|
ياساري الليل لاتسري على شـاني ... .:( تصوير هاوي نفود ):.
السلام عليكم فكرة الصورة موجودة من أكثر من ثلاث شهور لكن للأسف لم أوفق في التواجد بالمكان المناسب بالتوقيت المناسب والخميس الماضي تمكنت من تحقيق المعادلة لكن للأسف فلم أوفق بالشخص المناسب ومالقيت إلا هالبعير هذا لتصويره أرجوا أن تنال إعجابكم --- http://dc10.arabsh.com/i/02472/5vbwxt6p2950.jpg ياساري الليل لاتسري على شـاني ،،،،، ريــح ضمــيرك ورجــلك لا تـعنـيها لاصار غدر السنين اشكال والواني ،،،،، غصب تـموت القلــوب ودمـها فيـها وانا زماني سرى والنـوم ماجــاني ،،،،، والنفس دايـم تحن لـذكر مـاضــيها مـادام ذاك الـزمــان أقـفـا وخــلاني ،،،،، صـبرت والنفـس مـاضــيها يكفــيها أسـوق قلب صـوابـه هــز وجـداني ،،،،، عـرايس الطيف ما يرتــاح راعيــها خـايف يجـدد عنـاي الموقف الثاني ،،،،، والصبح أبي ليلـتي مـاعـاد الاقــيها تـرجـع كما ليـلة في ذاك الأزمــاني ،،،،، وأصبح علي الصباح وغاب طاريها ياساري الليـل ليلك حـرك أشجـاني ،،،،، ذكــرتني حــاجـة مــا نيب ناســــيها لا قلت أبصد وأدله بعض الأحيـاني ،،،،، راحت وعـادت بها الـذكرى تمشيها خــوافي الــروح تـامـرني وتنـهاني ،،،،، أيـــام تقـــوى علـي وأيــام أقـاويــها يثـيرها الهاجس الي جـدد أحــزاني ،،،،، مشــاعــر تسـتجـيب لمـن ينــاديـها ريـح الندى من لذيذ النـوم صحاني ،،،،، يعــــانق النفـس ويــرد الأمــل فيـها للشاعر // سالم المحيريق --- تم التصوير بالكام Canon PowerShot SX10 IS |
هاوي نفود
لقطة وتوقيت رائع لو ان الشخص غير متلثم لكان أفضل (وجهة نظر) بارك الله فيك. |
اقتباس:
ابواحمد تعال واجلس مكاني نص ساعة في هالبررد وتعرف ليه متلثم :smailes26:<< كب العشاء :D روعة وهذي الصورة يابوعلي اللي قلت لك عنها:thumbup: لآهنت يابونواف :rolleyes: |
ابداع لا عدمناك
|
اقتباس:
اقتباس:
اقتباس:
محمد المعارك حياك ربي وأشكر لك المرور الجميل --- ومثل ما قال أبو خالد وأرسله شكري على تحمل البررررررد نص ساعة براس الطعس وفعلاً الإهتمام بشكل المودل مهم لكن للأسف ما أسعفني الوقت لتجربة أكثر من حاله سبحان الله ... سرعة عجيبه لبداية بزوغ القمر --- saaahr الإبداع مرور المميزين أشكر لك المرور والتعليق المشجع |
مشاء الله تبارك الله صوره مميزه من شخص مميز
يعطيك الف عافيه لو الموديل كان لا بس سروال سنه وعلاقيه كانت افضل :1aa: |
اقتباس:
المميز مرور الخبراء أمثالك والله تمنيت من أبو خالد يجلس بالهاف بس يقول برد --- الله يعيط ألف عافية على المرور والتشجيع بكلماتك الجميلة |
لقطه رائعه وتوقيت ممتاز الله يوفقك
|
لقطه رائعه الدقه :( خربت شوي لاكن لاينقص عن جمال الصوره شي :)
|
السلام عليكم ورحمة الله وبركاته
صورة جميلة لكن لازم يصور ابو خالد بسروال السنه وفنيله علاقي على شان يصير فيه تناسق بين الصورة والقمر والقصيدة هههه |
وعليكم السلام ورحمة الله وبركاته
جميلة ولو ان الدقة افضل .. لكن البعير محليها ههههههههه مايركد ابوخالد .. اصبر لك شوي خل الصورة تضبط فكرة جميلة وتمنيت الوقت بالضبط محبكـ عبدالله |
الفكره جداً رائعه والصوره محليها هالولد وش زينه
الحين هذا جزاه صافقه الهواء والبراد وتقوله بعير بس ولو المفروض خليته يكثر من الحركات مره وهو متلطم ومره يرفع راسه يقلد الذيب ومره تقل شايل القمر وعلى هالحال لين يتقفص من الجمده نرجع للصوره / ناقصها شوي دقه بالشخص الجالس وليس بالقمر دقة القمر رائعه دمت بحفظ الله |
وعليكم السلام ورحمة الله وبركاته
ايهم القمر دمت بخيريالامير |
اقتباس:
الله يعافيك يالغالي وأشكر لك المرور والتشجيع اقتباس:
فعلاً لكن إللي أثر على الدقه هو سرعة تحرك القمر و عدم توافر الترابود أشكرك يالكونجرس على المرور اقتباس:
والله ودي تكون الصورة بالهاف بعد بس أبو خالد ما طاعني اقتباس:
حياك ربي البعير ما طاع يركد وإلا كان شفت الدقه تماااام والتوقيت ما أذكره بالضبط لكن أعتقد ليلة 17 والوقت تقريباً الساعة حدود الثامنة تقريباً اقتباس:
والله الصورة وصورناها يعني ما عاد لي بالبعير لزوم وعادي يزعل و فعلاً لو مخليه يغير وضعياته يمكن نطلع بأشكال أجمل اقتباس:
القمر هو الجالس على راس الطعس و إللي وراه صورته --- تسلم يالغالي على المرور والتشجيع |
| الساعة الآن 09:04 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir