![]() |
عصا القير للهايلوكس من 2006 وفوق
بسم الله الرحمن الرحيم
السلام عليكم ورحمة الله وبركاته يا اخوان انا حصل لي مشكلة بسيطة في موتري هايلوكس 2006 اذا مشيت فوق 120 تبدا عصا القير تقرقع وصراحة اازعجتني ولازم احط يدي على القير علشان افتك من القرقعة والازعاج واوديها لمكانيكي سعودي وقال جب اصلاح العصا ونشوف وجبت الاصلاح بثلاثين ريال ولا فاد وقال علشان تضبط يمكن تجيب عصا من التشاليح لانها ما تباع في الوكالة عاد التشاليح قاموا يتظربون اللي يقول بخمسمية واللي يقول بثلاث بس فيها فضاوة قلت انا منحاش من الفضاوة وتبيني اعطيك ثلاث مية مالكم بالطويلة قال المكانيكي اباخرط العصا وانت شف والله وخرطها وخفت القرقعة بنسبة 50% والظاهر اني لازم ادور عصا قير نظيفة وسلامتكم |
أخي عايش كل عام وانت بخير الصراحة والله لو ماقلت إن هالسالفة صارت معاك يمكن ماأصدق !!!! لأن هذي المشكلة كانت في الهايلوكس موديل 1981 م وموديل 1982 م ويومها كانت السيارات طبلونها 150 كيلو متر بالساعة وكانت عصا القير تهتز وتطلع صوت بعد سرعة 120 كم ولو واصلت السرعة تطلع العصا من النمرة الرابعة إلى الفاضي (( يعني السيارة تكون فاضية وهي بهذة السرعة )) ولازم ترجع العصا للرابع بعد ماتهديء السرعة ولكن لم نبحث لها حل سوى إنك ماتسرع أكثر من 110 كم طبعاً كانت قيمة الوانيت اللي إشتريناه (( 15 ألف ريال تقسيط .. كل شهر ألف ريال بدأ ً من الشهر القادم )) بس موديل 2006 م الصراحة فية عيب كبير وتويوتا مازالت تكابر |
اقتباس:
قبل تسوي اي شي تاكد من التالي 1 خابور العصا يمكن يصير متآكل 2 فتحة الخابور يمكن تصير متوسعه 3 التشييك على كرسي القير والطريقه دوس للسياره والقيرفاضي وانت واقف فان كان هناك اهتزاز ملحوض فالمشكله في ربلة كرسي القير تحياتي |
والله ياخوي كل اللي اقدر اقوله لنك لو تعرف واحد سعودي عنده خبره وتعرضها عليه ترا افضل من العمال اللي بالورش تراهم منشار
|
والله يا خوك أنا كان عندي نفس المشكلة حيث أني شتريت هلي 2006 قبل ستة أشهر وأول ما جربتها طلعت عندي المشكلة هاذي رحت لكراج وقالي الميكانيكي جيب طقم اطلاح عطاة القير ولكن طلعة المشكلة مهو منه طلعت من العصاة نفسها ماكوله من الداخل وديتها للحام لحمها بدينارين وراحت المشكلة والصوت |
اظن الشباب افادوك والصدق ماقد مرت علي ولكن من كلام الشباب وشغل المخرطة يتبين ان المشكلة بالعصا والله اعلم
ابوخالد |
بسم الله الرحمن الرحيم
اشكر جميع الاخوان وبارك الله فيكم شـكــ وبارك الله فيك ـــرا لك ... لك مني أجمل تحية . |
السلام عليكم
وحد من ربعي صارت له المشكله ودقيت عليه تو وقال ان القره عنده من الأول إلى الخامس وغير عصا القير من الوكاله وقيمتها من 200 وفيها (ارخص من التشليح) ويقول لا يركبها إلا عند مبارك في الصناهيه القديمة عشان يظبط الشغل لك والله يعوظ عليك وللعم العصاء تباع في الوكاله واللي قالك ما عنده سالفه او انه ملخبط |
| الساعة الآن 05:04 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir