منتديات الرحلات

منتديات الرحلات (http://www.alrahlat.com/vb/index.php)
-   رحلات الصيد (http://www.alrahlat.com/vb/forumdisplay.php?f=15)
-   -   مقناص رقم 2 خروب xخروب 12-12-1431 مجموعة ترفع)( (http://www.alrahlat.com/vb/showthread.php?t=16284)

المترو 25-11-10 03:59 PM

مقناص رقم 2 خروب xخروب 12-12-1431 مجموعة ترفع)(
 
السلام عليكم ورحمة الله وبركاته ومساء الخير جميعا

وكل عام وانتم بخير ومن العايدين جميعا
وكما وعدتكم سابقا بلقاء قادم بعد مقناص قبل العيد وسبع الحباري (مجموعة ترفع ) بقيادة امير العدل والمساواة ابوصالح الله يحفظه ويعطيه الصحه والعافية وبقية الربع من (مجموعة ترفع)

وها هو المقناص الثاني بعد العيد مع (مجموعة ترفعوا) واميرنا بالمقانيص
1- الغالي ابوصالح
2-ابوفارس اللي بغا يقضي علي ولكن سلمت ولله الحمد تعرفون الله يحفضكم انتبهو تركبون مع راعي طير اذا هد طيره قسم بالله انه مايطالع وش بالارض عيونه بالسماء وهاذي شجرة يقشها وهاذي حصاة كبر الكفر يتوطاها وهذا جرف يطمره عشرة متر بالهواء والوكاد اني يوم وصلت لموقع طرحت الحبارى الا وانا دايخ وفاقد الذاكره مؤقتا
حتى طالعو صورتي وشلون وجهي تقل ان الطير مهدود علي ماهو على خرب
3-وطبعا ابو سعيد ابوقـــ...............كما وصفه احدهم سابقا الله يحفظه
4-ابو محسن هذا الله يسلمكم سم حمربقص جرة الحبارى مظهرها مظهرها الله لايعوق بشر ماشالله عليه طايره تمشي بقاع بصفا تركض تطير
يشوف المطير وماشالله عليه يمشي الى ان يوقف على مطبها كأنه اريل توجيهي ومتزند الجهاز اليدوي كما يتضح بالصوره وكأنه هذاك اللي يوجه الطائرات بالمدرج عند وقوفها نسيت وش اسمه

5-ابوريان راعي التوجيهات الصارمه والممتازه صراحه وراعي معنا الله يحفظه
6-ابو ابراهيم طبعا هذا بخيص بالامور ماشالله عليه مايخفاه شيء بامور المقانيص الله يحفظه ويرعاه ويعطيه الصحه والعافيه
7ابوسلطان راعي الفلكوووون الله يحفظه
8-ابو محمد طبعا حبيب الجميع الله يحفظه
9- ابو ناصر محاكيكم
وادري اني طولتها وهي قصيره ووكثرت عليكم الهذره لكن تراي اسولف كأني جالس بمجلس رجال شرواكم عقب مهدين او ثلاثه بخلا خالي ودلتين هيل على النار وثالثتهن عويدي
اقول اخلص وحط الصور




http://www.alrahlat.com/uploads/201...1290693275.jpg


لوحه بالطريق هل الصمان محميه ولماذا يمنع الكشته بالدهنا واللوحه تقول المنع راعي واحتطاب؟؟؟؟







http://www.alrahlat.com/uploads/201...1290693275.jpg


ويبداء البحث عن هذه المزيونه معشوقة الصقاقير والشيوخ وهواة الصيد











http://www.alrahlat.com/uploads/201...1290693275.jpg




واثناء البحث عن جرة المزيونه تم اللقاء مع ابا الحصين والغريب انه بالعاده يهرب بعيداً لكن هذا الحصيني طلب تصويره







http://www.alrahlat.com/uploads/201...1290693275.jpg




وهاهي اول الخروب تحت الطير ولله الحمد ويتضح كبر هذا الخرب



http://www.alrahlat.com/uploads/201...1290693275.jpg



وهذه معفرة الطير للخرب



http://www.alrahlat.com/uploads/201...1290693275.jpg

وهذه صوره مرعبه بعد تنفيذ القصاص







http://www.alrahlat.com/uploads/201...1290693275.jpg





وهذا الامير يحمل الخرب ويتضح كبره وغلوبه السوداء

وهاو الامير يحمل احد الخروب http://www.alrahlat.com/uploads/201...1290693275.jpg






خرب اخر








http://www.alrahlat.com/uploads/201...1290693275.jpg




وهذا سم الحباري والمشهور بايجاد الحبارى مهما كان الامر بالجره والمطير










يتبع

المترو 25-11-10 04:45 PM

قسم بالله بغيت اللغي الموضوع انتظرت للتعديل اكثر من نصف ساعه عسى ماشر المنتدى ليش بطيء




http://www.alrahlat.com/uploads/201...1290696066.jpg



وهذا ابو ناصر لمن لم يكحل عيونه بشوفتي من زينك بعد


http://www.alrahlat.com/uploads/201...1290696066.jpg



وهذا خرب اخر محظون ونافش فلته



http://www.alrahlat.com/uploads/201...1290696066.jpg





وهذه ابو ناصر يحمل هذا الخرب الاخر وقد بداء البحث عنه بالجره من 8 ونصف صباحا وحتى العصريه وترى حذفت الصوره كامله لان وجهي رايح فيها تقول مهدود علي ماهو على الخرب




http://www.alrahlat.com/uploads/201...1290696066.jpg




صوره ليليه للطيور نائمه بعد يوم من الهد والحد






http://www.alrahlat.com/uploads/201...1290696066.jpg




وهذا سم الحباري ابو محسن واليدوي المشهور معه




http://www.alrahlat.com/uploads/201...1290696066.jpg



وهنا غربت شمس المقناص






http://www.alrahlat.com/uploads/201...1290696066.jpg








وهذا القمر طل علينا عصرا كم طليتم على هذا الموضوع المتواضع

ولكم كامل الود والمحبه
محب الجميع ابو ناصر




ملاحظه

تراي اكتب بدون نظاره لاتدققون بالاخطاء

ابوهادي 25-11-10 05:33 PM

صايدين وفايدين مقناص موفق
تقبل مروري

عبدالحميد الحربي 25-11-10 05:35 PM


ابو ناصر

بيض الله وجهك على هذا الطرح الجميل

صايد وفايد يالغالي

لاعدمناك

طواش 25-11-10 06:33 PM

ابو ناصر

بيض الله وجهك على هذا الطرح الجميل

عبدالكريم اليوسف 25-11-10 08:02 PM

وعليكم السلام ورحمة الله وبركاته

صايد وفايد يابو ناصر
وعساك على القوة

لاتبطي علينا

الحنو 25-11-10 08:18 PM

ما شاء الله
صايد وفايد

حمد الجبيرى 27-11-10 11:00 PM

عوايدك الدسم يابوناصر وفقك الله

أبوخالد التويجري 27-11-10 11:46 PM

كفو والله


ماشاء الله عليكم عز الله انكم وفقتم

لاهنت يابعدي

شايب الصمان 28-11-10 05:27 AM

تسلم يالحبيب وأنا أقول الحبيب وينه أثرك مع الربع ..

بس ياخيي وراك زار زرار الرقبه بالبر وبدون شماغ الله يحفظك .:smailes12: :1aa: :)

ثامرالماضي 28-11-10 06:02 AM

أنت تشوف يابو عبدالله .. على صكة هالزرار كنه حضرمي بمحل قطع غيار ههههههههه :p

أبو ناصر ... ترفّع أبيك شوي خخخخ... ودي والله أحب خشيمك على هالتقرير اللي يشرح الصدر ..http://www.alrahlat.com/vb/images/icons/icon14.gif

بيض الله وجهك أنت وربعك وصايدين وفايدين يارب ..

وننتظر التقارير القادمه مع صيد أوفر بإذن الله ..

لاهنت

,,,,,,,,,,,,,,,,, تحياتي ,,,,,,,,,,,,,,,,,,

محمد الديحاني 28-11-10 06:53 AM

صايدين وفايدين يابو ناصر .........

الخلف 28-11-10 07:32 AM

وعليكم السلام ورحمة الله وبركاته

الاخ ابو ناصر
تسلم على هذا التقرير الدسم و كفوا
على هذا الصيد مشاء الله عليكم
سلمت يا الغالي
تحياتي

خالد الشريهي 28-11-10 07:55 AM

ما شاء الله تبارك الله

مهد موفق يا ابو ناصر

عسى هذي عوايدكم دوم

عليكم بالعافيه


تقبل أجمل تحية

مجنون الصيد 30-11-10 10:44 PM

مشالله صيد طيب الله يعطيكم العافيه


الساعة الآن 05:04 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir

Security team