|
الثلوج في شمال المملكه .... صور ......... أبو شعلان ...
بسم الله الرحمن الرحيم البارح سيّرت على خالي وأخذنا وعطينا بالسواليف ... ومير يدخل يده بمخباته بحركه يابانية سريعة ... وأنا أقحص بمحلي وقلت بصوت مرتفع والله إني ماسوت شي ياخال قال : خير إن شاءالله عسى ماشر وش جاك قلت : أبد أحسبك بتطلع مسدس من مخباك >>>> :smailes12: مايزبن أبد :smailes26: ... عاد يوم طلع يده ولاه جوال عاد أنا جلست وقلت شكله جاك صور زينه ياخال قال : شف وش أرسلولي ربعي أهل الشمال عاد يوم إني شفت الصور قلت أشوفهن بلحالي ... لا والله شينه وربعي بمنتدى الرحلات ماشافوهن ... قال بعدي عاد أرسلتهن لجوالي وبعدين نقلتهن لكم هاكم إياهن وتمقلوهن زين ... وإحمدوا الله على هالبرد اللي عندكم ... هذه الصور على الحدود السعودية العراقية وإلتقطت يوم الجمعة 11 / 12 / 1428هـــ الله يلطف بحالهم شكل البرد قاسي بالحيل ... أتمنى أن تجوز لكم الصور ,,,,,,,,,,,,,,,,,,,, تحياتي ,,,,,,,,,,,,,,,,,,,, |
متأكد يابوشعلان ؟؟؟ ترى هالأيام فيه مسدسات على شكل جوالات الله ستر ... بس خالك يعزك واجد هههههههه أثره البرد جاينا من العراق وأنا من أول على بالى من الأردن وسوريا |
يالله سترك االشاص اختفى
ما قصرت يبو شعلان والله يرزقنا بالخير |
الغالي ،،، أبوشعلان ،،، بارك الله فيك وجزاك الله خير الله يلطف بحالهم تلوج وبرد ...هذا وحنا نقول الرياض برد ...:confused: الله يعينهم ويعين الأخوان المسلمين في العراق وفلسطين .. أللللللللف شكر يالغالي تقبل مني خالص الود والتقدير والمحبة أخوك ومحبك في الله عبداللخ |
أبو شعلان.. هلا وغلا
وما شاء الله تبارك الله ثلوج ثلوج.. وأنا أطالع الصور أنتفض من البرودة وما أقول إلا يا رب سترك أبو شعلان.. ما قصرت والله يعطيك العافيه أخوك.. أبو فهد.. |
أخوي الغالي / أبو شعلان ::::: يارب ســـترك يارب .. الله المستعان ,,,,,,,,,,,,,,,,,,,,,,,, يابو شعلان ...... هذا البرد أكيد في السعوديه ..........؟؟؟؟!!!! وحنا جانا شوية برد .... وتناقزنا لم الدفايات وشبينا الحطب...............:confused: الله يستر عليهم .... وسلم على خالك الله يخليه لك .... ووصله السلام وحب خشمه .... وقله وش رايك نعينك مراسل للرحلات بالشمال ...........:Taj43: ؟؟؟ جزاك الله خير يالغالي .... ومثل ما قال أخوي ع.ف.الدرويش ...... وأنا أقرى الموضوع ..((((( زكـــــمت ...))))) أخوك/ قناص الحبارى |
ماشاء الله
الله يلطف بنا بس مشكور اخي والله يعطيك العافيه |
الله يلطف بالعباد
صور تجيب البرد زيادة يعطيك العافية يابوشعلان |
وعليكم السلام ورحمة الله وبركاته
جزاك الله خير اخي الكريم ابوشعلان نسأل الله ان ينجينا من زمهرير جهنم والله يعينهم على البرد كل الشكر والتقدير دمت في حفظ الله ورعياته |
سبحان الخالق
كنك بالقطب الشمالي ليلة السبت كنا بالنفود الكبير وسجلت درجات الحرارة درجة قياسية ( ست درجات تحت الصفر) مشكور اخي ابو شعلان ... وبارك الله فيك. |
أبو شعلان
بردنا بالحيل!!! وحنا نشوف الصور كيف اللي هناك بس باين ان ما فيه بررررررررررررد لأن الرجال مستانس وهو يسوي دب الثلج :) واللي اعرفه والله أعلم إنه إذا نزل الثلج هذا الخفيف يكون وقتها مافيه برد ولا انا غلطان ؟:) :)صور جميله:) :) تشكر عليها :) :) وفقك الله لما يحب ويرضى:) |
ماشاء الله تبارك الله وش ذا الزين يا ابوشعلان صور تبرد القلب والله يلطف بالضعوف هناك ولكن صورة ابو شنب شيء ثاااااااااني ماشاء الله وسلمني على خالك تكفى |
السلام عليكم
هلا ابو شعلان اول ماشفت الصور جتني رعشة وحسيت بالبرد يالله إنك تستر علينا وترحمنا برحمك ياارحم الراحمين ياحبيلك يابو شعلان شكراً على البرد قصدي الصور. راعي كيف ابو ناصر |
مشكور يابو شعلان
والله يعينهم على البرد تحياتي |
الله يطلف في العباد هذا البرد الله يكفينا شرة وكل مسلم.....
|
اقتباس:
هلا والله بالكبير أبو إسماعيل ... حياك لله يالغالي ... لا لا ماعليك يابو إسماعيل هذا خالي وأن أضمنه بإذن الله بس تعرف بعض الأيام الشيطان حريص :1aa: ... والمعزة بيننا متبادله ... هذي الثلوج في الحدود مع العراق في منطقة إسمها ( لاهه ) ... مشكور يابو إسماعيل على مرورك وتعليقك يابعدي ... اقتباس:
هلابك يابو سعد ... وبس ماهمّك إلا الشاص :smailes26: ... بس ماعليك ترى هالثلوج تنفع الارض وتنبت العشب بإذن الله ... مشور يابعدي على مرورك ... اقتباس:
حي الله أبو محمد ... نعم عزالله إن كان هالثلوج معها برد قوي إنهم في حال يرثى لها ... ولكن سمعت إن هالنوع من الثلوج فيها نوع من الدفئ والله أعلم ... لكن الله يعينهم ... مشكور وماقصرت يابعدي ... ,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,, |
اقتباس:
الغالي أبو فهد ... غايب لك فتره عن المنتدى ... الحمد لله على السلامه ... هههههههههه أجل تنتفض ... ;) طق المكيف على الحار وتابع الموضوع ... مشكور وماقصرت يالغالي اقتباس:
هلا وغلا يابو عبدالعزيز ... هذا ماهوب برد هذا ثلج ههههههههههه;) صحيح يابوعبدالعزيز ... مع الحدود العراقية ... صدقني الربع اللي هناك من يضحكون علينا على هاللبس اللي نلبسه عندنا ... بيض الله وجهك يوصل السلام وحبة الخشم بإذن الله ... وأبخليه يتابع معهم وأبشر بالصور إن أرسلو شي ... أجل زكّمت ... شكلي تسببت عليكم بالموضوع ... هههههههه ... :smailes44: مرورك أسعدني يابو عبد العزيز ... اقتباس:
حياك الله أخوي فيصل ... وشلون تجتمع (( ماشاءالله ... والله يلطف بنا )) هههههههه :smailes44: الله يلطف بنا جميعاً ... ويستر علينا وعليهم من هالبرد ... لاهنت ومشكور على مرورك يالغالي ... اقتباس:
هلا وغلا أختي فارسه ... الله يجيب البر إن شاءالله ... نبي نحس بالشتاء اللي عليه الكلام ... مشكور أختي على مرورك وتعليقك ... ,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,, |
الغالي ابو شعلان كل الشكر على هذا الموضوع انا بردان خلقه وشفت هالصور كل الشكر لك يالغالي اخوك |
| الساعة الآن 09:30 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir