|
الحــلـيـم بــوفــهــد مثـل نـــار الفتيل = يحــتـرق لحظات (وينفـجــر) مسرعه ((((نوماس سدير ))))
السلام عليكم ورحمة الله وبركاته مسيتم بالخير جميعاً هذه قصيدة لا اخفيكم انا مشاعرها حية الآن لكن الحمدلله على كل حال وخسارة الرجال ياكودها بعد هالعمر لكن لعل الله يعوضنا خير ويحسن لنا وله بســألك يــوم رمـيت علي الحمل الثقيل ليـــه ضيقت الحــال بعـد ماكانت سعه؟ المشكــلـة إنـــك مــنـت علــينا دخــيل وإن ضــاقــت الابــواب فـتحــنا أربعه ليـــه هالسوات فيني وانت أقرب خليل كل هالســنيـن بالسهـوله منك تقطعه ؟ صبـرت لجلكــ والله وانا ما فيني حيل عجزت اسايـــر رضاك وهواك اشبعه الحــلـيـم بــوفــهــد مثـل نـــار الفتيل يحــتـرق لحظات (وينفـجــر) مسرعه حـاولـت أقنعـــك ولكـــ دورت الجميل مــن الكــــلام الطــيب لـجـــل تسمعه لـكـن خســـارة هـــذا نتـــاج الحصيل ما نبـــي زرع هبــوب الشمال تشلعه ظـروف أجــبـرتني وأنا مانــي ملـيل مجامل النــاس (غلطة) وعلي أدفعه قـــواك يا من كنت لي أقـــرب خليل هـــذي مساقيـك وعليك اليوم تجرعه يا خسـارة علوم الرجال سواليف ليل نور الصبـح يا حيف بالسهولة تقطعه لا تهتــم بـي وعـدني إن_بغيت هبيل هــــذي عمـايــلك اليـــوم لآبــد تدفعه خــذ راحـــتك بالدنيــا ودور لك بديل يمــكـن تلاقــي مـــن بهـــواك تقـنعه والحين يوم رميت علي الحمل الثقيل ليــه ضـيقـت الحال بعد ماكانت سعه سلامتكم ابوخالد نوماس سدير |
صح لسانك يا ابو خالد والله يكون بعونك ويعوضك بخير |
حياك الله يا ابو خالد
وصح لسانك على هذه القصيدة الرائعة اسجل اعجابي بما قرأت مع تأكيد متابعتي للقادم من ابداعك حفظك الله ورعاك |
صح لسانك اخووي ابو خالد مبدع في كافة المجالات |
صح لسانك يا ابو خالد والله يعوضك مع ان خسارة الصاحب صعبة
|
وعليكم السلام ورحمة الله وبركاته الغالي أبوخالد قصيدة محزنة والله يعوضك ولاشك في هذا الزمان قليل من يجد الصاحب المخلص شكراً لك ياملك الإبداع خالص الود والتقدير والمحبة أخوكــــ عبدالله |
هذي الدنيا وأنا أخوك .. ماهيب تديم لأحد، والخسايرفيها كثار .. لكن الله يهني من يسر الله له خوي(ن) يعزه ويصدقه .. وهي رزق من الله لكن ( أفعل السبب ) ولا أنسى (( صح لسانك يالغالي )) |
ماأجمل بوحك وماأصدقه وماأبلغ وصفك ..
تكاد تصور أحاسيس داخل كلاً منا في لحظةً ما من عمر الزمن .. والله يعوضك خير إن شاء الله..ومع التحية.. |
اقتباس:
صح بدنك يالغالي ايكوم ولا هنت اللهم آمين وانا اشهد إن خسارة الرجال اهون من صدمة في ساس الخوي اللي ما بان إلا بعد ما أخذ نصيبه في قلبك كلي شكر وتقدير لى تعقيبك الطيب يالغالي ابوخالد نوماس سدير |
اقتباس:
صح بدنك يالغالي ولا هنت وشهادة عز اعتز بها من هم مثلك وشرواك عزيزي وترقبك مصدر حماس لطرح ماهو لآئق لذائقتكم الشعرية ولا انسى عزيزي سليمان المطرودي انت ممن قال في موضوعه الشيق ( صدفة خير من الف ميعاد ) علما بان هوايتي الكشتات ، والشعر وستكون مشاركاتي معكم بأذن الله في قسم الرحلات ،وفي قسم الشعر روائعك الشعرية لازلنا ننتظرها بكل شوق فلا تحرمنا عزيزي منها ابوخالد نوماس سدير |
اقتباس:
هلا والله وغلا بخفيف الظل صح بدنك يالغالي ولا هنت هلابك يالمحمل ولإبداع منك وفيك يالغالي تسلم ع التعقيب الطيب ابوخالد |
اقتباس:
صح بدنك يالغالي ولا هنت اللهم آمين والله يجزاك خير ومرات تقول الحمدلله إنك عرفت معدنة وانت توك شباب وشلون لو طالت بنا السنين أكثر لذلك عسى الله يطيب ساسنا ولا يجي منا قصور ع الغير وبالباقي يهون لا هنت ابوخالد |
اقتباس:
هلا والله وغلا بالغالي ابواحمد يالله حي ذا الوجه اللهم آمين والله يجزاك خير صدقت يالغالي والحمدلله إن طاح ما طاح غير غصن من غصونه لا هنت ع الإطراء الذي لا استحقه ابوخالد |
اقتباس:
صح بدنك يالغالي ولا هنت هلابك اخوي برق صدقت والحمدلله الخير واجد ولكن مصيبة إذا املت بواحد أمل مهب فيه الحمدلله على كل حال ولا هنت يالغالي ابوخالد |
اقتباس:
اللهم آمين والله يجزاك خير هلابك يالحاتمي والحمدلله إنها نالت رضاكم واستحسانكم عسى الله يسمع منك دمت بود ابوخالد |
ارضى الله عنك والديك نوماس سدير
والناس اللي طينتها نكران الجميل مالك الا انك ترمي من فعلك للخير في البحر صح لسانك ياطويل العمر تحياتي الطير المهاجر |
| الساعة الآن 07:17 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir