منتديات الرحلات

منتديات الرحلات (http://www.alrahlat.com/vb/index.php)
-   رحلات برية وبحرية وجوية (http://www.alrahlat.com/vb/forumdisplay.php?f=7)
-   -   بين الدهناء وشعيب العصل وتجربة تحمل لواهيب القيض! (http://www.alrahlat.com/vb/showthread.php?t=1824)

المترو 18-08-07 09:32 PM

بين الدهناء وشعيب العصل وتجربة تحمل لواهيب القيض!
 
السلام عليكم ورحمة الله وبركاته
هذا الله مير يسلمكم يوم الاربعاء الماضي وبين ما انا اقلب ؟ تقلب ايش يا بتهوفن عطنا اللي عندك واقصر الحكي
المهم اني كشت انا وواحد من الربع لتجربة هل نستطيع تحمل لواهيب القيض والا لا ؟ وتجربة لقطت غليص سرير البر ؟؟!!
ووكذلك يذكرون ان الدخيخيلات هالسنه مبكره بالهجره
ومن كثرة الطفش من الديره والحبسه بالدار ومن المقاول وكثرة طلباته

المهم ونوجه الى روضة التنهات عصر الاربعاء ومير نمرح شمال منها حوالي 15 كلم وكان الجو ولا اجمل بارد يا ربي لك الحمد اضطرينا للحاف بالفرش ليلا
وصباح الخميس نحول يم شعيب العصل مروراً بصياهد جلعوده او ام رجوم


والله يا الجو حار جداً جداً جداً نهاراً وخاصه من الساعه 12 الى الساعة 4 عصراً لواهيب نار شابه الله يكفينا وياكم شر نار جهنم
ونطب بالشعييب الناس قليلين جداً والدخيخيلات اقل منهم لم نصيد الا حوالي عشرين لغدانا فقط

ملاحظات :
اهل البران يحملون خيام بمكيفات صحراويه ويقيلون فيها بدلااً عن ظل الطلح ؟؟؟!!!!
اهل البران صارو ينامون على اسره ويجلسون على كراسي بالبران ؟؟؟؟!!!!!
اهل البران صارو يتضايقون من الحر ياربي

والآن مع الصور المعذره جداً لسؤ التصوير والصور والكمره وكذلك كثرة الهذره


الاولى

نقي التنهات صباح الخميس

http://www.alrahlat.com/vb/uploaded/108_1187460607.jpg


الثانية

لقطت غليص السرير والكرسي ؟؟!! بس ولو تراه يخلي الواحد نايم وهو مرتاح ما دخل معه قبون او جع.. ولا يهوجس بهوام الارض تمرح معه بفراشه ؟؟

http://www.alrahlat.com/vb/uploaded/108_1187460828.jpg

الثالثه

طلاح العصل والمقيل تحت هالطلاح رغم شدة اللواهيب الا ان لها طعم خاص وخاصه كبيسة دخيخيلات ولبين الصافي ومن ثم نومه بالسروال والفنيله غير مسموح التصوير لتلك الوضاع ؟


http://www.alrahlat.com/vb/uploaded/108_1187461138.jpg


الرابعة

شعيب العصل وهو يتميز بكثرة وكبر طلاحه

http://www.alrahlat.com/vb/uploaded/108_1187461373.jpg


الخامسة هالحمامه القوقسيه شكلها مصابه بانفلونزاء الطيور لاتستطيع الطيران وجت وتكت معنا تحت السياره وشربت من البزبوز

http://www.alrahlat.com/vb/uploaded/108_1187461550.jpg


وهذه لقطات لسد قرية الشحمة

1-
http://www.alrahlat.com/vb/uploaded/108_1187463428.jpg


2-
http://www.alrahlat.com/vb/uploaded/108_1187463532.jpg



وهذه ايضا
http://www.alrahlat.com/vb/uploaded/108_1187463677.jpg

هذه احد ابار سد الشحمة ويروى منها الماء متوفرطول السنه

http://www.alrahlat.com/vb/uploaded/108_1187463804.jpg


وعفواً لم يتم تصوير الدخيخيلات تصدقون اني نست اصورهن ولا تذكرت الموضوع الا بعد الغداء الجوع شين

لكن هذه صور لدخيخيلات من رحله من العام الماضي عن قولت ؟؟!!

http://www.alrahlat.com/vb/uploaded/108_1187462688.jpg



وترى الموضوع كله سعة صدر

واعذرونا
ولكم وافرالمحبه والود

سحمان السبيعي 18-08-07 09:41 PM

شكرا اخي المترو على امتاعنا معك في هذه الرحلة الخطافية الصيفية والحمدلله على السلامة

ولد نجد 18-08-07 11:21 PM

صايد وفايد يابو ناصر
ويوم الخميس الطيور قليلة

محمد المعارك 19-08-07 12:55 AM

مشكور يالمترو على هالمشاركة
ومبورك عليك طلعة باللواهيب ...

اللي لفت نظري سد الشحمة حتى الآن فيه ماء .
العام الماضي كان هالوقت يابس ...

بارك الله فيك.

شايب الصمان 19-08-07 01:04 AM

هلا ومرحبا وماشاء الله عليكم خته من ختات المترو السريعه والرايقه الجميله المفيده اللذيذه .

طلبات المقاول ............. بسيطه لاتطلب منه غير طابوق وصبغ ( بناين الاولين ) ... بس تصدق تضامنة معك لاني توني قاضي من المقاول ومشاكله . الله يوفقك وجعله سكن السعد عليكم . متى النزاله :D .... قل حطه أنت أول .;)

عبدالكريم اليوسف 19-08-07 03:48 AM

اخوي الغالي
بيض الله وجهك يالامير
على هذا الموضوع الجميل
ورحلة موفقه والله يديمه عليك

اخوك


ابو فراس 19-08-07 05:21 AM

ابو ناصر وشلون خلاك المقاول واسعار المواد الي هي الى صعود كل يوم

اقول وشلون خلوك تطلع مرتاح وتنسى الديرة وغثاه

ولكن هالدخيخلات عساهن مداخيلهن العافية

ريع الدياب 19-08-07 11:03 AM

الغالى أبوناصر المترو

ربى يسعدك ويهنيك على هالموضوع السنع
قيظ قيظ ... لكن المهم البعد عن الديرة والتمتع
بالبر والهدوء والصحبة الطيبة
شوقتنا يابوناصر للبران ... لكن أبشر ما بقى
على سهيل الا كام يوم
بالمناسبة ... الله يعين على البناء ومنزل الهنا
تحية وتقدير

ثامرالماضي 19-08-07 11:17 AM

بسم الله الرحمن الرحيم

يامال العافيه يابوناصر ...

رحله رائعة ... ياليتني عارف إن هالموتر معكم كان طاب عليكم ـــ ( شايفكم ) :D ...

مشكور يابوناصر على هالصور ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,

السلطان 19-08-07 11:33 AM

الف شكر على هذا الرائعه من روائعك يالغالي

وجزاك الله الف خير

ننتظر جديدك يالسنافي

اخوك / السلطان

راعي الشاص 19-08-07 01:19 PM

مكثور الخير
والف شكر لك اخوي المترو
لاهنت.

المترو 19-08-07 02:09 PM

اخي العزيز كان
هلا وغلا وتسلم للمرور والتعيق زالتشجيع وبارك الله فيك
والله يسلمك من كل مكروه

اخي الكريم ولد نجد مرحبا ومسهلا بك والله يسلمك وفالك الطيب
وفعلا ماهنا طيور تذكر اعداد قليه جداً الاسبوع الماضي لكن البر زين على كل حال فيه طيور والا معاصير طالعين طالعين ان شالله :D

صقر هلا والله بالريس الساعه الطيبه طلتك على الموضوع وتشجيعك الاخوي
وسد الشحمه هالسنه محتفظ بالماء يمكن لقلة الحر هالسنه او لكثرة الامطار وخاصه الامطار اللهطلت اخر الشتاء على المنطقه
لك صافي الود يا ابو احمد

شايب الصمان هلا وغلا ومراحب انت فين يا راقل عساك بخير وعافيه دائمه ولك وافر والمحبه والوعد قدام:p



راعي الذوق
هلا وغلا ومراحب وتسلم للتعليق والمرور على الموضوع وتسلم يا غالي وهذا من حسن ذاتك بس ترى ابصدق واكتب صاحب السمو وانت السبب
لك وافر والمحبه

العم ابو فراس هلا وغلا ومراحب الساعه المباركه مرورك وتعليقك والمقاول يهون من اللي انت خابر ود جب نبي نروح ؟؟!!
لك صافي والود


هلا وغلا ابو اسماعيل ريع الذياب الاخ الغالي
تشرف الموضوع بمرورك وتشجيعك بارك الله فيك والله يجمعنا وياك على الطاعه
ولك وافي الود والمحبه


ابو شعلان هلا و غلا معقوله ما تعرف سيارتي الى الحين وصورها بكل موضوع مشخص بها وداخله به عرض

لكن ما الله كتب شوفتك الجايات اكثر وما عاد لك عذر ولا تنسى القناة المقترحه ؟


لكن لا تكون مع الربع اللي بالشعيب طاقين خيمه ومركبين فيها مكيف صحراوي نص وماطور ومقيلين بها مكيف بالبر :confused: :confused:
وتسلم للمررو التعليق والتشجيع

السلطان هلا وغلا ومراحب وتسلم للتشجيع والتعليق الطيب وبارك الله فيك
وترى السنافي يثير بعض الامور :D
لك وافر والود والمحبه والدعوى مزح ودخلت عليك عرض


راعي الشاص هلا وغلا ومراحب وبارك الل هفيك ويا مل العافيه
والدعوى نحريك المشاعر البريه لدى الاعضاء وسهيل جاي الاسبوع الجاي
ولكم جميعاً وافر التحايا

خالد الشريهي 19-08-07 06:51 PM

اخوي المترو

اللواهيب تهون اذا بس كم ساعه ترشش بمويه وتبرد شوي وبصراحه فكرة الصحراوي زوينه:D

الله يمتعك للي متعتنا هالصويرات وسهيل قرب والبراد باذن الله جاي

ابو شعلان ليش ماجا وسلم على الشقرديه وقلط على الشبب والا تلقاه زعل لانكم اخذتوا اكبر الطلاح واكثرها ظل :confused:

تقبل أجمل تحية يا ابوناصر

حامد الغامدي 19-08-07 09:18 PM

هلا ابو ناصر رحله موفقه وبالعافيه هالدخل صيد مبروك، والحر في البر لون ثاني ماهو مثل الحر اللي بالمدن، الله يمتعك بالصحه هلى هالصور الحلوه.

الليل 19-08-07 09:36 PM

ابو ناصر يالله حيه
كل ها المجالد وتعطيني صور دخل العام
وين البواردية وين الصيد ؟


الساعة الآن 08:43 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir

Security team