|
أول مقناص حباري لنا مع دخول الوسم ..... أبوشعلان
بسم الله الرحمن الرحيم أخواني الأعزاء في منتديات الرحلات ... أعضاء وزوار ... السلام عليكم ورحمة الله وبركاته : في إجازة عيد الفطر المبارك ... كان أول مقناص لنا لأن الوسم يدخل في وسط الإجازة ... والوسم يدخل في 16إكتوبر ... وهو نفس اليوم الذي تبدأ به هجرة الحبارى الفعليه ... وبهذا اليوم يبدأ يعتدل الجو ... وكانت الرحله عباره عن سعة صدر مع العلم إن أغلب الطيور مابعد جهزت ... ومع إنها وناسه إجتمعوا بالرحله أكبر عدد من الربع مررره وحد ... وهم حسب نداءاتهم : أمير الرحلة ــ الفاضل , 75 خمس وسبعين , أبوصالح , أبو راشد , أبو عيسى , محيسن , أبو إبراهيم , الحوت , الروسي , أبو عبدالرحمن , أبومتعب , شقردي , أيمن , الصقار , أبوزيد , طويق , أبوشعلان وثنين من الربع قنصوا 3أيام ورجعو وهم : أبوعبد الرحمن , وأبومشعل وكانت الرحله رائعة جداً ياربي لك الحمد ... وكان الليل براد ... وأما النهار من الساعة 9 لازم تدورك مضحى أو تطق شراعك ... لأنه حرّ وأما أخر الرحله صرنا مانوقف إلا الساعة 11 الضحى ـــــــــــــــــــــــــــــ إتفقنا أن نمشى بيوم العيد بعد العصر ... وفعلاً حركنا مسّيان بعض الربع دعو طيورهم والبعض وجه للمكان المراد ... وبعد مافرقنا عن الخط مشينا حدود 30 كيلو لمكان نوم معروف لدينا من قبل ... وكانت هذه الليله رائعه جداً لأنها أول طلعه بالطيور ... وبدينا المقناص من بكرى ولكن من دون جدوى ... ويوم جت الساعة 9 الصبح نادانا واحد من الربع ... قال أبشرو بمكان مسكّت للغداء ... هبلنا نحسب عنده جرّه ... اليوم الأول مالقينا شي واليوم الثاني مثل ... وفي اليوم الثالث بعد ماقمنا من المغدى ... صوت واحد من الربع قال أبشرولكم بجرّه ... وكل الربع وجهو يمّه ويوم إجتمعنا وبدينا نقصها مع إنها قديمه شوي ولكن شفقه وبعد مامشينا معها شوي لقيناها مقصوصه قبلنا وأثاري المواتر مقطعين لها واجد ... طابت النفس منها وبعدها لقينا جراير كراوين ولهينا فيها إلين لقيناهن طايرات ... دورنا مراح وأمرحنا واليوم الرابع مالقينا شي واليوم الخامس مثل ويوم الإربعاء إجتمعنا وقت صلات المغرب طلباً من أمير الرحلة ( الفاضل )... وقال لابد أن نغيّر الأرض هذي وقال كل واحد يعطينا رايه ... وإتفقنا على مكان يبعد حوالي 70 كيلو من محلنا ... وتوكلنا على الله ... وحوالي ساعة وحده وحنّا جالسين نتقهوا بالمراح (( شوشليه )) ... ومن بكرى بدا المقناص الفعلي ... وقبل طلوع الشمس نادانا الأمير الفاضل ... وقال أبشرو بجره بس تراها قديمه قديمه ... قلنا إن شاءالله إن تستجد ... وتوجهنا لمّه وبدينا بقصها ولقيناها طايره وقطعنا لها ولقينا مطبها المهم طارت وطبت يمكن ثلاث مرات ... وأخر شي لقينا جرتها جديده .. ويوم تحمسنا لقينا المواتر قاصينها وهادين عليها ... (( الله يرزقنا وإياهم )) ... ودورنا مكان للمضحى ولقينا غار رايق ومفصّل على المزاج مكان للنوم والتبطّح ومكان للطيور ... وهذا مكان الطيور وبعد ماتغدينا وشبعنا ياربي لك الحمد ... أول من حرّك أخونا الغالي 75 خمس وسبعين ... وشوفو وش سوّا واحد من الربع حطهن تحت سيارته عشان الظلال وقريبات من المويه ... ولا علّمه ولذلك حصل ماحصل ... ماتن ثلاث والباقي جاهن حاله نفسيه من الموقف اللي صار ههههه... وتبون الصراحه والله أنّبه ضميره بالحيل >>>>>> اللي يشوفه يقول أول مرّه يدعس شي ... (( له سوابق )) هههههه وبعد ماقنصنا بنص ساعة صوّت واحد من الربع قال أبشرو بجرّه جديده هالحين قلنا كفو جيناك ... جينا لمه وبدينا بقصها ... إلى والله الموتر اللي قدامنا يلوّح بشلو ... راح لمّه راعي الجرّه وش العلم قال الحبارى اللي تقصونها هدّيت عليها قبل شوي وراحت شمال ومابغاها طيري وألحين قاعد ألوّح له توزعنا وبعدها بشوي طلع طير واحد من الربع وهدّه ووجّه لنفس المكان اللي كان يلوح فيه الرجال إلى والله الرجال هاد على الحبارى شيهانه ... وصادتها ... لحقو الربع على الطير وردوه ... صارت الحبارى رابضه عنده ... ومايبينا نشوفها يعني صرّفنا ... (( الناس أجناس )) مالقينا شي يوم الخميس ... وأمسينا ومن بكرى ( يوم الجمعة ) لقى واحد من الربع جره ماهيب جديده بالحيل ولكن يمكن تستجد ... ... قصيناها وصارت مقصوصه قبلنا ومهدود عليها وهذا مفرسها . وترزقنا الله بعدها ويوم جت الساعة 8.30 صوّت واحد من الربع وقال عندي جرّه ... جينا لمّه وبدينا نقصها إلين إستجدّت ... قال الأمير إرتفع (يالصقار) وطيره زين ماشاء الله تبارك الله ... وكانت الجرّه جديده وتحبري عنّا ... وفجأه قال تراني هدّيت طلع ... وبدت قلوبنا ترجف بقوّه ... وفعلاً طلع طيره وساق شوي ( مطلب ) وبعدين راج وكان الطير مرتفع ... وحنا سقنا على طلعه شوي ونوطّي القشع وفجأه فقعت الحبارى ... وطبّت على طول ... وحوّل عليها من السماء وخبزها بالأرض ... وخلصنا الحبارى ويستاهل الطير حمامه كامله وبيالة مويه هههه والفرحه وقتها ماتوصف بعدها قنصنا شوي وقال الامير إجتمعوا عشان المضحّى ... وبينما حنا موجهين لقا واحد من الربع جرّه قاصينها مواتر أمس ... وفجأه لقاها توطّي على جراير مواترهم ... صوّت لنا وقال الامير تعال وبعد الغدى يجيبها الله لأن الجو إحتر ... وفعلا بعد الغدى قمنا عليها وقصيناها ... ولكن كل ممشاها ممشى ليل ... وحنا نقصّها لقيناها ذابحه عقرب موطيتها إلين ماتت ... وبعدها لقينا مطيرها ... وقطعنا على الوجهه ولكن من دون جدوى ... وقبل تغيب الشمس قال الأمير نبي نعلّم بعض الطيور على الحبارى ... درجناها لكل الطيور اللي معنا ... شوفو البراءه وشلون وأخيراً هدّينا عليها البكر بشّار ...ونشّها بالأرض ... وبعدين طارت ولحقها ... وأخيراً ذبحها ( ماشاءالله تبارك الله ) وأخيراً أقولكم ... الصراحه جت كبّة حباري ... والدليل كثرة الجراير اللي لقيناها ... والوفقه من عند رب العالمين ... وأخيراً ... كم كلمة جرّه ذكرتها بالموضوع ؟ هههههههه وفي نهاية الموضوع ... أتمنى أن يكون قد حاز على رضاكم وإستحسانكم يارب ... ولاتنسوننا من صالح دعائكم ,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,, |
الله يرزقكم بالرحله القادمه وجعلكم كل جره تلقونه تصيدونه والجره اللي ماتلقونه تنتظركم الين تجونه مرة آخرى وتقصون الجره ;) :rolleyes: :D :) :mad: :eek: :cool: :confused: ,,,,,,,,,,,,,,,,,,,,,,,,,,,,,,,,,,, :D |
ياملحك يابو شعلان وياملح سواليفك
والله ان تسني معكم لحظة بلحظة وبداية الصيد بهالدجاجة ، انا ودي معكم لحظات الحصار وتعتيق الجرة ،، آآآآآه صورك نادرة يابو شعلان تقبل تحيات اخوك القطار |
الغالي ابو شعلان مشكور على هذا التقرير المفصل والممتع جداً هكذا يكون التقرير ولا بلاش |
أبو شعلان..:) ما شاء الله تبارك الله تقرير جميل ورحلة ولا أحلى من كذا والجميل فيها الصحبة الطيبة والإلتزام والإنتظام بالإضافة إلى طول مدتها>>>>> حتى آخر الأسبوع عندي فيه علل :D ما قصرت وبيض الله وجهك والله يعطيكم العافيه أخوك.. ابو فهد... بصراحة أعجبتني هذه الصورة.. وما أقول إلا ما شاء الله تبارك الله والله يرزقكم الخير ويبارك لكم فيه http://www.alrahlat.com/vb/uploaded/27_1193549903.jpg :).. |
جبتها يالذيب يابو شعلان
انا بكل صراحة اندمجت بالقصة وتذكرت زمان مضى ، والله يعيده على خير. لاهنت يابو شعلان. |
كثر الجرر يدل على كثرتها وان شاء الله توفق انت وربع في الايام الجاية
ومشكور يابو شعلان على امتاعنا في هذا السرد الرائع |
السلام عليكم
ابو شعلان لقيت جرّه ( جرّه عطر هههههههههههه ) امزح هلا ببو شعلان رحله موفقه والله يباركلكم بصيدكم وطيوركم وتراني استنى منك الوعد تسير علي . اخوك راعي كيف ابو ناصر |
اقتباس:
يامرحبا يابوعبدالله ... اللهم آمين والله يتقبل منا ومنك ... يامال العافيه ياراعي الدوج ... من اليوم ورايح أبمدح الدوج علشان هالدعوه الزينه هههههه:D مشكور يابوعبدالله على ردك الجميل ... اقتباس:
هلا وغلا بخوي القطار هلا بالملح كلّه ههههه ولحظة الحصار وتعتيق الجرّه منهو اللي يدري عن نفسه عشان يصور :confused: النادر والله ردك الجميل ... وإسلوبك المملوح ... :D مشكورأخوي القطار على مرورك الكريم ... اقتباس:
يامرحبا يابونواف ... تو مانوّر الموضوع ... الله يشرف مقدارك ... على هالكلام الحلو ... مشكور يابونواف وماقصرت ... مرورك أسعدني يالغالي ... ,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,, |
ابو شعلااان :::
ماشاء الله مقناص طيب وخوه طيبه ........ الله يرزقكم بعدد ماقلت جره بهالموضوع يا بو شعلان :D (14) مره وتراي احتري الجائزه ولازم التوصيل للبيت :cool: (قمزه ) اعجبتن الصوره :":" http://www.alrahlat.com/vb/uploaded/27_1193547899.jpg ـــــــــــــــــــــــــــــــــــــــــــــــ سلا1111111111111111111م |
اقتباس:
هلا وغلا يابوفهد ... وهذي الساعة المباركه ... صدقت والله أهم مافي الرحله هو الخوّه الطيبة شرواكم ... مشكور يابوفهد على الإعجاب ... لاهنت على مرورك الرائع وردك الجميل ... اقتباس:
أخوي راعي الشاص ... ياخي أحس إني مبطي عنك ... مدري أنا اللي منقطع أوأنت ... على العموم مشكور على هالإندماج ... والله ودنا إن الموضوع أفضل لكن الجود من الماجود ... والله يعيد الأيام الحلوه علينا وعليك وحنا بصحه وعافيه يارب ... مشكور أخوي راعي الشاص وماقصرت .. اقتباس:
هلا بخوي ولد نجد ... الله يجزاك خير على هالدعوه الزينه ... عزالله إنها تسوي شيٍ كثير عندي ... لاهنت وبيض الله وجهك يابعدي ... مرورك أسعدني يالغالي ... ,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,, |
وانا اقوووووووول وين ابو شعلان مبطين ماشفناه ؟؟؟
طبعا كنت متأكد انك حول هالمقانيص :D منتب بعيد (HAPPY LANDING) ابو شعلان , ونبي من هالمواضيع الدسمه :eek: |
الحمد لله على السلامه يا ابوشعلان صايد يا ابو العوايد وماشاء الله رحله موفقه وتقرير مصور ومفصل ممتع جدا ..... جعلتنا نعيش معكم خلال رحلتكم الجميله وبالتوفيق ان شاء الله |
بسم الله الرحمن الرحيم يامل العافيه يابو شعلان ماشالله تمشي وصيد والحمدلله الاجواء بدت تتحسن والطيور تجهر بس ان شاالله هالسنه ماريات خير نسمع عن صيد وافر لله الحمد مشكور يابو شعلان ولايهونون ربعك يالغالي ملاحظه: اذا صرت قانص شيك على قناة المنتدى كودنا نتصادف ونضحي ولا نتعشى جميع بالتوفيق |
ماشاء الله تبارك الله يبو شعلان صايد وفايد يا علها تعود عليك بكل عيد |
وعليكم السلام ورحمة الله وبركاته ماشاء الله الحمدلله على سلامتكم الغالي أبو شعلان كما أعدتنا منك ومن مواضيعك الرائعة ماشاء الله..بصراحة موضوع وتقيرير وصاحب الموضوع ,,أكثرمن رائع سلمت يمناك يالغالي ولاتحرمنا من جديك يالغالي تقبل مني خالص الود والتقدير والمحبة أخوك عبدالله |
اقتباس:
هلا والله وغلا يابو ناصر ... أجل جرّة عطر :D ... الله يجزاك خير ويبارك فيك يارب ... بإذن الله أبسير عليك ... لاخلا ولا عدم ... مرورك أسعدني يابو ناصر ... ,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,, |
اخوي الغالي أبو شـــــعلان كفيت ووفيت يالذيب ... أنا أشهد أنها طلعه عيد و:انك بعيد فعلا ما أنت بالبر من الوناسه صور جميله جداااااا وسرد قصصي ولا أروع ... ما شاء الله عليكم وبصراحه عقب أتصالك فيني بليله سفركم .... والله تمنيت أني معكم ووافيتكم .. لكن الحمد لله على كل حال تكفى سلم عليهم كلهم وشغلكم شغل مرتب والله .... وكفو والله يالقرم أخوك/ ابو عبدالعزيز |
حياك الله يابو شعلان، الله يعينكم على هذه الهوايه، على الأقل بعدها دسم وجلسة زينه، رحله وخوه طيبه مع الأخوان الصقاره اللي معاك، الحمدلله على السلامه، لكن المكان هذا وينهو فيه، تحياتي لك. |
الحمد لله على السلامة يا ابا شعلان
تعجبت لكم شلون تصيدون معكم (11 ) طير طبعا كل واحد وده يهد طيره ؟ شلون تعرفون من هد ومن ما هد ؟ طيرك شـسـمه ؟ |
مشاء الله سرد طيب يابو شعلان
ومقناص مبارك وعقبال جول الحبارى اللي تبلش فيه من كثره :) |
اقتباس:
هلا وغلا يابوعلي ... حياك الله يالغالي ... اللهم آمين الله يسمع منك يارب ... وأبشر والله بالجائزه أبحلته وأنا عند باب الخيمه بس أخاف تفلقك :confused: وبعدين :rolleyes: وتلقاني أنا :eek: هههههه مشكور يابوعلي على مرورك الكريم اقتباس:
الغالي راعي ساموده ... ياهلا وغلا والله ... زين فيه أحد درى عني;) ... وبعدين وش عندنا غير المقناص (( البر بريرة ـــ والغثا بالديره )) مقوله معجبتني من زمان :D مشكور يابعدي ... والكلام اللي بالنقليزي مدري وش تقصد فيه ولكن إحتياطن .. وأنت من أهل الخير :o .. وأبشر بالمواضيع الجايه إن شاءالله ... لاهنت على مرورك يالغالي ... ,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,, |
السلام عليكم ورحمة الله وبركاته
ماشالله تبارك الله صايد وفايد يا ابو شعلان وبدايه موفقه اثره وحبارى سلم وتعليم طيور وبرحله واحده والاولى بالموسم هذا انجاز كبير وعلومك غانمه والجاي اكثر وفالك ا لصيد انت واخوياك ولكم وافر التحايا جميعاً |
الله عليك يا ابو شعلان ماتفوت فرصه من يوم العيد بديت سعة الصدر صايدين وفايدين والله يرزقكم حباري كثر الدخل والا القميري تحياتي |
ابداع
((أبوشعلان))
مشاء الله تقرير وصور ولا اروع الحمد لله على السلامه والله يجعل هالموسم خير على الصقاقير والله يرزقك بالحباري كثر ماذكرت كلمة (جره)بهالموضوع خخخخخخخخ :d بالتوفيق وشكرا |
اقتباس:
الله يسلمك من كل شر يابومحمد ... وشلون صحتك والحمد لله على السلامه ... عاد باقي علموم مقناصكم عجل علينا فيه ... لاهنت يالغالي ... شرّفت الموضوع ... اقتباس:
هلابك يابوصقر والله يعافيك يارب ... إن شاءالله إن هالسنه سنة خير وربيع وصيدٍ واجد ... الله لايهينك يابعدي ... أبشر أبشيّك على القناة كل شوي إن شاءالله ... إن كان يبي يحصل نشوفكم ... مشكور يالغالي ... وبيض الله وجهك ... اقتباس:
أخوي راس الرعيلة ... حياك الله يالغالي ... بيض الله وجهك على هالكلام الطيب مشكور وماقصرت ... ومرورك أسعدني يالغالي ... ,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,, |
الغالي ابو شعلان اول شي امسي عليك بالخير .وبعدين اشكرررررررررررررك على هالموووضوووع الي هووو عيديه الرحلات.مقناااص طيب وصحبه اطيب وصووور روووووووووعه بدقه والا احلا . وجعل الصيد فالك دوم . عجبتني هالصوره
جره الحبارى متجهه لسياره ابو شعلان . بس شافت السرير الالمنيوم في الذراء قالت اتمشى حول السياره لين يقوم من النوم لانه مشبب صايد صايد http://www.alrahlat.com/vb/uploaded/27_1193546665.jpg |
ما شاءالله وسعت اصدورنا بهذه الصور الله يجزاك خير
|
ايه يابو شعلان هذا شغل الرجال ولابلاش
مقناص موفق انشاء الله واهم شي يابو شعلان المقناص والطلعه بالطير بعد المقيض تعنيله اشياء كثيره ووتتوق نفسه الى الهدد حتى نفسية الطير تكون هادئه جدا وطبيعيه معتعايشه مع اجواء الطبيعه والأهم هم هالرفقه الي معك اونعم الرفقه اوترى يابعدي كل واحد يطلع للمقناص يعتبر انه قانص حتى لوهومالقى طرايد لان المكسب هو شمة الطير للخلا اوناسته مع الصقار بالطبيعه اوشبة النار بعد المغرب تعني لأهل البر والمقناص اشياء كثيره اشكرك يابو شعلان على موضوع هالرحله الممتعه والسرد الجميل وكأننا معكم نقص اثر الحباري تقبل تحياتي يابوشعلان |
اقتباس:
هلا وغلا يابومحمد ... والله يسلمك من كل شر يارب ... بيض الله وجهك على هالكلام الحلو والموضوع ودنا إنه أفضل من كذا ... وأنتم تستاهلون... لكن هذا اللي جاء معي :o ... جعلك سالم وغانم والله لايهينك ... مرورك أسعدني يالغالي اقتباس:
أبوعبدالعزيز حته وحده :eek: ياهلا والله ومرحبا ... يابوعبدالعزيز ... مشكور يابو عبدالعزيز على هالكلام الطيب اللي مايجي إلا من طيب ... والصراحه ودنا بشوفتك هناك لكن الجايات أكثر إن شاءالله ... يوصل السلام بإذن الله ... ولاهنت على مرورك وتعليقك ... ,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,, |
عليكم السلام ورحمة الله وبركاته
ما شاء الله تبارك الله وش هالزين يا النشاما الله يهنيكم ويرزقكم الصيد الوفير ومشكور يا ابو شعلان على الصور الرائعه احرص على راعي الديره تراه خويي قديم وخلوه يهد طيره في الجايات وعلمك غانم يا ابو شعلان |
مشكور ابوشعلان على الموضوع الرائع وازادها الله لكم ولنا وللصقارة.
|
الله يعطيك العافية على هالموضوع والصور الزينة والله يوفقك.
|
الحمد لله على سلامتكم أشهد إنك هيضتنا للصيد :eek: بيض الله وجيهكم |
ماشاء الله
الحمدلله على السلامه ومشكور على التقرير والصور الحلوة والله يرزق الجميع وموسم خير |
دووم إنشالله الصيد والفيد وجعلة مداخل العافيه
وفالكم الخرب إنشالله |
اقتباس:
ياجعلك سالم ... هواية الصقارة صعبه ولذلك لايخوض بها إلا من يهتويها ... والحمد لله الجلسه الزينه والوناسه والخوه الطيبه كلها إجتمعت سوا ياربي لك الحمد ... والمكان هذا يابوفهد بالحبل ... مشكور يالغالي ... مرورك أسعدني يابوفهد ... اقتباس:
الله يسلمك من كل شر يابو يوسف ... الوقت هذا يابويوسف الكل شراله طير حباً به ... والكثير منهم يجعل وناسته في دعو الطير وهدد الحمام ... ويجعل الحبارى آخر شي يفكر فيه إذا وجدها زادة وناسته ... وإلا يكتفي بنقله ودعوه والحمام ... شلون تعرفون من هد ومن ما هد ؟ اللي يلقى الحبارى يحدد ويقول إذا هديت طيري وطرّح ترى الهدد لفلان وبعده فلان ... (( نوع من الترتيب ))... وباقي التوجيهات بالكنوود ... مشكور يابويوسف وبيض الله وجهك ... اقتباس:
هلا وغلا يابوعبدالعزيز ... والله يجزاك خير على هالدعوه الزينه ... والله من المشابط يبي يحصل :D والجول يكفيني لو أشوفه من دون لا أصيد شي ولكن عقبها داري إني أبــــــ:rolleyes: :rolleyes: ولكن الله يجيبه والله من الــــ:eek: لاهنت يابوعبدالعزيز ومشكور على مرورك ,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,, |
ما شاء الله تبارك الله
هالسنه شكل الحباري وااجد صايد وفايد يابوشعلان , عيدكم عيدين هالسنه الله يرزكم اكثر ان شاء الله http://www.alrahlat.com/vb/uploaded/27_1193546539.jpg آآآآآآآخ يالجرهـ |
اقتباس:
وعليكم السلام ورحمة الله وبركاته ياهلا وغلا يابوناصر مكثور الخير... والصيد فال الجميع إن شاءالله ... باقي علومك لابد أن توافينا بها بالأيام المقبله إن الله أراد ... لاتنسى يابوناصر لاهنت على مرورك اقتباس:
هلابك يابوعبدالله ... الله يعينا على عيد الفطر السنه الجايه ... لاهوب وقت حبارى ولاهوب وقت قميري ... مدري وش نبي نسوّي بالعطله ... مشكور على هالدعا يابوعبدالله ... اللهم آمين ... مرورك أسعدني اقتباس:
الغالي أبو أحمد98 الله يسلمك من كل شر يابعدي ... والله يسمع منك يارب ... كان على طول نربط الطيور :D ولاعاد نقنص إلا السنه اللي بعدها مشكور يالغالي على مرورك وتعليقك الجميل ,,,,,,,,,,,,,,,,,,,,,,,,,, تحياتي للجميع ,,,,,,,,,,,,,,,,,,,,,,,,,,,,, |
مشكور اخوي على هذه المواضيع الجذابة....
وحبيت اسالك عن طريقة تشفير جهاز ايكوم يدوي... ولك خالص الشكر....... |
يابو شعلان صايد وفايد ان شاء الله تقرير رائع خششتنا جو المقناص وان شاء الله انها فال خيرهالسنة تقبل تحياتي |
مشكور أخوي أبو شعلان والله كني معكم مشاء الله عليك عيني عليك بارده
مع التحيه |
اقتباس:
ههههههه هلا وغلا يابوعبدالعزيز ... إلى هالحين ماسكه على هاك السرير :D ... بس الحبارى عند السيارة ماجا أحد يزعجها ويقول هذا لك وهذا لك ههههه :D مشكور ياذيب العرمه وماقصرت مرورك أسعدني يالغالي ... اقتباس:
حياك الله أخوي كان ... الله يعطيك العافيه يارب ... وسعة الصدر هي مانسعى له بهالمنتدى الغالي ... مشكور على مرورك يابعدي ... اقتباس:
أخوي الغالي أبوياسر هلا وغلا والله ... وكلامك صحيح 100% ... وعز الله إنك صادق أهم شي الوناسه وإذا لقينا الصيد زادت الوناسه ولو مالقينا تبقى الوناسه موجوده ... لاهنت أخوي سعود على هالكلام الطيب ومشكور على مرورك يالغالي ... ,,,,,,,,,,,,,,,,,,,,,,,,,,, تحياتي للجميع ,,,,,,,,,,,,,,,,,,,,,,,,,,,,, |
مشكور اخي ابو شعلان
والحمد لله على السلامة . بصراحة طريقتكم في الصيد مرتبة ومنظمة ... وكما هي عادة الصقارين في الشغل المرتب. بارك الله فيك. |
اقتباس:
هلا وغلا يابوعبدالعزيز ... الله لايهينك يابعدي ... كلام طيب مايجي إلا من طيب ... ولا توصّي حريص على خويّك تراه غالي علينا بعد ... وإن قاله الله إن يهد ... مشكور وماقصرت على مرورك يابوعبدالعزيز ... اقتباس:
حياك الله أخوي جلمود121 ... وين الناس ياخوي تراك أبطيت علينا ... وألف شكر لك على مرورك بالموضوع ... ولاتقاطعنا اقتباس:
أخوي ضباب الصبح ... مرحبا ومسهلا فيك يالغالي ... والله يجزاك خير ... ومشكور على مرورك اقتباس:
أخوي التميمي ... الله يسلمك من كل شر يابعدي ... إن كان فيك نشانيش صيد ترى هذا وقت الهيضه :D وجهك أبيض يالغالي ... وألف شكر لك على مرورك الكريم ... تحياتي لكم جميعاً |
اقتباس:
حياك الله أخوي راعي برزة والله يسلمك من كل شر يابعدي ... العفو يالغالي ... والله يرزقنا وإياكم وبإذن الله إنه موسم خير ... وأشكرك على مرورك ... اقتباس:
أخوي ولد الدوادمي ... حياك الله وعقبالك بإذن الله ... وننتظر منك العلوم الزينه إن شاءالله ... والله يرزق الجميع ... ومشكور على مرورك يالغالي ... اقتباس:
هلا وغلا أخوي غدير الموت ... إن شاءالله إن الحباري واجد هالسنه ... ومورايه من البدايه زينه ... الله يجزاك خير يالغالي ... وبيض الله وجهك ... مرورك أسعدني ... اقتباس:
حياك الله أخوي الرام ... أولاً أشكرك على مرورك ورد الجميل ... وثانياً ... والله ماعندي خبره بطريقة التشفير ... وبإمكانك تسأل بمنتدى الأجهزه ... والأخوان فيهم الخير والبركه ... ولاهنت يالغالي ... ,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,, |
الله يعطيك العافية على الموضوع الجميل الشيق
|
اقتباس:
أخوي سلفر ... هلابك يالغالي ... الله يجزاك خير يابعدي ... وإن شاءالله إن هالسنه سنة خير وربيع وصيد ... ومشكور يالغالي على مرورك ... اقتباس:
أخوي فتى الضاحي ... ياليتك فعلاً معنى ونتشرف والله ... لاهنت يالغالي.. وبيض الله وجهك ... ومشكور على مرورك يالغي ... اقتباس:
هلا وغلا يابوأحمد ... والله يسلمك من كل شر ... الترتيب والتنظيم من أهم التخطيط للقيام برحلة ... وبعدها ستجد الوناسه والفله ... مشكور يابو أحمد على تشريفك للموضوع ... اقتباس:
حياك الله يابوتركي ... الله يعافيك يارب ... ماوضعنا الموضوع إلا من أجل هذا الشيئ ... مشكور يالغالي على مرورك ومتابعتك ... ,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,, |
الغالي ابو شعلان
مشكور على هذا التقرير المفصل والممتع جداً هكذا يكون التقرير ولا بلاش |
اقتباس:
حياك الله أخوي مخاوي الصمت ... الممتع هو مشاهدت ردك الرائع والجميل ... الله لايهينك ... ومشكور على هالإعجاب والمرور الكريم ... ,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,, |
| الساعة الآن 02:55 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir