|
إلى أبو فهد العيد ...... لك مع وفير الشكر كل إحترامي
هذي قصيدة أبو فهد العيد على هذا الرابط http://www.alrahlat.com/vb/showthread.php?t=19335 صح لسانك يابو فهد وبيض الله وجهك @ @ @ وهذي ردي المتواضع أتمنى أن يحوز على رضا الجميع http://www.alrahlat.com/uploads/201...1277022445.jpg يامـرحـبـا عـــدّ الـجــراد الـتـهـامـي .................................لـقـبـل تـقــل غـيــمٍ يـــدكّ المـيـاديـن وعــداد ماهـلّـت حـقــوق الغـمـامـي .................................من ماطرٍ يضفي على الارض وتلين وحـي البيـوت اللـي لفـن بإنتظـامـي .................................واللي يحوزنّه علـى الـراس والعيـن يـابــو فـهــد يـامـرحـبـا يالـشـمـامـي .................................يالشـاعـر الصـقـار نـسـل الميـامـيـن الـبــر طـــبٍ لـلـقـلـوب الـظـوامــي .................................اللي على شـفّ الهـوى كـان توحيـن ويازين نقل الطيـر عقـب الصرامـي .................................وعقب الحراره صار نسناسهـا زيـن نـاخـذ لـنـا مـثـل الشـهـر بالتـمـامـي .................................ويـبـدا يـذكـّـر طـرحـهـا بـالـدواويـن وكلـن عـلـى النـيّـه يـشـد الحـزامـي .................................شيّـك علـى العزبـه وركــب بوالـيـن ونسري على اللـي ماعليهـن كلامـي ..................................شهـب الجـيـوب مقـرّبـات البعيـديـن والصـبـح كـلـن قـانــصٍ باهتـمـامـي ..................................وكلـن دعـا ربــه عـلـى فـالـه يعـيـن والـجـو راكــد مــا غـشـاه الكتـامـي .................................لاهــوب لاحــرن ولا بــاردن شـيـن ويـازيـن جرّتـهـا تـحـوس وتحـامـي ..................................ماهـي بعـيـده عـدّهـا عـنـدك الحـيـن تجـيـك نفـاضـه ورعـشـة عـظـامـي ...................................ويصبـح يميـن يسـار ويسـارك يميـن والطيـر جـاهـز بالشـلـو والحمـامـي ....................................وأمس العشا ماذاق لـه غيـر رجليـن فـي برقعـه مثـل العمـى مــا يـلامـي ....................................كـنـه يلـعـن بـرقـع الـــراس تلـعـيـن وله في صراع الزرق عـدّة عوامـي ....................................عقب الجرير وقبله أكثـر مـن سنيـن وفرّعـت للـنـادر عـريـض المقـامـي ...................................ثم مدّ عنقه وأصلـب الـراس والعيـن وعقّـد وتـل السـبـق طـيـر العـدامـي ....................................وقضب طمان القـاع والوجهـه يميـن من سرعته ماتشوف غيـر الجهامـي ....................................يـاعــل يـفـدنّـه فــــروخ الشـيـاهـيـن كـن بينـه وبيـن الدجـاجـه خصـامـي .....................................وإليا ضرب ضربـه يخـلّ الموازيـن وجيته وشفت الريـش والكـف دامـي .....................................وصيـدتـه تحـتـه تـــرف الجنـاحـيـن هـذي طــراة العـمـر غـايـة مـرامـي .....................................لـو كـان فيـهـا لاحــقٍ دَيـنـي الـدَيـن وإسـلـم وسـلّــم وإسـتـلـم يالفـهـامـي .....................................واللـي يـكّـن الـصـدر بــان بعنـاويـن ولك مع وفير الشكـر كـل إحترامـي .....................................يامرحـبـا يامـسـهـلا فـيــك وأهـلـيـن وصلـو علـى محمـد عليـه السلامـي .....................................عـدد نجـوم اللـيـل والـنـاس ممسـيـن أخوك / ثامرالماضي |
صح لسانك واعتلى شانك ولاهنت يابونجد
وانا اشهد انك كفو وكفيت ووفيت وابوفهد يستاهل الجزاله جيت بقتبس ماقدرت كلهن وافيات بس الأكيد لي عودة وعودة على بحر الخيال في هالأبيات |
قصيده جميله يابو شعلان، قصة رحله قنص وصيد صغتها في هذه الأبيات، صح لسانك. |
اقتباس:
صح لسانك ياثامر الماضي وصف أكثر رائع ،، وخيال يسرح بك في داخل القصيده وكأنك تلامس حال قائلها أبدعت يا أبو نجد ،، وأبو فهد يستاهل لاهنت |
اقتباس:
ياهلا يابو خالد صح بدنك يابعدي وبيض الله وجهك على هالاعجاب لاهنت ,,,,,,,,,,,,,,,, تحياتي ,,,,,,,,,,,,,,,,, |
أنا أشهد إنك بردت تسبدي يابو شعلان صح لسانك يابو شعلان ,, بيض الله وجهك وماقصرت ,, قريت قصيدتك وعندي إني قنصت ,, وصف رائع عشت معه لاعدمتك.. وشرفني ردك على أبياتي يابعدي .. لاهنت ولا شنت يالنشمي .. ,, الله يرزقك الصيد الي ينومسك وينومس طيرك وتهد أول الوقت..والله انك تستاهل يابو شعلان.. |
الله عليك يالامير
وصح لسانك ولسان ابو فهد صوت وصداء ولا اروع لاعدمناكم |
صح لسانك يابو شعلان
مبدع ودقيق في الوصف. وابو فهد يستاهل بارك الله فيك. |
اقتباس:
هلا وغلا يابو فهد صح بدنك .. وسرني مرورك وتعليقك لاهنت ,,,,,,,,,,,,,,,, تحياتي ,,,,,,,,,,,,,,, |
اقتباس:
ياهلا يابو فهد .. صح بدنك وشاكر لك إعجابك يابعدي لاهنت ,,,,,,,,,,,,, تحياتي ,,,,,,,,,,,,, |
اقتباس:
ياهلا والله وغلا يابو فهد صح بدنك يابعدي .. والشرف لي بهالرد المتواضع ... وشاكر لك هالكلام الطيب والله يتقبل مادعيت :) والله يرزق الجميع يارب لاهنت وبيض الله وجهك ,,,,,,,,,,,,,, تحياتي ,,,,,,,,,,,,,, |
اقتباس:
هلابك يابو محمد صح بدنك يابعدي لاهنت على شطفك للموضوع وأسعدني تواجدك ,,,,,,,,,,,,,,,,,,,, تحياتي ,,,,,,,,,,,,,,,,,,,, |
اقتباس:
هلا وغلا يابو أحمد صح بدنك يابعدي لاهنت وأسعدني مرورك ,,,,,,,,,,,,,, تحياتي ,,,,,,,,,,,,,,, |
| الساعة الآن 09:51 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir