|
صور من رحلاتي
بسم الله الرحمن الرحيم بعد ان ذهب الشتاء والربيع والطلعات الزينه الواحد يبدا يقلب الذكريات الجميله من خوة الرجال شرواكم او مناظر واجواء ربيعيه خلابه انا حبيت اشارككم في بعض الصور من اخر الرحلات اتمنى ان تحوز على رضاكم واستحسانكم (وتراني غشيم تصوير اول مره اشيل كاميرا...سامحونا على التقصير) ومانستغني عن التوجيه وهذا اخونا الجارمن يتجول في شعيب الترباعه وايضاً في فيضة سمينها (المتشابكه) وهي من اغرب الفياض حيث انها محميه طبيعيه من السيارات لايمكن ان تدخل في السيارة http://www.alrahlat.com/vb/uploaded/69_1179388465.jpg وهذا الغالي ابو فراس بعد ما القى نظرة على المتشابكه وهنا وصلنا الى الفيضه المقصوده بعد ما مدحها لنا شايب الصمان وابو ناصر وكانت فعلاً من اجمل واهداء الفياض وهذا العمده يرتاح من عناء الطريق والاخ البار (الجارمن) يبداء في اشعال النار وانزال (عزبتة) وعمل الشاهي والقهوة والبابونج للغالي بس عشان يرتاح ويستانس <img alt="" /> وهذا جانب اخر من الفيضه اما هذه الصورة المعبرة فهي تعبر عن نفسها وهذا جزء من العزبة التي انهت اسطورت بعض العزب اللى اكل عليها الزمن وشرب.... وهذا المطازيز مع بعض الطرائد اصبحنا واصبح الملك لله .. وهذاك ابو فراس على جلسته من البارح:D الغالي ابو فراس في لحظة تأمل http://www.alrahlat.com/vb/uploaded/69_1179390071.jpg وهذه لحظة تنكيد من العمده للجارمن بعد ماسوا له الشاهي والقهوه وقبل راسه وذهب للتصفيره شوي لكن مانفع على اجر ان شاالله يابو نواف وهذي نظرة من فوق للفيضه وهذولاك جيراننا ماوصلو الا الساعه 12 ليلا طبعاً سير عليهم العمدة وانا بمعيته للأطمانان عليهم واعطائهم المعلوم وانا اتمشى الصبح لقيت بعض الفقع http://www.alrahlat.com/vb/uploaded/69_1179390633.jpg صغار صح بس يوسعن الصدر وبعد ان افطرنا وتقهوينا ولله الحمد اتجهنا للاخوه في موقع اخر بس لامانع من شربت حليب خلفات http://www.alrahlat.com/vb/uploaded/69_1179390871.jpg وهنا وصلنا الى الربع بعد رحلة ممتعه حوالي الظهر ويظهر في الصوره هارون الرشيد.... قصدي ابوفراس وبعض زملائه الشباب الله يبيض وجيههم http://www.alrahlat.com/vb/uploaded/69_1179391121.jpg وفي لحظة الغروب هذا الجارمن والتلقيمه يتجاذبان اطراف الحديث وهنا تبداء مرحلة جديده لم نرا لها مثيل الا وهي كرم شايب الصمان وزملائه والصورة خير برهان وهذه اشرقت يوم جديد العزيز ابو عبدالله جاي يطمأن علينا في الصباح الباكر ويشوف ناقصنا شي الله يجزاك خير يابو عبدالله يتبع |
بسم الله الحمن الرحيم نتابع بعض الصور هذولا الاعزاء ابو فراس وابوعبدالله في انتظار ابو نواف يعمل لهم الفطور :D http://www.alrahlat.com/vb/uploaded/69_1179402569.jpg ابو فراس يلقي بعض التعليمات واضح ان ابو عبدالله مستمع جيد وابو مساعد ماقصر حكر براد شاهي يحبه قلبك في هالفيضه اللي ترد الروح http://www.alrahlat.com/vb/uploaded/69_1179402768.jpg وهذي مزرعة بابونج ماشاالله http://www.alrahlat.com/vb/uploaded/69_1179402930.jpg حل الفراق ولحظة التوديع واللقاء قريب ان شاالله http://www.alrahlat.com/vb/uploaded/69_1179403048.jpg وختاماً هذي صورة العمدة وهو يحاول ان يلتقط صوره وربي يستر من الصور اللي عنده :D http://www.alrahlat.com/vb/uploaded/69_1179403635.jpg وسامحونا على الاطاله او على القصور وفالنا وفالكم التوفيق |
الله ابو صقر على هذه الصور وعلى هذا الابداع
لكن لي بعض التحفظ على بعض الصور ، ماودي انك منزل صور لبعض ادوات عزبتي لان مسألة تزيل صور للعزبة ونشرها اعلاميا معارض لمبادئي البرية لان العزبة المثالية تظهر عمليأ وليس اعلامياً لكن تظل وجهة نظر وعلى طاري العزبة ما شوف شي بالصور يخص عزبة ابو فراس اكيد عزبته عفى عليها والزمن وصارت غير مناسبة للطلعات البرية |
الغالى أبوصقر يازينها من رحلة تبدو الآن مثل خيال الأحلام الله يعيد على المسلمين أيام الربيع سنين وسنين الله يسعدك ويمتعك فى طاعته مع الصحبة الطيبة تكفى يابوصقر زودنا صور من رحلاتك أما تصويرك ماشاء الله تبارك الله ما عليه كلام |
ابو صقر
السلام عليكم امتعتنا بهذه الصور الجميلة وتستاهلون ما لقيتوا من بسطه وفلة حجاج |
اولا صورك رائعة جداً وماشاء الله عليك ... والحقيقة ان الصور متعوب عليها ، زوايا التصوير رائعة جداً .
ثانياً بالنسبة لـ هارون الرشيد ههههههههههههههه حلوة هذي يابو صقر. انا اشوف انك متعصب لعزبة وشلة الجارمن ... ... بس ترا الراي العام مع ابو فراس ... ثالثاً التعليق اللي على الصور أكثر من رائع وهذا من أجمل الأشياء التي رأيتها في الموضوع. رابعاً جزاك الله خير وبارك الله فيك. |
بسم الله الرحمن الرحيم اهلين بخوي الجارمن ادري انك ماتحب الاعلام بس الشمس ماتنحجب بمنخل :D اسعدني مرورك العزيز ابو اسماعيل اشكر مرورك واضافتك ويارب يعيد علينا ايام الربيع اخوي براري الجنوب ربي يسعد ايامك والسامعين مشكور وماقصرت الغالي صقر اولاً شكرا ربي يوفقك ثانياً انا تراني احب ابو فراس لحد الثماله بس مايمنعني عن قولة الحق:) ثالثاً والله اني كنت متخوف من بعض التعليقات لايكون فيهم بعض (الملاغه) ربعاً وانت كذالك وجميع المسلمين ردودكم تدفعنا لتقديم كل ما نملك لأرضائكم شـــــــــــكراً |
ابو صــــــــــــــــــــــــــــــقر بيض الله وجهك على هالصور الجميلة والربع الي يرفعون الراس ويشرفون وكان ودي اشوف الصورة الي صورها ابو فراس:cool: الله يسلم اناملك |
ما عندي تعليق
ولكن عندي استفسار يابو صقر هالنجر اللي بتوقيع اخونا الجارمن ابو نواف منهو له http://www.alrahlat.com/vb/uploaded/16_1169735134.jpg مجرد استفسار بسيط ارجو ان لا يمسح الجارمن الصورة من توقيعه ونخسر صورة رائعة من شخص رائع لنجر رائع في منتدى رائع في موضوع رائع وابتل بعد |
ابو صقر اسمحلي أرد بخصوص النجر
ابو فراس النجر له شهور وهو يظهر بالتوقيع توك تذكره هذه الموقف ذكرني بالغريق اللي يدور اي قشة عشان تنقذه |
بسم الله الرحمن الرحيم اهلين بأستاذي راعي اللاند ويبيض وجهك وماعليك زود يالغالي بالنسبة للصور من عمدتنا الغالي صراحه انا متخوف منهن شوي اخاف انه صايدله صيد ولا شي :D واسعدتني بمرورك هلا وغلا بالغالي عمدتنا العزيز ابو فراس تعرفن يابو فراس ماعندي لف ودوران:rolleyes: النجر هذا انا معلق صورته عندي بالمكتب من كثر ماهو عاجبني له الحين حوالي سنتين كني بديت اللف وادور المهم صاحب هذا النجر هو عمنا ابو فراس بس ذاك اليوم الرجال مامعه الا عزبة الجامو والشاهي الاخضر بس هذيك الايام قبل التحرير وهذي صورة النجر مبروزها في المكتب صح انها ماهيب واضحه لاني كنت اجرب الكاميرا بس ولا توقعت انزلها في المنتدى ابد http://www.alrahlat.com/vb/uploaded/69_1179444521.jpg ابو نواف لا تقلق لاتثيرك او تستفزك هالمناوشات (واثق الخطوة يمشي ملك) :cool: :cool: :cool: والسلام عليكم |
يابوصقر الله يجزاك خير على هذه الصور الرائعة ذكرتنا بالبر والجو الزين
|
ايه يابو صقر نسينا نشكرك على هالصور الرائعة وذكريات رائعة في وقت رائع ورفقة رائعة وكلما زادت صارت اروع
المهم يابو نواف عندك نجر بالعزبة ولكن افتخارك بهالنجر خلانا نتجاوز عن نواقص عزبتكم لانه اعتراف بان عزبتكم استعمال مرة وحدة صورة مع التحية لخشم الحصان وشايب الصمان |
هلا وسهلا أبوصقر والله يعيد الايام الجميله علينا جميعا
أبوصقر ( رب أخا لم تلده أمك ) والحمدلله هذا ماوجدته منكم وتستاهلون أكثر . بس تصدق دائما العمده مستهدف من الجميع الله يخليه لنا عمده http://www.alrahlat.com/vb/uploaded/69_1179402768.jpg تقل به نغزه ياأبوصقر الصراحه أني مستمع جيد :D والدليل ملقيه ظهري من شدة الاستماع . http://www.alrahlat.com/vb/uploaded/69_1179402569.jpg ودي أسئل سؤال شناط العزب اللي باينه وراي لمن ؟ وعندي ملاحظه ودي أعرف السبب ليه عزبة العمده ماتنزل من موتره الا الاباريق أو أذا بغى يشخص علينا نزل الغرض همن رجعه وجاب الثاني وعلى هالمنوال ........... ودي أعرف رأيك أنت والجارمن وخشم الحصان !!!!! ;) أبوصقر نزل الصور اللي ودك ولاتتردد عندي صور نستخدمها وقت الشدائد :rolleyes: . الله يوفقك ويجزاك كل خير ومن هذا المقام نتقدم بالشكر الجزيل لمقام العمده أبوفراس لقبوله وأتاحت الفرصه لمخاواته برحلاته البريه بصحبتكم المشرفه وكذلك الشكر موصول لجميع الاخوان ممن حالفنا الحظ بمرافقتهم برحله بريه ومن لم يحن الوقت لمرافقتهم . وكذلك لمن وجده العمده بالجهاز بالصدفه ( اللي كان يقول معقوله تصدف أنت تلقى خويك بالجهاز بنفس المنطقه ) ترا مهب خشم الحصان أبد |
الله يوسع صدوركم بالعفو والعافية00 جزيتم خير00 رحلة رائعة وصور أروع 00 وياليت إذا تيسر إحداثي الفيضة المقصودة أقول00 إذا تيسر مع العلم إني أعرف بأنها قد تختلف من سنة لأخرى 00 فعلآ أحس إنكم في هاالمنتدى أسرة واحدة00 الله يتمم عليكم ويبعد عنكم شياطين الإنس قبل الجن لأن الجن مقدور عليها بإذن الله00 . |
| الساعة الآن 05:08 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir