|
كيف تركب بطارية اضافية لسيارتك
السلام عليكم لا نعرف كيف نشكركم على المجهود الرائع الذي تبذلونه في اثراء المنتدى و جعلة منار للرحالة . اطلعت على موضوع مشرفنا وثيلان "تجهيز الاندكروزر بالصور" وتحمست ان اركب البطارية الاضافية و لكن ودي لو تزيدونا من التفاصيل عشان ما نجيب العيد بدري. نحتاج 1- بطارية اضافية- حجمها؟ 2- سلك بين البطاريتين - ايضا حجمه و قوته ؟ 3- قاعدة للبطارية الاضافية 4- كتاوت و الدايود ؟؟؟؟؟؟؟؟؟؟؟؟؟ هنا نبي تفصيل اكثر لو سمحتوا النوع و الشكل الفائدة طريقة التركيب كيف طريقة توصيل القطع مع بعضها ؟ السؤال الاخير كيف نعمل صندوق فيوزات ونشبك جميع الاجهزه لها ثم للبطارية ؟ اخيرا ياليت الكل يشارك بما عنده ليصبح مرجع للمبتدئين في تركيب البطارية الاضافية وانا اول من يبدأ وشكر |
وعليكم السلام ورحمة الله وبركاته
الغالي تم كتابة اكثر من موضوع في الرحلات بهذا الشان والا خوان بأذن الله لن يقصرو لكن خذ هذا الموضوع هنا وبأذن الله يفيدك اخوك |
مشكور اخوي عبدالكريم شغل بسام مرتب وباين علية شغل متخصصين ما نقدر علية احنا نبي شغل للمبتدئين مثلي |
لو كان الموضوع مزود بصور لكل مرحلة لا هنت على الموضوع،،،
|
وعليكم السلام ورحمة الله وبركاته أخي العزيز لا شكر على واجب ولله الحمد في هذا المنتدى نمتلك كوكبة قويّة من اصحاب الأفكار والإبداعات الجميلة في عموم الشؤون دمت بخير أخوك الصغير / الشيخ قوقل |
اذا تبي الدرب السهل
ففيه قطعه تباع في محلات رفيق الدرب (بالدمام او الرياض) http://www.travelmate.com.sa/images/...219-152808.jpg تشبك بين البطارية الاساسية والاحتياطية مباشرة وهو يتحكم في متى يشحن ومتى يقفل وبقدرة اساسية الى 125 امبير وحد اقصى 150 امبير وفيه مؤشر يبين حالة الجهاز وزر تضغط اذا فضت البطارية الاساسية وتبي تشرك مع الاحتياط والدايود داخله والكتاوت كذلك وسعره 300 ريال بدون تركيب والتركيب عند اول بقاله.... كلها سلك 6AWG (للدينمو 100 امبير) وعازل اسود وتوصل من الموجب للبطارية الاساسية للجهاز ومن الطرف الثاني للجهاز الى موجب البطارية الاحتياطية وسالب الاحتياطية تشبكه بالهيكل بالنسبة لعلبة الفيوزات... فيه علب جاهزة بفيوزاتها كل ماعليك انك تركبها في مكان ما قريب من البطارية..... وتوصل سلك بنفس المقاس المستخدم بين البطاريتين من موجب البطارية الاحتياطية الى قاعدة علبة الفيوزات وتشبك مابدا لك بالنسبة لمقاس الاسلاك ففيه الجدول التالي http://www.powerstream.com/Wire_Size.htm تستخدم Maximum amps for chassis wiring لانه مثل ماقالوا انه خاص للاسلاك اللي تركب بحالها (موب حزمة مثل اسلاك طبلون البيت) |
اخوي مكسيم نبي منك زيادة توضيح عن كيفية تركيب هالقطعة بالصور اعانك الله
|
|
وهذي بالصور لتوضيح الطريقة لمن يطلب بالكتاوت والدايود
http://img191.imageshack.us/img191/3...8ewithcoil.jpg الكتاوت يكون قوته اعلى من قوة الدينمو بالسيارة... واغلب الجيوب ماتزيد عن 120 الا بعض الامريكي توصل 150 امبير فاحتياطا خذ كتاوت 150 امبير الدايود يكون قوته اعلى من قوة البطارية الاضافية ... فاذا اخذت بطارية 80 امبير فخذ دايود 90 او 100 امبير ولاحظ اتجاه الدايود لان عكسه ماراح يوصل ولا امبير وومكن يحترق الدايود اذا كان الدينمو قوي والشكل حق الدايود مرسوم بعد على الدايود نفسه السلك الموجب الصغير الموجود بالكتاوت هذا جاي من سلك السلف وممكن تسحبه من علبة الفيوزات الفيوز حق البطارية الاضافيه اما قبل اصبع الموجب للبطارية الاضافية او مباشرة بعد السلك الطالع من البطارية الاساسية ويكون بحجم فيوز البطارية الاساسي (شف فيوز البطارية الجاي من الدينمو وركب مثله) بالنسبة لعلب الفيوزات ففيه اشكال والوان ... انت طب وتخير http://img109.imageshack.us/img109/9...boxbx2103w.jpg http://img109.imageshack.us/img109/6...boxbx2081w.jpg http://i.ebayimg.com/12/%21BbQPw%21g...1%7E%7E_12.JPG |
شكررررررررررررن لك
|
لك كل الشكر والتقدير
|
طيب الكتاوت ممتاز جيد
|
| الساعة الآن 09:44 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir