|
جانا الوسم (تقضل ياذيب العرمة ) ولا يهونون الباقين
السلام عليكم الله يرزقنا السيل ياكريم قصيدة جانا الوسم لحامد الضبعان ان شاء الله تحوز رضاكم لحفظ القصيدة http://abonoraah.googlepages.com/wasm.wmv جانا الوسم يختال والديره غدت مثل العـروس *** باكر تبي تلبس من أزهــار الربيع ثيــابها نبي نشوف رياضها اللي تاخذ العقل وتهــوس *** يـرقص نفلها مع خزامها و تفز أعشابــها الله لا قــامت تفل الشــال مثل العيــطموس *** يــا كثر من ينشد عليها و يا كثر خطابــها ياصاحبي والوقت يسرقنا و تشغلنا الهجوس *** دور لنا من أصحابنا اللي ما تخون أصحابها نبي نعيد الذكريات بزحمة الوقت العبوس *** يوم النوايا البيض تفتح للقلوب أبوابها خل ننسف الدنيا ورانا و المشاكل و الفلوس *** لين نتناسا هموم دنيانا وننسى أتعابــها تل الدبل يا صاحبي تله ودوس الــدرب دوس *** جبها على ما نشتهي و النار من شبــابها نبي ندوج بالفيافي و الخمايل و الطعــوس *** والأرض غدران و ريضان تفوح أطيــابها نشرب من أنفاس السحاب ونجمع الورد ونحوس *** ونهيم بالصحرا و نستانس بطهر ترابها يـــا صــاحبي نبي نهار ما يمل من الشمــوس *** نبي مكـان مــا مـشت به حضرها و أعرابــها طق الخــيام بخايعٍ لاجيته يسر الــنفوس *** ياقف على جاله غدير من القطا و أســرابها نجمع حطب ليل السوالف والقصايد والــدروس *** والغـــانمين علومهم نفخر بها ونـــزهى بها ان شاء الله تعجبكم في امان الله |
بسم الله الرحمن الرحيم يامال العافيه يابونوره على هالقصيد ... الصراحه رائعه جداً ... والأروع من ذلك إلقاء حامد الضبعان لها ... والله يرزقنا السيل اللي يجينا ليلن ورى ليل ... مشكور وماقصرت ... وأخونا ذيب العرمه والله يستاهل كل خير ... لاهنت يالغالي ... وننتظر المزيد ... من كل جديد ... ,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,, |
يستاهل ذيب العرمة
بس نبي منه هدية بعد مثل ذي او احسن |
وعليكم السلام هلا أبونوره هديه رائعه والله يرزقنا السيل شكراً لك ونبي المزيد من هالقصايد الصوتيه أخوك أبوعبدالله |
|
كفو يابونوره
كفيت ووفيت ........... الله يعجل بالخير والحيا اللهم أغثنا اللهم أغثنا اللهم أغثنا اللهم أغث قلوبنا بالأيمان وبلادنا بالأمطار اللهم أغثنا يا مغيث |
وفقك الله اخي الفاضل ولا حرمك الله الاجر والمثوبة اللهم آمين
|
اخوي ابوشعلان
الله يعافيك وياهلا بك والرائع هو حضورك وتواجدك ومشكور وماقصرت |
اخوي ابوفراس
ننتظر اخونا الغالي وهديته مشكور على حضورك |
اخوي عما السفينة
لا شكر على واجب والله يقدرني على جلب ما يرضيكم شاكر لك مرورك وحضورك ماقصرت |
اخوي وبل
شكرا لك حضورك ماقصرت يالطيب |
اول شي حياكم الله وانا فقدت المنتدى وربعنا الايام الماضيه وحبه خشم من الاضغر لاكبر واحد بالرحلات
|
ابوووو نووره مشكور الله يحفضك وعلشان قصيده الضبعان الهديه الله يحييك بطعوس السر اقرب لنا والمزاين والا يكون عندكم مخيم هناك ويكون قريبا لابو فراس وحملته الي بالقصيم بس تمموا قبل الاربعاء نبلغ احبابنا بالرياض والشرقيه والغربيه. لاني ماقدرت اكتب موضوع تهنيئه العيد واعزم بالمنتدى . شكل ابو فراس حارمني خاصيه كتابه المواضيع بس ارد.
|
شي رائع جدا يابو نوره
|
مشرفنا الغالي ابوعبدالعزيز
شاكر لك هذا الحضور وهذا الدعم منك يالغالي والله كريم عافاك الله يالغالي وماقصرت على حضورك |
| الساعة الآن 04:09 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir