![]() |
رحــلات لاتـــنـــســى 000 رحلـــة للصدر الأعــلى 000 راعي الهـــدد
بسم الله الرحمن الرحيم الحمدلله والصلاة والسلام على رسول الله وبعد / هذه رحلة سابقة لي وأحد الأخوة لمنطقة الصدر الأعلى وأطراف بلدة الحريق وماحولها من مناطق عالمية البعض منها بكر لم تطرقه السيارات ابداً والبعض الآخر منها طرقته السيارات قديماً منطقة عجيبه غريبه وجدت بها الراحة والأنس منطقة تتميز بالآتي أمكانية حصولك على الصيد أن وفقك الله وبعد صبر أمكانية حصولك على الحطب السمر النادر ذو الرائحة المميزة تقول عود وجود مصبات مائية مستمرة وعلى مدار العام وعذبة جداً كل هذا ستشاهده موثق بالصور مع أخوك ومغليك ابو حمد الرحلة كانت قبل فتره ليست بالقريبة ولكن لم يتسنى لي عرض الموضوع الا الآن حتى الصور ستجد التوقيع مؤرخ به رمضان 1428هـ كنت ناوي اطرحه برمضان ولكن انشغلنا والآن تيسرت الأمور لطرحه والحمدلله الى الموضوع والصور (1) آخر محطة بطريقنا محطة البخرا وبعد هذه المحطة بر وخلا خالي فللنا بنزيم وطلبنا من الله العون والتوفيق (2) المصور ما أدري وش يبي من هالصورة هو يبي يسوي فضايح هو يبي يقول لكم شوفوا حوسة ابو حمد او يبي يوريكم داخلي الجيب وشهو من لحية ههههه الله أعلم وأحكم (3) هذا موتري الله الله ايام راحت عسى الله يعيدها من أيام هذا الوضع قبل ما أركب الطبق تشوفون الدعوى صعب الترتيب والتنظيم ولابد الآن ان نتأكد شي ناقص والا شي قلبت وحسة ودورت مابه شي ناقص ابد المنهاج ياولد المنهاج ياولد (4) وفي نفس المحطة لابد لك من مرور سريع لأخذ خبز او شي من ثلج او حوله الأشياء الي تأخرها عند آخر محطة (5) اللوحة تأشر تقول الصدر الأعلى يسار قلنا مشكورة يالوحة ولفينا يسار (6) مررنا بمنطقة الصدر الأعلى وتعدينا الين وصلنا لمكان شهير الا وهو بلعوم نعم بلعوم كما تشاهد بالصورة أدناه تكوين صخري كبير جداً محفور به غار جميل جداً وعلى مستوى الأرض يصلح للمبيت (7) صورة أخرى مقربه لبلعوم والغار تبين لك الوضع هناك بصورة أوضح (8) صورة من داخل الغار ونلاحظ لم يسلم من وسخ المارين والكشاته الله المستعان بس (9) نحت بالصخر داخل الغار مكتوب بها سبحان الله وبحمده سبحان الله العظيم بشكل جميل وحسن أحس أن النحت قريب وقته مره يعني تقول حديث (10) وجدنا بجوار بلعوم هذا الأثر الجديد الذي اختلفت وصاحبي عليه نأمل من الأخوة بين وش هذا أثره .. ؟؟ (11) بعدها توجهنا من بلعوم للدخول لمنطقة الحريق والتعمق أكثر في التظاريس الجميلة جداً هناك ومشينا الى ان وصلنا لمكان جميل جداً فنوخنا الذلول هناك ههههه (12) وجلسه يحبها قلبك وتكية على كيف كيفك ومسند طبيعي والله يابه حياة وطبيعة على كيفك هناك (13) شبينا ضويتنا وصلحنا اقهويتنا وشاهينا ووسعنا الصدر وخلينا الدعوى سالفة في قفا سالفة (14) المبروكه مالله كتب منها شي اليوم قلنا ماهي عوايدها بس بيعوظنا الله خير (15) جاء وقت تجهيز الغداء تخبرون لابد من قرقرت البطن ولابد نسد الجوع بشي ولو يسير وهذي بنت المأذن منجطلة ياكافي (16) وشي بالكاتم وشي شوي بالفحم نلبي جميع الرغبات في المطبخ البري ههههههههههههههههه (17) جهز الغداء ومدينا السفره ويالله لك الحمد والشكر وفي البداية الدعوى بها أحترام وتقدير بس الوعد بعد شوي ههههههههههههه (18) وبدت الدعثا وبدت الحركات الي لابد منها والخوي ماغير تصوير في تصوير يالأجودي تغد وخل عنك الفضايح سم سم يابو حمد ولا له الا علمه ههههههه بس لايفووووتك الطرنج والبردقان البلدي بردقان الحريق (19) تغدينا وعينا من الله خير ووسعنا الصدر وتقهوينا وعقب العصر مشينا نبي نآصل مكان يحبه قلبك مكان يصب منه الماء على مدار العام سبحان الله العظيم يصب من الجبل ولابه احلى منه 000 وهانحن بالطريق اليه 000 (20) وكان لهذه الشجرة منظر خلاب كان لابد من اقتناصة لها سبحان الله ماتقول كأنها في قلب الصخور (21) وصلنا لمصب الماء وهذه آخر نقطة تصل اليها السيارة فتوجهنا مشياً بالأقدام لمشافة قريبة مامن بعد (22) انظروا مكان المصب سبحان الله مايوقف ابد سبحان الله الله يكفيه شر العابثين المخربين المكان هذا له أسم أخاف اقول اسمه ثم يصير اثر بعد عين (23) وجدنا عند مارد الماء انواع من الآثار وأنواع من الدمن والبعر وصار خلاف طويل عريض على هذه وهل هي لغنم وأبل أم انها لطرائد صيد وهو المتوقع .. ؟؟؟ (24) غابت الشمس وأظلمت الدنيا وانتهت الرحلة على خير وفي خير وكنا في أول الشهر وهذه صورة للهلال موضوع متواضع أتمنى قبوله مني اسأل الله لي ولكم المغفرة والرضوان من العزيز العلاّم أخوتي الفضلاء الكرماء هذا الموضوع حاولت جاهداً أن لاأعطي اي أحداثي او وصف دقيق له لما تعلمون من كثرة عبث العابثين وهذه المنطقة من المناطق النادرة كمنطقة صيد وكمنطقة طبيعية لم تطآلها يد العابثين حتى الآن أخوتي الفضلاء تقبلوا مني فائق المحبة والتقدير وانتظروا القاااادم محبكم ومغليكم ابو حمد الثلاثاء 17/11/1428هـ والقااااااادم 0000 والقاااااااادم 0000 أشد وأنكى |
يشرفني ويسعدني ان اكون اول من يرد على موضوعك اخي الكريم ابو حمد
سرد رائع وصور جميله في منطقة متميزة وخلابه لك تحياتي |
يابو حمد شكلي بشتكيك لانك راز صورة الجيب الربع وانت بعته
ما شاء الله وليتني معكم بالطلعة هذه بس يوم شفت بنت الماذن هونت:p |
ما شاء الله عليك كفيت ووفيت .
|
الامير الغالي ابو حمد الحمد لله على سلامتك يالامير ورحلات موفقه بأذن الله تعالى صور والا اروع وموضع يفتح النفس ومشتاقين لك طال عمرك ولجمال مواضيعك اخوك |
الله لايهينك يبو حمد واتحفتنا بهالصور الجميلة
وعشنى جو الطلعة بهالصور ودمتم بحفظ الله |
أبو أحمد:
رحله موفقه ومتكتكه بالصور والتعليق الظريف، وشرح عن الطبيعه البريه ولا أجمل. اتمنى من الله ان تدوم هذه المنطقه بكرا وان يحميها من أيدي العابثين، لك الشكر على هذا التقرير المفصل. |
الاخ العزيز راعي الهدد تقرير وصور ولا أروع مشكور على هذا الجهد ولا عدمناك يالغالي |
السلام عليكم
ابو حمد بارك الله فيك وكعادتك ابداع تميز تفرد بالمواضيع خطير ياراعي الهدد راعي كيف ابو ناصر |
أخي الغالي / أبو حمد ..
تسلم والله على هالموضوع شوقتنا والله للطلعه ... أسال الله أن يرزقنا الخير والسيل .. تـسلم يالغالي أخوك/ أبو عبدالعزيز |
رحلة للصدر الأعلى عز الله أنك شرحت صدري الله يوسع صدرك بالإيمان ما قصرت يبو حمد وبارك الله فيك أبو مالك |
تسلم اخي الكريم على هذه الرحلة الممتعة الله يجزاك خير
|
بارك الله فيك يابو حمد والحمد لله على سلامتكم |
وش ذا يابو حمد ؟
ماشاء الله دايما مختلف ومتميز بمواضيعك الجميله ورحلاتك المختلفه وبعدين انا ملاحظ عليك هاليومين منشغل بشي ؟؟ وشو مادري ههههههه الله يسمح دربك قل امين |
اقتباس:
أخوي الغالي طارق شاكر لك المرور والرد وانا من تشرف بردك اي والله الله يغفر لك ووالديك محبك ومغليك ابو حمد . |
يالله حي الطيب ابو حمد... ماشاء الله تبارك الله
رحلة موفقة يابوحمد وعسى ربي يوفقك والحمدلله على السلامة .................. بيض الله وجهك ولاهنت |
اقتباس:
الي تشوفه ابو مشعل انت تفصل وحنا نلبس ههههههه واذا رادك عن الطلعة هالدجاجة جبنا لك حاشي بس تخبر اذا الدعوى طفره فلابد نعنز على بنات الماذن ههههههه يفكن الزنقه مره مره مره الا تعال من شافك الحين قال هذا ماغير مايآكل الا حاشي والا وعل ولا فيل هههههههههههههه خلني ساكت لا أكب العشا هههههه شاكر لك مرورك ابو مشعل وانتظر الموضوع القاادم يبي يسرك بأذن الله |
اقتباس:
تسلم ياغالي وشاكر لك المرور والرد يابعدهم الله يغفر لك ووالديك محبك ابو حمد |
ماشاء الله تبارك الرحمن ياابو حمد طلعه جميييييله في الخلاء الخالي وسبحان الله فيها أماكن جميله جداً الله يحفظها من أيدي العابثين تحياتي |
ابو حمد يعطيك العافيه على هالرحله والصور والصدر المكان الجديد .بس صار لك فتر عسى المانع خير . بشرنا وطمنا ربي يحفظك. |
ماشاء الله تبارك الله
ايه ايام ايام يابو حمد تقول لها سنين سبحان الله الزمن ذا يمشي بسرعه عجيبه الله يحسن خاتمتنا |
اقتباس:
هلا والله وغلا تسلم يالغالي على هالرد الطيب الله يغفر لك ووالديك لاعدمتك يالغلا محبك ومغليك ابو حمد |
اقتباس:
هلا والله وغلا الله يحفظك وين ماوجهت يشهد الله ان لك معزه بالقلب ياغالي الله يديم بينا العز والمعزه شاكر لك هالرد يابعدهم محبك ومغليك ابو حمد اقتباس:
هلا والله بالغالي ابو فهد ياهلا والله ومسهلا تشرفت بردك يابعدهم كلهم الله لايخلينا من الطيبين شرواك شاكر لك الرد يالغالي محبك ومغليك ابو حمد اقتباس:
هلا ومرحبا بمشرفنا الغالي الروعة وجودك معي بالموضوع ياغالي الله لايحرمنا منك ومن ردودك الطيبة وابشر بكل جديد ومفيد للرحلات لاغير محبك ومغليك ابو حمد اعتذر من الأخوة رديت عليهم برد واحد مجموعين به والله ان كلكم تسووون العيون وغلاها بس مانبي نمطط الموضوع على القراء اتمنى قبول العذر ياغالين |
بيض الله وجهك يالراعي الهداد
والله موضوع جميل ومتعه أجمل جزاك الله خير ... |
اقتباس:
وعليكم السلام هلا والله وغلا بابوناصر الأبداع والتميز هو حظورك ياغالي الله يغفر لك ووالديك آمــيـــن محبك ابو حمد اقتباس:
هلا والله بالغالي ابو عبدالعزيز شاكر لك المرور والرد يابعدهم كلهم الله يغفر لك ووالديك محبك ومغليك ابو حمد اقتباس:
هلا والله بالغالي ابو مالك شاكر لك الرد والمتابعه الله يغفر لك ووالديك منك نستفيد ونفيد عقبال مانتقابل في خيمة وحده ياغالي محبك ومغليك ابو حمد |
السلام عليكم رجعت لنا أبو حمد بعد غياب بهذه الرحله الجميله والرائعه جزاك الله خير وسلّمك الله من كل مكروه تقبل تحية محبك |
هلا وغلا اخوي ابو حمد مبطين ماشفناك , عسى المانع خير ان شاء الله والله يعطيك العافيه على الموضوع الرائع جدا ,,,, وخابرك دايم ماشاء الله عليك ,, ماتجيب الا العلوم الزينه .... الله لا يحرمنا من مواضيعك وطلاتك يالغلا,,, تحياتي لك / ابو حمود |
ماشاء الله عليك يا ابوحمد دائما يعجبني أسلوبك في طرحك للمواضيع ماقصرت شرح وافي وصور معبرة يعطيك العافية . بالمناسبة : وين لقيت الطبق دورت في عدة أماكن ولم أجد مثله .
|
اقتباس:
ومن قال سالم ياغالي الله يغفر لك ووالديك شاكر لك المرور والرد الطيب يابعدهم كلهم محبك ومغليك ابو حمد اقتباس:
وفيك بارك يابو زايد الله يسلمك ويغفر لك ووالديك الله يجعلك ماتشوف شر دنيا وآخره شاكر لك هالرد الطيب يابعدهم محبك ابو حمد اقتباس:
الغالي راعي ساموده شاكر لك هالمرور الطيب يابعدهم والمميز حظورك ياغالي اي والله وبعدين لاتكثر اسأله ثم نتورط هههههههه خلها وربك يحلها عسى ربي ييسر كل امر عسير يالغلا محبك ومغليك ابو حمد |
مشكور يابو حمد على هالموضع الشيق والحمدلله على السلامة ، ابا اكلمك على الخاص وتعطيني الاحداثيات وما نيب معلم احد
خلاص تمام ؟؟ |
ما شاء الله تبارك الرحمن
تقرير ولا أروع ورحلة مزينها رجالها دمت بود محبك خوي_الذيب |
ماشاء الله عليك يابو حمد ...
رحلة مباركة الله يسعدكم يارب مثل ماأسعدتنا بهالرحلة المميزة أقول ماودك تصير صديقي عشان نطلع مثل هالطلعات :eek: :eek: :eek: وأنا أقول فاقد أبوحمد .. أثر الهدوء يسبق العاصفة المثل صح تسذا ترى ماادري:D :D الله يبارك فيك وجعل والديك في الجنة ترا مانسامحك إلا بعاصفة من عواصفك القادمة بانتظارك .....سلام.... |
اقتباس:
هلا والله وغلا شاكر لك المرور والرد يابعدهم كلهم الله يغفر لك ووالديك محبك ابو حمد اقتباس:
هلا والله بالغالي ابو عبدالله شاكر لك الرد يابعدهم واشكرك لك مساعدتي في أخراج الموضوع لاهنت يالغلا محبك ابو حمد اقتباس:
هلا والله بالغالي ذيب العرمه ابد والله مابه مانع بس اللهم اشغيلات وخلصنا منها يالله لك الحمد شاكر لك السؤال والمتابعه الله يغفر لك ووالديك محبك ابو حمد |
الله يعطيك العافية ياراعي الهدد
رحلة ممتعة شوقتني |
السلام عليكم اخوى ابو حمد اسال الله اللذي احبك فيه ان يحفظك من كل مكروه وان يغفرلك ولوالديك وللمسلمين والمسلمات وان يجعلك ذخرا وان لا يحرمنا متابعة مواضيعك الشيقه اما بعد.
بالنسبه للاثر اللي في الغار احسبه والله اعلم انه اثر قط بري وكانه اثر قاطر مويه من سقف الغار.. الاثر الثاني او بقايا الدمن فالله العالم انه اثر وعل وصغيره معه وارد الما ودمن الابل يختلف عن هذا والله اعلم ويسعدني المرور والتعليق علي مواضيعك المميزه.واسال الله بكل اسم هو له بان يرزقنا بالغيث وان يحفظلك لمن تحب .. |
ماشاء الله وعليكم السلام ورحمة الله وبركاته أخونا الغالي أبوحمد بارك الله فيك وجزاك الله خير الجزاء على هذا المجهود الطيب حقيقة تقرير وصور وموضوع وصاحب الموضوع أكثر من رائع..ماشاء الله و هالمره الكفشات كثيرة ..! :eek: ألللللللللللللللللللللف شكر يالغالي اسأل الله لك التوفيق والنجاح..ولجميع المسلمين تقبل مني خالص الود والتقدير والمحبة أخوك ومحبك في الله عبدالله |
أبو حمد الله يعطيك العافيه و عز الله أنك سعد الرفيق. |
ماشاء الله الله يعيطك الصحة والعافية ياابوحمد على هالتقرير الرائع والصور الجميلة والله يهنيكم ويوسع صدوركم بالعافية تقبل مني كل الشكر والتقدير |
اخوي ابو حمد مشكور وعقبال الطالعه الثانيه ونشاء الله المرة الثانية لاتنسان معك بس اشارة ومعك
|
حياك الله أخي الغالي راعي الهدد(ابوحمد) وين الغيبات يالحبيب افتقدتك ويعلم الله اني في شوقك لك وعلومك والحمد لله طمنتني عليك بها الرحلة الشيقة والجميلة ولي عودة اخوك ابوعبدالله قناص على قده |
ما شاء الله طرح جميل جداً وممتع
الله يهنيكم بارك الله فيك |
مشكور اخي الفاضل راعي الهدد
كالعادة طرح رائع وصور جميلة وجهد مبذول في اخراج هذه المادة . أخي الفاضل راعي الهدد نحن بشوق لطرحك فكلنا حماس لما تخطه بيراعك وما تلتقطه بعدستك. بارك الله فيك. |
مشكور يابو حمد
ويكفي هذا المنظر لو ماتشوف إلا هو لكفى http://www.alrahlat.com/vb/uploaded/199_1196196386.jpg ولا ننسى الوجيه الطيبة وهل فعلا بعت الجيب وش معك من سيارة ههههههههههههههه وماهو عشاكم البارح ههههههههههه |
بسم الله الرحمن الرحيم يامال العافيه يابوحمد ... مبدع كعادتك في طرح مواضيعك ... شكله كان برد عليكم الفجر ... أشوف بالمحطه الهندي لابس كوت أبو قبّوع ... والسياره فيها مشلح على المرتبة ... رحله رائعه جداً جداً ... الله لايهينك ... ملاحظة : الأثر اللي لقيتوه أثر غراب الله يكرمك ... مشكور وماقصرت ... وننتظر المزيد ... من كل جديد ... ,,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,, |
اقتباس:
هلا والله ملالالالالالايين بابو غلا هلا بك هلا شاكر لك هالرد الطيب الله يغفر لك ووالديك والله يكفينا شر هالزمن ونخوك محبك ومغليك ابو حمد اقتباس:
اقتباس:
الغالي والحبيب ابو عزيز شاكر لك الرد يابعدهم الله يغفر لك ووالديك ياعزوتي محبك ابو حمد اقتباس:
الغالي ابو محمد وعليكم السلام ورحمة الله وبركاته شاكر لك الرد يابعدهم وتراك غالي وابي اشوفك هنا دايم ولاقصور بالربع كلهم محبك ابو حمد اقتباس:
ابو حمود ياغالي شاكر لك الرد والسؤال عني لاعدمتك ياعزوتي الله يغفر لك ووالديك ابد ونخوك ترتيب اوراق وملفات ومستندات او استراحة محارب هههههههه الله يغفر لك يالغلا محبك ابو حمد |
لا تعليق من هالواقع وقفت انبهار من هالموضوع سلمت يمينكـ |
اقتباس:
هلا بك ياغالي شاكر لك المرور والرد يابعدهم كلهم الله يغفر لك ووالديك اقتباس:
الله يسلمك يالغلا والموقع مانيب معطيك احداثياته ولاتفكر ههههههه بس ابي خوتك ياغالي على الباب الأيمن وانت الأمير بس نبيك تعطينا وجه ممكن ... ؟؟؟ ههههههه الله ييسر الأمور وتبي تشقق ابو احمد فلة ووناسة محبك ابو حمد |
كعادتك ماتختار الا الاماكن الجيده والمميزه الله يحفظك
|
اقتباس:
هلا بالغالي خوي الذيب هلا بك والله ومية هلا شاكر لك الرد يابعدهم الله يغفر لك ووالديك محبك ابو حمد اقتباس:
هلا والله وغلا ياهلابك يالغلا شاكر لك هالرد الطيب الله يغفر لك ووالديك ونتشرف والله بخوتك ورفقتك يابعدهم وهالهدوء غصب عني والحمدلله هذا انا بين ايديك وابشر بكل مايسرك موضوع قادم سيطرح يوم الأثنين بأذن الله يسرك تقبل محبتي وتقديري يالغلا اقتباس:
هلا والله ابو يزيد شاكر لك المرور والرد يابعدهم الله يغفر لك ووالديك لاعدمتك يالغلا |
ماشاء الله ولله رحلة طيبة الله يحفظ لكم الصحة والدين
|
| الساعة الآن 01:17 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir