك مقبوله وصور جميله يالغالي وسبحان الله السحاب وهو مقبل يرووع طلمس,ريف النشاما,أبو سعيدان,صقر,عقاب الوايلي,راعي ساموده,أبو شعلان,بارق أمل ياهلا ومرحبا بكم واحد واحد ومشكورين على المرور والرد والكلام الجميل وابشروا بالقادم |
هذا مقطع 12 ثانية لبرد حريملاء وهو يكسر قزاز السيارة
http://www.youtube.com/watch?v=wrN5nOAzjCU وهذا مقطع ثاني أيضا 9 ثواني http://www.youtube.com/watch?v=p9hZ9OAFeqE وهلابك |
عمار السفينة.. هلا وغلا
تقرير جميل.. والصور ما شاء الله تبارك الله وبكل صراحة شوقتنا وبقوووة وما أقول إلا الله يرزقنا الخير الله يرزقنا الخير أخوك.. أبو فهد |
هواية مطاردة الامطار هواية جميلة وكثيراً ما تصادف مناظر جميلة
عمار السفينة : احسنت ثم احسنت ثم أحسنت، واسجل اعجابي بهذه المشاركة الجميلة. ولاهنت |
أبو شكاع شكراً لك يالغالي ولله المقطع يرووع والقزاز يتشلخ بسرررعه الحمد لله على السلامه وشكراً على المقاطع أبو فهد ياحياك الله وابشر بالخير يالغالي الله كريم راعي الشاص هلا بك يالحبيب ومشكور على الرد الجميل والمحرج |
كفو والله يا عمار السفينة .. تقرير متعوب عليه تسلم يمينك ..
|
الصراحه ماقصرت اخوي عمار السفينه
وتقرير وصور الصراحه متعوب عليه بارك الله فيك صورة روعه ويهيجن بعد هههههه http://www.alrahlat.com/vb/uploaded/947_1193874390.jpg الله قل امين يحفظنا وياكم امين http://www.alrahlat.com/vb/uploaded/947_1193874507.jpg اخيرا تقبل تحياتي |
العازم ياهلا ولله ومرحبا شرفت الموضوع يالغالي الغالي راعي برزة يامرحبا بك يالغالي نورت الموضوع وشكراً على كلامك الجميل اللهم آمييييين |
الغالي كل الشكر على هذا التقرير المميز والذي نقلتنا من خلاله وعساك على القوة ولا تبطي علينا اخوك |
اخوكم عضو جديد
ادعو له بالتوفيق |
تقرير جميل وصور اجمل
الله يعطيك العافيه |
راعي الذوق ياهلا ولله مرحبا يالغالي وابشر بالجاي راعي الجيب ياهلا ويامسهلا بك في منتداك وموضوعك ونتشرف بمشاركاتك الفعاله يالغالي سيد النشاما حياك الله يالغالي أسعدني اعجابك بالموضوع |
مشكور وبيض الله وجهك والله يعطيك العافيه صور اقول يحلالتي بس .
|
بارك الله فيك على هذا التقرير الرائع
|
بيض الله وجهك يا الذيب والله يشرح صدرك والله انك وسعت الصدر شوي الله يجيب الخير
|
وعليكم السلام ورحمة الله وبركاته
الله يعيد هذه الأيام الباركة أخي الغالي عمار السفينه ومشكور على الصور الجميلة التي نقلتنا لأجواء نحلم بها وندعو الله أن تتحقق ويعم بنفعها البلاد والعباد وجزاك الله خير |
| الساعة الآن 04:19 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir