|
اللبس ماعمره ستر عيب رجّال
قصة وقصيدة من بريدي فيه شخص ثقيل دم كل ماقابل خويه يدور شيء ينتقده مره يقول (نعالك مو ماركه) ومره (قماش ثوبك صيني) وآخر مره قاله (قلمك رخيص مو زي قلمي الـ ( dior) فكتب له بقلمه [الرخيص] هذي الأبيات: في جيبي العلوي قلم بأربعه ريال وأخطّ به مالا يخطّه (ديورك) هذي علومك،،، كلها عوج وهزال اسمعني، اللــه لايجبّر كسورك فرحان.. تشري بـ(ألف وشويه) نعال! تمشي بك دروب المذله بـ شورك ومفصّل بـ (حول الثلاثميه) عقال! وتحته عقل فارغ سوى مـن غرورك يا تافه .. ارخ السمع للي بينقال وتراه ماهو مـن دواعي سرورك اللبس ماعمره ستر عيب رجّال هذا انت ماتستر خَواك بـ قشورك ومادامك تقيس الأوادم بالأشكال عندي تساوت غيبتك مع حضورك رح خاو خاوي مثلك أشبه بـ تمثال يرضي برستيجك ويسعد شعورك ما اتشرف بمعرفتك ولا انت فـ البال ولا عاد أشوفك عندي ولا بأزورك مغنيني اللـه عنك برجالٍ ثقال مافيهم اللي حب تمثيل دورك أقلّهم لو شاف تقصير وإهمال يسد نقصك ما يدوّر قصورك |
وعليكم السلام ورحمة الله وبركاتة
رائع وصح لسانك يالغالي ولسان قايلها فعلاً الناس ماتقيس بالمظاهر محبكـ عبدالله |
صح لسانك ، ابيات فيها حكمة . جزاك الله خير
|
أبيات رائعة ...
تناسب جداً حال جيل الشباب اليوم اصلحهم الله وهداهم .... شكراً أخي أبوفراس للنقل وصح الله لسانك ... |
فعلا يابو فراس
صار الحكم اليوم على الناس بماذا يلبسون وماذا يسكنون وماذا يركبون وماذا يقتنون شاكر لك ياغالي على ماقدمت |
هذا واقع شبابنا هذا اليوم
انتقاء رائع الله يعطيك الصحه والعافية يابوفراس |
صح لسان اللي قايلها ولاهنت يابوفراس
|
| الساعة الآن 10:11 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir