|
تعدلوا يأهل القلوب المواليف
السلام عليكم ورحمة الله وبركاته رغبة للغالي اللي طلب هالقصة والقصيدة نقلاً عن الراوي / عبدالكريم شليويح الرمضي . . من بلدة المذنب . . من القصيم وسأروي لكم القصه وبنفس لغته . هذولا اثنين يتمان من بلدة شقراء . . كبروا . . ووصلت اعمارهم قرابة العشرين سنه . . واحد منهم . . هداه الله . . والتزم . . وربا لحيته . . وصار إمام مسجد . . والثاني . . بالنقيض تماما . . سكسك اللحيه . . والربابه بيده . . ومن نفود لنفود . . وراعي قصيد ومهيجن . . وكذلك . . مهاوي بنت خالته . . ويحبه . . على نقاء . . وكان دايم يروح لخالته . . يعرض عليه المساعده . . كله عشان يتقرب للبنت ويشوفه . . المهم . . جاء موسم الحج . . واخونا .. إمام المسجد . . نوى الحج . . وجاء لم اخوه راع الربابه . . وقال . . طلبتك ياخوي . . قال آمر تدلل . . قال انا نويت الحج . . هالسنه . . وابيك تمسك المسجد عن ...!!!! قال ياخوي . . انا مانيب فيد صلاة . . ولا عرف . . انا رجال راعي قصيد . . وربابه . . ومهيجن . . الوكاد الرجال . . الح عليه . . الح عليه . . ووافق اخونا راع الربابه . . جت صلاة الفجر . . يوم صلى الامام . . وانتهت الصلاة . . قال للجماعه . . ياجماعة الخير . . انا نويت امشي اليوم مع الحاجه . . وترى اخوي فلان . . ويأشر عليه بآخر الصف . . يبي يمسك الامامه لين ارجع بالسلامه . . قالوا الجماعه الله يستر عليك . . ويطرح بأخوك البركه . . وهم خابرينه راعي قصيد . . ومطنوخ الرجال . . لكن قالوا مابه فايده . . بدأ الرجال يصلي بالجماعه . . اموره سالكه . بعد ثلاثة أيام . . بنت خالته فقدته . . بدى مايمر عليهم . . على عادته . . وجت حول البيت تنشد عنه . . وقالوا لها الجيران . . ان اخوه راح مع الحاجه . . وهو مسك مكانه في المسجد . . قالت البنت . . مهوب معقول . . مانيب مصدقه . . هذا ماهوب راعي صلاة . . قالوا جاتس العلم . . قالت انا مانيب مصدقه لين اشوف بعيني . . قالوا له . . لاجت صلاة العصر . . روحي وشوفي . . جت العصر .. وهي لابسه هاك الثوب . . وروايح حلوه . . اذن العصر . . وجو الجماعه على العادة . . وجت البنت ومعه ثلاث اربع حريم . . وصارن على يسار الصفوف . . تقدم رفيقنا راع الربابه . . وقال للمطوع (( اقم )) . . اقام المطوع . . التفت على يمناه الامام . . وقال (( استوو )) . . والتفت على يسراه يبي يقول (( اعتدلوا )) . . يوم التفت ويلاه يراعي بنت خاله وهي تشيل اللثام عن وجهه . . وهو يقول :- تعدلوا يأهل القلوب المواليف صيروا ورا القراي خمسة اصفوفي احلف برب(ن) حيزم الغرس بالليف مرجع بصر يعقوب بعد الكفوفي إنتس مناي بلابسات المشانيف والكاذب الله ياعسى مايشوفي الله واكبر .........!!!!!!! وهو يكبر بالجماعه . . ويصلي بهم . . يوم خلص والتفت . . واثره فشل من الجماعه . . قال واحد من الجماعه من كبار السن . . والله ياوليدي يازين صلاتك لك ثالث يوم . . إلا هالحديث اللي قلته بين الاقامه . . وتكبيره الاحرام . . وش هو . . !!! قال هذا ياعم . . (( حديث ضعيف جداجداجدا )) . . ومانيب قايله غير ماقلته وسلامتكم وهنا لحفظ القصيدة http://smanalhrj.org/mlffat/index.ph...etfile&id=1953 |
سلمت يالعمده قصه رائعه سمعتها في جوال احد الزملاء ولم اتمكن من نقلها ملاحظة / ماهو راضي يحمل الملف |
اسف ياجماعة عدلت بالقصيدة وكملت الناقص منها حيث نبهني اليها احد الاحباب
اخوي ابو فهد الرابط يعمل بشكل جيد حاول مرة اخرى او الاستعانة بصديق |
من غير شر على ابو شعلان
كان اعرب ما تحته خط احلف برب(ن) حيزم الغرس مشكور يا بو فراس على هالقصة |
لاهنت يابو فراس البيت الثاني يقول : أحلف بربٍ حيزم الغرس بالليف ** مرجع بصر يعقوب بعد الكفوفي أبو يوسف ... يعني ماشاركت إلى يوم ورد أسمك بالقصيده :1aa: والمقصود بما أشرت أليه هو أن الله سبحانه وتعالى كسى الغرس وحفظه شاكر لك يابو فراس وماقصرت وننتظر جديدك بشوق ,,,,,,,,,,,,,,,,, تيحاتي ,,,,,,,,,,,,,,,,,, |
قصة جميلة تشكر يا عمدتنا والحقيقة ما يلام والله لو هو مطوع وقلبه معه والله ان يقصد وهو ما يدري البنيه ماخذه قلبه لالالالالالالا وبعد حاطه اللثام والروايح الزينه ....... ابو فراس ترى فيه عزووووووووووووبيه هننننننننننا ;);) وناس قريبببببببببببببببه من زواج :thumbup:
|
يعطيك العافية على التوثيق والنقل
تقبل مروري |
سلمت يا ابو فراس تم التحميل ..... :thumbup: بعد الإستعانه بالله نغزه / النهار ابو عينين |
حياك الله يالعمدة
الله اكبر زين انه قدر يضبط صلاته العوني الله يرحمه مرت من عندهم وحده وهو يصلي باثنين من ربعه وكان رافع من الركوع يوم مرت واستمر واقف ، وينتظرونه يسجد ما فيه فايدة ، اخر شيء تذكر وسجد بس عقب ما اختفت عن نظره اللي مرت يوم سلم والتفت على الجماعة قالو له : علامك ؟ قال : قالو علامك قلت يا ناس ناسي .................. ازريت اميز ما ظهر من بالقيس من شوفتي للي بخده لعاسي ................. اذهلت روحي وابتلتني هواجيس ان جت تمدرا كن فيها نعاسي ................. اركت على قلب المشقى محاميس تقض مجدول ٍ نويش اللباسي ................ يشبه غدير ٍ جاه بعض النسانيس استمتعنا بقراءة هذه القصة الشيقة يا ابو فراس هذا الشطر يحتاج مراجعة : اقتباس:
ولك مني وافر الشكر والتقدير حفظك الله ورعاك |
مشكور يابو فراس
حركت الشعر والشعراء بهالمشاركة والشكر موصول لجميع الأعضاء المشاركين. بارك الله فيكم. |
الله يهديها كان صبرت حتى يخلص الصلاة، لكن يقولون الحب أعمى، حتى الشايب سرح مع القصيد، قصه وقصيده رائعه يابو فراس، رعاك الله. |
تسلم يالغالي
والله ان لي فتره ادورها مقطع سلمت يالذيب بس انا سمعتها وفيه اختلاف في الابيات تعدلو ياهل القلوب المواليف *** صفو ورى القراي خمسه صفوفي احلف بربن يعلم السر والغيب *** انتس مناي ورغبتي واشتياقي |
السلام عليكم ورحمة الله وبركاته . .
كيف حالك يا عمدتنا . . . و الله القصة و القصيدة لها وضع خاص . . الحب الأعمى يفعل الآعاجيب ، و لا يمكن احداً بالعالم أن يسيطر على مشاعره إذا كانت متوافقه مع الحب الذي طغى على قلبه . . . مشكور يا أبو فراس على طرحك . أخوك الصغير / أبو تالا |
| الساعة الآن 03:36 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir