|
طبخة جديدة وسهله للدجاج ........ أبو شعلان .
بسم الله الرحمن الرحيم مسّاكم الله بالخير إخواني جميعاً ... أحّس إني صرت شيف . هذي طريقة جديدة وحلوه وخفيفة لطبخ الدجاج ... وهالطريقه أنصح بها للمستعجل ... ألمكونات : 1 ـ حزمة حطب . 2 ـ قدر .... مايحتاج غطا . 3 ـ ملح .... وإن حصل بهارات . 4 ـ بس خلصنا . أخليكم مع الصور : أول شي شب الضو وبعدين راكم الحطب ... وصلح قهوتك وشاهيك دام الضو تجّمر ... ثانياً : إذا كان لديك دجاجتان قطّعهما أنصاف بالطول ... وإجدعهن بالقدر ... وإنثر عليهن قليل من الملح والبهارات. وإفركهن فركاً مبرحاً ... كما في الصورة ... ثم إقلبهن ... وكوّد عليهن بالفرك.. حتى يتخلخل البهار والملح إلى الداخل ... ( عاد وش رايكم بحركة الليمونة ) :D ومن ثم إبعد معاميلك عن الضو وإفرش الجمر وإبدأ بسدح أوبفرش الدجاج على الجمر بحيث تكون العظام إلى الأسفل كما هو واضح بالصورة ... ثم أحظر القدر وشقلبه على الدجاج وإضغط عليه يميناً ويساراً حتى يغيص بالرمل وإحرص على دفن الحوايف لكي لايكون هناك تنسيم ... وخذ قليلاً من الجمر وضعه فوق القدر كما في الصورة ... ثم إتركه لمدة 45 دقيقة ... ومن خلال إنتظارك يمكنك الإستفاده من حرارة القدر بوضع الأشياء عليه كالقدور أو المعاميل للتسخين فقط ... وعند إنتهاء المدّه المحدده إفتح القدر رويداً رويداً يعني ( شوي شوي ) عشان الرمل مايجي الدجاج ... ومن ثم إبدأ برفع الدجاج واحدة واحدة ... مع التنفيض لأسفل الدجاجة من الفحم الملتصق إذا وجد... ثم ضعه على الرز ... وللمعلومية ترى الرز متصاغي لأني تلّيت اللي شايل الصحن عشان اصورة .. والحمدلله إنه ماإنكب ... بعد هذا كلّه أتمنى لكم طبخة رائعة وطعماً هنياً مع تحيات الشيف / أبو شعلان يالله ياشايب الصمان ... تقدر تجيب مثله ;) ,,,,,,,,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,,,,,,,,,,, |
والله شكرا على هذه الطبخة الرائعة التي ماتعب
|
قال الرز متصاغي لاني تليت اللي شايله علشان اصورة
لا ياشيخ تقل عندي انك تقول لا تروح خله هنا قبل ما يبرد تقل عندي ان اللي تله هو بعض الناس اللي ببالي واسألو المترو عنهم وبلاشي تشهير بالشيبان يعطيك العافية يابو شعلان ولكن وش الدبرة باللي ما ياكلون ( الدجاج) http://www.alrahlat.com/vb/uploaded/27_1186487616.jpg |
الشيف ابو شعلان :::
اتخيلك بهالصوره http://www.alrahlat.com/vb/uploaded/253_1186493016.jpg ـــــــــــــــــــــــــــــــــ سلا11111111111111111م |
منت بسهل ياشيف ابو شعلان
طبخة سهله ومحكحكة ولا تبي مجهود تسلم يالغالي |
مشكور يابو شعلان
أنتم يالصقارين تخترعون أي شيء فيه اختصار للوقت ... وشكلها مندي مصغر . لكن اسمح لي وقارن بين الصورتين التاليتين: الأولى عدد قطع الدجاج كم ؟ http://www.alrahlat.com/vb/uploaded/27_1186484303.jpg الصورة الثانية كم عدد الدجاح ؟ http://www.alrahlat.com/vb/uploaded/27_1186487616.jpg لحمة الحاشي هذي شكلها مع الكبسة وماقلنا شيء !! لكن وين الباقي ؟؟ |
الله لايهينك يا ابوشعلان
ذكرتني الطعن وكنت ناسيا !!!! ذكرتني طبختك هذي بأول مقانيصي اول ماسويتها علمني اياها واحد من الجماعه وحنا بالبر وجربناها على ارانب تونا صايدينها في مضحانا وكانت اكثر من رائعه واللي يميزها سهولة اعدادها وطعمها الرائع والف شكر |
مشكور يا خلفهم انت
بس لو كان لحم صيد يكفيه ساعة؟ |
مشكور اخوي ابو شعلان على الطريقه الجديده وان شاء الله نجربها
|
اقتباس:
مرحبا أخوي كان أسعدني مرورك الكريم ... وفعلاً بسيطه وغير متعبة ... اقتباس:
هلابك يابوفراس ... ياخوي لاتحط بذمّك شي ... بس حلوه (( بلاشي تشهير بالشيبان )) ماشهرتوا أبد ههههه . الغريبة إنه مارد إلى هالحين ... وش توقع ... وبعدين اللي ماياكل دجاج يجربه بالطريقة وتراه يبي يدمن ... مشكور يابوفراس ... اقتباس:
أخوي أبوعلي ... هههههه ... بس حلوه لبس مطبخ وشماغ :D .... تصدق لو إني أعرف لهالحركات كان ماطلعت من البيت ... وبعدين وش ذاللي في يده كنه مقلايت كشاف هههه مشكور يابوعلي ... اقتباس:
هلابك أخوي ولد نجد ... محكحكة وبس ... والله ياهي بالدماغ ... يسلم راسك يالغالي ... ومشكور على مرورك ... اقتباس:
أبو أحمد هلابك يالغالي ... أول شي .. فعلاً عند الصقاقير ( الوقت من ذهب ) ... وثاني شي .. كان الغدا صحنين .. بس الشباب ماعندهم وقت حتى للتصوير .. واللحمة للي ماياكلون الدجاج ... مشكور يابو أحمد وماقصرت اقتباس:
حي الله أبومحمد ... ولاهنت يالغالي ... أكيد الأولى لا يمكن أن تنسى ... والأرنب فكره حلوه إن الله أحيانا بهالغدرا ... إن شاءالله ... مشكور وبيض الله وجهك ... اقتباس:
مرحباً مليووون يابويوسف ... لو كان لحم صيد ... كان تفننا فيه ... عشان نتطعّم صح ... مشكور يابويوسف .. وماقصرت ... ,,,,,,,,,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,,,,,,,, |
فكره حلوه يابو شعلان، تصلح للي ما عنده وقت في البر أو مستعجل مع ذلك اشوفها لذيذه لأنها على الجمر، جمل الله حالك على هذا الموضوع.
|
أبو شعلان وش هالزين يامبدع أعجبني التوثيق بالصور مع أن المقناص عجل عجل . شكل المضحى كان عليك الطريقة جربتها بضب صدته منذو مبطي وإكتشفت أنها جداً لذيذة وتنفع لراعي صيد الضلع والهجولة بين الحصيان تقبل مروري ياراعي الغدرا -------------------------------- http://www.saqar.com/vb/uploaded/338_1185031967.jpg |
اقتباس:
المشاركة الأصلية كتبت بواسطة ابو فراس http://alrahlat.com/vb/rehlatnew/buttons/viewpost.gif قال الرز متصاغي لاني تليت اللي شايله علشان اصورة لا ياشيخ تقل عندي انك تقول لا تروح خله هنا قبل ما يبرد تقل عندي ان اللي تله هو بعض الناس اللي ببالي واسألو المترو عنهم وبلاشي تشهير بالشيبان يعطيك العافية يابو شعلان ولكن وش الدبرة باللي ما ياكلون ( الدجاج) http://www.alrahlat.com/vb/uploaded/27_1186487616.jpg هلابك يابوفراس ... ياخوي لاتحط بذمّك شي ... بس حلوه (( بلاشي تشهير بالشيبان )) ماشهرتوا أبد ههههه . الغريبة إنه مارد إلى هالحين ... وش توقع ... وبعدين اللي ماياكل دجاج يجربه بالطريقة وتراه يبي يدمن ... مشكور يابوفراس ... طيب ميخالف ويش تقول بهالصور http://www.alrahlat.com/vb/uploaded/20_1186615343.jpg الطبخ على حطيبات ......................... بدال الزيت حليب خلفات توه محلوب .... آآآآآآآآممممم:p http://www.alrahlat.com/vb/uploaded/20_1186615602.jpg خلنا يابوشعلان بهاالشتاء نطلع جميع ونقرر على الاتي : 1- التأكد من عزبة أبوفراس ...... ولتبقى عزبة الجارمن في المقدمه . 2- التأكد هل أني آكل اكثر من ال؟؟؟؟؟ . 3- كل واحد يطبخ اللي يعرف من صباح الله من فطور وغداء وعشاء والوقت اللي بينهن نقنقه وآخر الليل تربيط جراء . مثال صامولي أو شابروه أوكبده مشويه أو فول المترو الشهير أو أقولك خلطة الجارمن السحريه . |
اقتباس:
يامرحبا مليون يابوعبدالعزيز ... الساعة المباركه ... وعلمنا إذا جربتها ... مشكور وماقصرت على مرورك الكريم ... اقتباس:
الله يجمل حالك على مرورك وتعليقك يابوفهد ... فعلاً لذيذه ومش بطّالة :D ... لاهنت يابوفهد ... اقتباس:
هلا وغلا يابومحمد ... ترى الشغله عجله وماتبي وقت واجد ... وإلا على طاري الغدرا ... هو فيه وإلا بين هالحصيان الصراحه لي مدّه ماشفته هههههه:D مشكور وماقصرت يابومحمد ... ,,,,,,,,,,,,,,,,,,,,,,,,,,,, تحياتي لكم جميعاً ,،،،،،،،،،،،،،،،،،،،،،،،،،،،،،،، |
اقتباس:
هلابك والله يابوعبدالله ... يعلم الله إني إذا شفت ردّك إني أستانس بالحيل ... ووالله إن أبرك الساعات إن حنا نظهر مع بعض ... والله يحيينا حياةٍ طيبه إلين يجي الشتاء ... وكل شي يبي يتيسّر ... ـــــــــــــــــــــــــــــــــــــــــــــ والصورة الأوله كلهم كافين يديهم ماشاء الله عليهم :D والصورة الثانية حلوه بالحيل يابوعبدالله ... وشكل الطعم بالدماغ ... الله يهنيكم يارب ... لاهنت يابوعبدالله .... وبيض الله وجهك يالغالي ... ,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,, |
| الساعة الآن 02:10 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir