|
قصيدة الوآتس أب ؟؟
منول(ن) لاجيت هلا ورحّب = في مجلسٍ كلّه صداقات وأقراب تعال جنبي .. فحز فلان .. قرّب = عطنا علومك قل لنا شعر وآداب شرّق بنا في كل فنٍ وغرّب = عطنا علوم السيل وعن فيضة جراب وشي علوم عقيل واللي مغرّب = وعن السياسة قل لنا ويش الأسباب هذي علومٍ لاذكرناه يطرب = في مجلسٍ مافيه حاسد وكذاب يصدق عليه القول رجلٍ (معزّب) = ماكد تعذّر مجلسه يوم(ن) أو غاب واليوم أشوف فلان طبعه مخرّب = ماهو على كاره تحفي وترحاب قلت السبب ياناس ؟؟ كلٍ تعجب = قالوا رفيقك بالمراسيل منصاب في خدمة يحمل مسماه وتس أب = ضاعت سواليف المعزب ولاتاب الخدمة اللي أعلنت حالة الحرب = وخلّت عيال الوالدة صم وأغراب هذي مجالسنا يقوله مجرب = ندفع على قطع الوصل مال وأتعاب |
صح لسانك
بالفعل هذا الي حاصل وهذه الخدمه لها ايجابيات وسلبيات وللأسف الشديد البعض استخدامه سلبي كنت جالس في مجلس قبل ايام وكانو بعض الحاضرين يحادثون بعضهم عن طريق الواتس أب وعند كل رساله ضحكات وهتفات على اتفه الأسباب ونسأل الله بأن يهدي شباب الأمه الله يعطيك العافيه |
صح لسانك يالامير
المشكلة ان بعض الناس بدا يشتكي من الام الرقبه مايرفع راسه من الجوال ولا يقدر كبير ولا صغير ربك يعين |
مشكور على القصيدة الجزلة اللي تشرح وأقع نعاني منه أول بلاك بيري ولحقة الواتس أب |
صح لسانك والله يعطيك العافية
الحمد لله اني اول مرة اعرف عن هذه الخدمة ومن قصيدتك أرى السلامة منها اخير |
ندفع على قطع الوصل مال واتعاب
صح لسانك اخي رحال بريدة وبالفعل ان الوت آب أخذ المجالس بطريقة جنونية. بارك الله فيك. |
قلت السبب ياناس ؟؟ كـلٍ تعجـبقــالــوا رفـيـقــك بـالـمـراسـيـل مـنــصــاب فـي خدمـة يحـمـل مسـمـاه وتــس أبضـاعــت سـوالـيـف الـمـعـزب ولاتـــاب الخـدمـة الـلــي أعـلـنـت حـالــة الـحــربوخـلّـت عـيـال الـوالـدة صــم وأغــراب هـــــــذي مـجـالـســنــا يــقـــولـــه مــــجــــربندفع على قطع الوصل مال وأتعاب صح لسانك ,,,,,,,,,,, و نا اشوف انها خدمه مميزه و مفيده للتواصل و تفرق من شخص الى اَخر حسب المقصد تحياتي |
اقتباس:
اقتباس:
. . الأستاذ الفاضل / أبي راكان .. صح بدنك يالغالي .. سـعدت كثيراً بهطولك الممرع .. وكما رأيت فإن غالب مجالسـنا إلا من رحم الله منشغلة بمثل هذه الخدمة التي أسئ فيها الإستخدام والأدهى حينما يزور الإنسان والديه ومن ثم ينشغل عنهما بالعبث في جواله . . . |
اقتباس:
اقتباس:
. . الشــاعر والصديق الوفي أبومحمد .. مرور الشعراء على إخوانهم أمر له دلالاته لدى الشـاعر أشكر لك حضورك وتعليقك .. . . |
أين القصيدة ؟
|
صح لسانك وانا أشهد أن صادق
لا هنت |
اقتباس:
هذا الواقع الله يعطيك العافية لك مني الشكر والتقدير دمت برعاية الله |
صح لسانك وبيض الله وجهك حقيقه قصيده جزله من شاعر متمكن تقبل تحيات أخوك http://www.robaiee.cc/up/uploads/ima...8795dea9f5.gif |
| الساعة الآن 07:46 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir